Ап. уджъяс 11:14 - Коми Библия 2023

¹⁴ Сійӧ пӧ висьталас тэныд юӧр, код пыр мездман тэ да став тэнад гортсаыд.

Ап. уджъяс 11:14 Referans Kwoze

Ап. уджъяс 16:15

да сійӧ став гортсаыскӧд пыртчис. Сэсся шуис миянлы: «Ті кӧ лыддянныд менӧ Господьлы эскысьӧн, пырӧй менам керкаӧ да олӧй ме ордын». Сійӧ корӧмӧн корис миянӧс ас дорас.

Ап. уджъяс 10:22

Найӧ висьталісны: «Миянӧс мӧдӧдіс Корнилий, сё тышкамортӧн веськӧдлысьным. Сійӧ веськыда олысь да Енмысь полысь морт, иудей войтыр сійӧс пыдди пуктӧ. Вежа андел тшӧктӧма сылы корны тэнӧ гортас, мед кывзыны тэнсьыд висьталӧмтӧ».

Ап. уджъяс 10:6

Ӧні сійӧ кучик вӧчысь Симон ордын, сылӧн керкаыс сулалӧ саридз дорас. Сійӧ висьталас тэныд юӧр, код пыр мездман тэ да став тэнад гортсаыд».

Ап. уджъяс 10:2

Сійӧ вӧлі вежавидзысь морт, ачыс да сылӧн гортсаыс олісны Енмысь полӧмӧн. Корнилий отсасис гӧль иудейяслы да пыр кевмысис Енлы.

Ап. уджъяс 2:39

Ӧд тайӧс кӧсйысьӧма тіянлы, тіян ныв-пилы да став ылісаыслы – дзик быдӧнлы, кодӧс корас Господь, миян Енным».

Иоан 20:31

Но тайӧс гижӧма, медым ті эскинныд, мый Исус эм Кристос, Ен Пи. Эсканныд кӧ, Сылӧн нимыс пыр тіянлы вичмас олӧм.

Олӧм 17:7

Ме кӧртала тэкӧд да тэсянь чужысьяскӧд нэмъяс кежлӧ йитӧд, Ме лоа тэнад да тэсянь чужысьяслӧн Енмӧн.

Иоан 12:50

Ме тӧда, мый Сылӧн тшӧктӧмыс вайӧ помтӧм олӧм. Сідзкӧ, Менам висьталӧмӧй – Батьлӧн шуӧм серти висьталӧм».

Иоан 6:63

Сӧмын Лов вермӧ ловзьӧдны, а вир-яй тайӧс вӧчны оз вермы. Менам кывъясӧй сетӧны тіянлы Лов да олӧм.

Иоан 4:53

Сэки батьыс гӧгӧрвоис, мый буретш сійӧ кадас воис бурдӧмыс, кор Исус шуис сылы, тэнад пиыд пӧ бурдіс. Тадзи батьыс да став сылӧн гортсаыс эскисны Исуслы.

Лука 19:10

Морт Пи локтіс корсьны да мездыны вошӧмаӧс».

Марк 16:16

Коді эскас да пыртчас, сійӧ мездмас. Коді оз эскы, сійӧс лоӧ мыждӧма.

Еремей 32:39

Ме сета налы ӧти кӧсйӧм да ӧти туй, медым став олӧм чӧжныс найӧ вежавидзӧмӧн полісны Меысь, ӧд тайӧ лоӧ налы да налӧн челядьлы бур вылӧ.

Шусьӧгъяс 20:7

Веськыд мортыд сӧстӧм оласнога, майбырӧсь сылӧн ныв-пиыс.

Псалтыр 112:2

Господьлысь нимсӧ мед лоӧ ошкӧма ӧні и нэмъяс чӧж!

Псалтыр 103:17

Налӧн вожъяс вылӧ поздысьӧны лэбачьяс, сэтчӧ поздысьӧны аистъяс.

Олӧм 18:19

Ӧвраамӧс Ме бӧрйи висьтавны аслас пиянлы да сысянь чужысьяслы, мед ветласны Господь туйӧд, оласны веськыда да мыждасны збыльыс серти. Сэки Ме, Господь, вӧча ставсӧ, мый кӧсйыси Ӧвраамлы».

1 Коринфӧ 1:16

Нӧшта Степанӧс пырті да сылысь гортсасӧ, сэсся пырті-ӧ кодӧскӧ – ог тӧд.

Ап. уджъяс 18:8

Крисп нима морт, синагогаса юралысь, став гортсаыскӧд эскис Господьлы. Нӧшта унаӧн на Коринфын Павелӧс кывзӧм бӧрын тшӧтш эскисны да пыртчисны.

Ап. уджъяс 10:43

Сы йылысь став пророкыс висьталӧ, мый быдӧнлысь, коді эскӧ Сылы, лоӧ прӧститӧма мыжъяссӧ Сы нимӧн».

Иоан 6:68

Симон-Петыр вочавидзис: «Господьӧй, код дінӧ миянлы муннысӧ? Ӧд Тэнад кывъясыд сетӧны помтӧм олӧмсӧ.

Ап. уджъяс 11:13

сійӧ висьталіс миянлы, мый аддзылӧма анделӧс. Андел сувтӧма керка шӧрас да шуӧма сылы, мӧдӧд пӧ йӧзтӧ Иоппияӧ Симонла, кодӧс шуӧны Петырӧн.