Ап. уджъяс 1:26 - Коми Библия 2023

²⁶ Сэсся пудъясисны на вӧсна. Пудйыс уси Матфийлы, сійӧс и индісны дас кыкӧд апостолнас.

Ап. уджъяс 1:26 Referans Kwoze

Левит 16:8

Ай кӧзаяссӧ сійӧ мед торйӧдас пудъясьӧмӧн: ӧтисӧ мед ваясны Господьлы вись пыдди, мӧдсӧ мед нуӧдасны овтӧминӧ.

Нав Исус 18:10

Силомын Исус пудъяліс мусӧ Господь водзын да юкліс сійӧс Израиль чужанкотыръяслы.

Иона 1:7

Кывтысьяс шуисны ӧта-мӧдныслы: «Пудъясям, мед тӧдны, код вӧсна миянӧс суис тайӧ шогыс». Пудъясисны да, петкӧдліс Иона вылӧ.

1 Каднебӧг 24:5

Найӧс юклісны пудъясьӧмӧн, ӧд Енлӧн вежаинын юралысьясыс вӧліны кыкнан рӧдсьыс: Элазарлӧн да Итамарлӧн рӧдысь.

Ап. уджъяс 2:14

Петыр сувтіс дас ӧтиыскӧд да гораа шыасис: «Иудей войтыр да Ерусалимын мукӧд олысьяс! Кывзӧй менӧ да тӧд выланыд босьтӧй менсьым висьталӧмӧс.

Шусьӧгъяс 16:22

Мывкыд мортлы вежӧрыс вайӧ олӧм, вежӧртӧмлы велӧдчӧмыс – йӧйталӧм.

Ап. уджъяс 13:19

Сэсся бырӧдіс Ханаан муысь сизим войтырӧс да налысь муяссӧ юкліс миян батьяслы.

Нав Исус 14:2

Мусӧ юклісны пудъясьӧмӧн ӧкмыс чужанкотырлы да [Манассейлӧн] джын чужанкотырлы, кыдзи Господь тшӧктіс Мӧисей пыр.

Неемий 10:34

Ми – попъяс, левитъяс да войтыр – пудъясим Енлӧн крамӧ пес вайӧм кузя. Быд рӧдлы быд во урчитӧм кадӧ колӧ вайны пес, медым Индӧдын гижӧм серти миян Господь Енлӧн висьпуктанін вылын ӧзъяліс би.

Неемий 11:1

Израиль войтырлӧн юралысьяс олісны Ерусалимын. Войтырыс пудъясьӧмӧн индіс быд дасӧд мортӧс, коді овмӧдчас вежа Ерусалим карӧ, тадзи ӧкмысыс кольччис овны аслас карӧ.

Шусьӧгъяс 16:33

Паськӧм дорышӧ пудсӧ шыбитан, но кодлы пудйыс усяс – тайӧ Господьсянь.

Марк 6:30

Апостолъяс чукӧртчисны Исус дінӧ. Найӧ висьталісны Сылы ставсӧ, мый вӧчисны да мыйӧ велӧдісны.

Ап. уджъяс 1:23

Сэки вӧзйисны кыкӧс: Ӧсип-Варсаваӧс, кодӧс шуисны Юстӧн, да Матфийӧс.

Восьтӧм 21:14

Карыслӧн стенмыс подуласис дас кык из вылӧ, а изъяс вылас вӧлі гижӧма Балялӧн дас кык апостоллысь нимъяссӧ.