Ап. уджъяс 1:14 - Коми Библия 2023

¹⁴ Найӧ ставныс аньяскӧд, Исуслӧн вокъяскӧд да Сылӧн Мария мамыскӧд ӧти сьӧлӧмӧн дугдывтӧг кевмысисны.

Ап. уджъяс 1:14 Referans Kwoze

Ефесӧ 6:18

Вӧчӧй тайӧс кевмӧм-корӧмӧн, быд кадӧ кевмысьӧй Лов нуӧдӧм улын. Лоӧй пыр дасьӧсь да кевмысьӧй став вежа войтыр вӧсна.

Ап. уджъяс 6:4

Асьным ми водзӧ пондам кевмысьны да висьтавлыны Енлысь кывсӧ».

Колосӧ 4:2

Садьмӧдчӧй, дугдывтӧг кевмысьӧй. Вӧчӧй тайӧс Енмӧс аттьӧалӧмӧн.

Ап. уджъяс 2:42

Эскысьяс став сьӧлӧмнас кутчысисны апостолъяслӧн велӧдӧмӧ. Найӧ пыр ӧтлаын чукӧртчывлісны, нянь чегисны да кевмысисны.

Римӧ 12:12

Лачанытӧ кутӧй нимкодьпырысь, шогъястӧ нуӧй терпитӧмӧн, дугдывтӧг кевмысьӧй.

Лука 18:1

Исус висьталіс велӧданвисьт, мый оз ков лигышмунны, а дугдывтӧг кевмысьны.

Матвей 21:22

Мый коранныд кевмысиганыд эскӧмӧн, лоӧ тіянлы».

Ап. уджъяс 2:1

Воис Ветымынӧд лунся гаж. Найӧ ставныс вӧліны ӧти сьӧлӧмаӧсь. Кор найӧ вӧлі чукӧртчӧмаӧсь,

Лука 11:13

Ті лёкӧсь, а сямманныд бурсӧ сетны асланыд ныв-пилы. Дерт нин, енэжвыв Батьныд сетас Вежа Ловсӧ Сылысь корысьяслы».

Ап. уджъяс 2:46

Быд лун найӧ ӧти сьӧлӧмӧн чукӧртчывлісны крамӧ, а гортаныс нянь чегисны, сёйисны нимкодьпырысь да восьса сьӧлӧмӧн.

Лука 24:53

Енмӧс ошкӧмӧн найӧ пыр вӧліны крамынӧсь. Аминь.

Матвей 12:46

Йӧзкӧд Исуслӧн сёрнитігкостіыс локтісны Сылӧн мамыс да вокъясыс. Найӧ сулалісны ывлаас да кӧсйисны сёрнитыштны Сыкӧд.

Лука 24:10

Тайӧ аньясыс вӧліны Магдала Марья, Йоанна, Яковлӧн Марья мамыс да нӧшта мукӧд аньяс на. Аньяс юӧртісны лоӧмтор йывсьыс апостолъяслы,

Лука 23:55

Ӧсипкӧд тшӧтш вӧліны Галилеяысь Исускӧд локтӧм аньяс. Найӧ аддзылісны, кыдзи пуктісны Исуслысь шойсӧ дзебанінӧ.

Лука 23:49

Исуслӧн тӧдсаясыс ылісянь видзӧдісны ставсӧ тайӧс. Сэні вӧліны тшӧтш Галилеяысь Сыкӧд ветлысь аньяс.

Марк 16:1

Шойччан лун бӧрын Магдала Марья, Яковлӧн Марья мамыс да Саломия ньӧбисны чӧскыд дука выйяс, медым мавтны Исусӧс.

Марк 15:40

Сэні вӧліны аньяс, кодъяс ылісянь видзӧдісны. На пӧвстын вӧліны Магдала Марья, томджык Яковлӧн да Иосейлӧн Марья мамныс да Саломия.

Матвей 27:55

Сэні вӧлі уна ань, кодъяс ылісянь видзӧдісны. Найӧ Галилеясянь ветлӧдлісны Исускӧд да кесъялісны Сылы.

Лука 24:33

Найӧ дзик пыр чеччисны да бӧр мунісны Ерусалимӧ. Сэні аддзисны дас ӧтикнан велӧдчысьсӧ да накӧд тшӧтш мукӧдсӧ.

Лука 8:20

Исуслы висьталісны: «Мамыд да вокъясыд ывлаасӧсь, Тэнӧ кӧсйӧны аддзӧдлыны».

1 Коринфӧ 14:13

Та вӧсна мукӧд кывъяс вылын сёрнитысьлы колӧ кевмысьны, медым сійӧ вермис гӧгӧрвоӧдны ассьыс висьталӧмсӧ.