Амос 9:13 - Коми Библия 2023

¹³ Воасны лунъяс, – висьталӧ Господь, – кор гӧрысь суас вундысьӧс, виноград талялысь – виноград пуктысьӧс. Керӧсъяс да мылькъяс вывсянь кутас визувтны виноград вотӧслӧн ва.

Амос 9:13 Referans Kwoze

Йоиль 3:18

Сійӧ лунӧ керӧсъяс вывсянь пондас войтавны вина, мылькъяс вывті визувтны йӧв, Иуда муын сёртасъяс тырасны ваӧн. Господьлӧн крамысь визувтас ва, сійӧ пондас юктавны Ситтим ковтыс.

Иоан 4:35

Ті шуанныд, нёль тӧлысь мысти пӧ воас вундан кад. Висьтала тіянлы: видзӧдлӧй кӧдзӧм муяс вылӧ. Найӧ кельдӧдӧмаӧсь нин вундігкежлӧ.

Исай 55:13

Йӧн пыдди кутас быдмыны кипарис, петшӧр пыдди – мирт. Ставыс тайӧ лоӧ Господьӧс нимӧдӧм вылӧ, лоӧ нэмъяс кежлӧ индысьпасӧн.

Левит 26:5

Ті кутанныд нянь вартны виноград чукӧрттӧдз, а виноград чукӧртӧмныд нюжалас кӧдзан кадӧдз. Ті кутанныд пӧттӧдз сёйны да повтӧг овны асланыд муын.

Езекиль 36:35

Сэки шуасны, тайӧ овтӧм муыс пӧ Эдэм сад кодь лоӧма, тайӧ кушмӧм-киссьӧм каръяссӧ пӧ зумыдмӧдӧма да овмӧдӧма.

Йоиль 3:20

Но Иуда муын пыр лоӧ олысьыс, Ерусалимын пондасны овны нэмъяс чӧж.

Псалтыр 97:5

Сьылӧй Господьлы да ворсӧй гуслиӧн, ворсӧй гуслиӧн да сьылӧй.

Ёрдысьяс 5:5

Господь водзын керӧсъяс дзӧрисны, Израильлӧн Господь Ен водзын весиг Синай керӧс вӧрис.

Амос 9:5

Ыджыдыс, Господь Саваоф, инмӧдчӧ муас, и муыс вӧрзьылӧ, сэтчӧс став олысьыс бӧрддзӧ. Муыс кыптылӧ Нил моз, ляпкалӧ египетса ю моз.

Олӧм 49:11

Виноград бердӧ сійӧ кӧрталӧ ассьыс том осёлсӧ, медбур виноград вожйӧ – осёл чаньсӧ. Винаын мыськалӧ ассьыс кӧлуйсӧ, виноград розъяслӧн вирнас – паськӧмсӧ.

Исай 16:10

Бур вотӧса му вылын оз нин гажӧдчыны-нимкодясьны, виноград йӧръясын оз сьывны, оз нимкодясьны, пычкан гуын оз талявны виноград вотӧс, дугдіс кывны гажӧдчӧм шы.

Езекиль 28:26

Найӧ кутасны сэні повтӧг овны, лэптасны керкаяс да пуктасны виноград пуяс. Кутасны повтӧг овны, ӧд Ме мыжда на гӧгӧр олысь войтыръясӧс, кодъяс мустӧмтісны найӧс. Сэки найӧ тӧдмаласны, мый Ме – Господь, налӧн Ен».

Йоиль 2:24

Вартанінъяс тырасны няньӧн, пычкан гуяс – винаӧн да выйӧн.