12 Йӧзыс кутасны шӧйтны саридзсянь саридзӧдз, ветлыны войвывсянь асыввылӧдз, кутасны корсьны Господьлысь кывсӧ, но оз аддзыны.
Коді абу Мекӧд, сійӧ Меным паныд, коді оз чукӧрт Мекӧд, сійӧ разӧдӧ.
Но тэ, Даниил, эн восьт тайӧ кывъяссӧ, а тупкы тайӧ небӧгсӧ печатьӧн, кытчӧдз оз во бӧръя кадыс. Сэки унаӧн лыддясны сійӧс, и налӧн тӧдӧмлуныс содас».
Омӧльтысь морт корсьӧ мывкыдлунсӧ да оз аддзы, вежӧра мортлы тӧдӧмлуныс кокньыда шедӧ.
Идолъяслы юрбитӧмнаныд ті ӧнӧдз асьнытӧ пежаланныд, кор ваянныд налы козинъяс да сотанныд вись пыдди ассьыныд пияннытӧ. И та бӧрын ті, израильсаяс, локтанныд юасьны Менсьым! Ме Ачым кыв сетӧмӧн шуа, – висьталӧ Господь Ыджыдыс, – мый ог вочавидз тіянлы.
«Морт пиӧй, шу израильса юрнуӧдысьяслы, мый Господь Ыджыдыс тадзи висьталӧ: ті локтінныд Менсьым юасьны, но Ме Ачым кыв сетӧмӧн шуа, мый ог вочавидз тіянлы, – висьталӧ Господь Ыджыдыс.
Самуил зонка кесъяліс Господьлы Илий дорын. Сійӧ кадас Господьсянь кывъяс да петкӧдчылӧмъяс вӧліны зэв гежӧда.
Войтырыс лэдзчысьӧ, абу кӧ Енсянь восьтӧмыс, но Индӧд серти олысьяс – майбырӧсь.
Сэки ті кутанныд чуксавны менӧ, а ме ог кыв, кутанныд корсьысьны менӧ, но онӧ аддзӧй.
Асланыс ыжъясӧн да ӧшъясӧн найӧ мунасны корсьны Господьӧс, но оз аддзыны Сійӧс, ӧд Сійӧ ылыстчис наысь.