Амос 6:5 - Коми Библия 2023

⁵ Ті лӧвтанныд-сьыланныд арфа улӧ, чайтанныд, мый Давид моз кужанныд ворсны.

Амос 6:5 Referans Kwoze

Исай 5:12

Налӧн гажӧдчанінын ворсӧны гуслиӧн да арфаӧн, тимпанӧн да пӧлянӧн. Сэні шорӧн киссьӧ вина! Но Господьлысь уджъяссӧ найӧ оз аддзыны, Сылысь вӧчӧмторъяссӧ оз казявны.

Амос 5:23

Ылыст Ме дінысь гора сьыланкывъястӧ, арфа шыястӧ Ме ог кӧсйы кывзыны.

Амос 8:3

Сійӧ лунӧ гажӧдчан сьыланкывъяс вежсясны бӧрдӧмӧн, – висьталӧ Господь Ыджыдыс. – Быдлаын кутасны туплясьны шыбитӧм шойяс. Чӧв олӧй!

Восьтӧм 18:22

Тэнад туй вылын некор оз кут кывны сьылӧм шы, пӧлян да труба шы, некод оз кут ворсны арфаӧн. Некор оз кут уджавны тані киподтуя морт, некор оз кут кывны тані изки шы.

1 Петыр 4:3

Водзынсӧ ті вӧчинныд ентӧдтӧмъяс моз: олінныд лэдзчысьӧмӧн да лёк кӧсйӧмныд серти, кырсалінныд, кодалінныд-гажӧдчинныд да юрбитінныд зывӧк идолъяслы. Пӧттӧдз нин тіян тадзисӧ олӧма.

Еклесиаст 2:8

Ме чукӧрті аслым эзысь-зарни, ӧксыяслысь да мукӧд войтыръяслысь озырлунсӧ. Чукӧрті ас дінӧ сьылысь аньясӧс да айуловӧс и босьті аслым гӧтырӧ уна аньӧс, медым найӧ гажӧдісны менӧ.

1 Каднебӧг 23:5

Нёль сюрс мортӧс вӧлі индӧма видзны крам дзиръяяс, нёль сюрс мортӧс – ворсанторъясӧн ошкыны Господьӧс. Та могысь и Давид тшӧктіс вӧчны ворсанторъяссӧ.

1 Каднебӧг 15:16

Левитъяслӧн веськӧдлысьяслы Давид тшӧктіс сувтӧдны левитъяс пӧвстысь сьылысьясӧс, нӧшта арфаӧн, гуслиӧн да кимвалӧн ворсысьясӧс, медым найӧ гораа да нимкодясьӧмӧн сьылісны-ворсісны.

Олӧм 31:27

Мыйла тэ пышйин? Мунін гусьӧн, нинӧм эн висьтав? Ме эськӧ колльӧді тэнӧ гажа сьыланкывъясӧн, тимпанӧн да гуслиӧн.

Езекиль 26:13

Ме пукта пом сьыланкывъяс юргӧмлы, гуслияслӧн шы оз нин кут кывны.

2 Каднебӧг 29:26

Левитъяс сулалісны Давидлӧн кодь ворсанторъясӧн, а попъяс – трубаясӧн.