Biblia Todo Logo
Bib sou entènèt

- Piblisite -




Амос 6:2 - Коми Библия 2023

2 Мунӧй Калне карӧ да видзӧдлӧй, сэтысянь мунӧй ыджыд Хамат карӧ, лэччӧй филистимса Геф карӧ. Ті ӧд наысь абу ёнджыкӧсь. Налӧн ӧмӧй муныс тіянысь ыджыдджык?

Gade chapit la Kopi




Амос 6:2
19 Referans Kwoze  

Тэ нинӧмӧн абу бурджык Но-Аммонысь, египетса юркарысь, коді сулаліс Нил ю дорын. Сійӧс быдладорсянь кытшаліс ва, юыс видзис сійӧс, вӧлі сылы зумыд стенмӧн.


Кӧнӧсь Хамат да Арпад каръяслӧн енъясыс? Кӧнӧсь Сепарваим, Ена да Ивва каръяслӧн енъясыс? Мездісны ӧмӧй Самарияӧс сылӧн енъясыс менам киысь?


Медводдза каръясӧн сылӧн юралӧм улын вӧліны Вавилон, Эрек, Аккад да Калне. Тайӧ каръясыс вӧліны Сеннар муын.


Озей петіс филистимсаяслы паныд тышӧ да жугӧдіс-пазӧдіс Геф, Явне да Азот каръяслысь стенъяссӧ. Сэсся сійӧ Азот кар гӧгӧрын да мукӧдлаын Филистим муын лэптіс каръяс.


Филистимса чукӧрысь петіс Гефын олысь Голиаф нима вермасьысь. Сійӧ вӧлі зэв ыджыд тушаа – квайт гырддза да весьт кузьта.


Кӧнӧсь ӧні Хамат, Арпад, Сепарваим, Ена да Ивва каръяслӧн ӧксыясыс?»


Вавилонсаяс вӧчисны Суккот-Бенот бӧлбанӧс, Кутаысь локтысьяс – Нергал бӧлбанӧс, Хаматысь локтысьяс – Ашима бӧлбанӧс,


Самарияса каръясӧ ассурса ӧксы вайӧдіс Вавилонысь, Кутаысь, Авваысь, Хаматысь да Сепарваимысь олысьясӧс. Найӧ босьтісны аслыныс Самария му да овмӧдчисны сэтчӧс каръясӧ израильсаяс пыдди.


Сійӧ лунъясӧ Соломон став Израиль войтыркӧд пасйис гаж. Лево-Хаматсянь Египет мудорса шорӧдз израильсаяс чукӧртчисны Соломонкӧд ӧтвыв тайӧ гаж вылас. Асланыс Господь Ен водзын найӧ гажӧдчисны сизим лун чӧж, сэсся нӧшта на гажӧдчисны сизим лун – ставнас дас нёль лун. [Крам дорын найӧ сёйисны-юисны да кевмысисны Господь Ен водзын.]


Накӧд сёрнитігкості филистимса тышкайӧз пӧвстысь петіс гефса Голиаф нима вермасьысь. Сійӧ воддза мозыс бара кутіс увтыртны израильсаясӧс. Давид кыліс тайӧс.


Найӧ чукӧртісны ас дінаныс филистимса став юралысьсӧ да юалісны: «Мый миянлы вӧчны Израиль Енлӧн кудйыскӧд?» Юралысьяс тшӧктісны нуны кудсӧ Гефӧ. И нуисны Израиль Енлысь кудсӧ Гефӧ.


Дамаск йылысь. – Хамат да Арпад каръясын олысьяс шӧйӧвошӧмаӧсь лёк юӧр кылӧмысь, полӧмнысла найӧ саридз моз шызьӧмаӧсь, оз вермыны лӧньнысӧ.


Сэтысь мӧдӧдісны Енлысь кудсӧ Экрон карӧ. Сэтчӧс олысьяс пондісны шуасьны-горзыны: «Мыйла ті вайинныд татчӧ Израиль Енлысь кудсӧ? Мед вины-бырӧдны миянӧс?»


Хаматса Тойи ӧксылы кывсис, мый Давид кушӧдз пасьвартӧма Ададезерлысь тышкайӧзсӧ.


Swiv nou:

Piblisite


Piblisite