Амос 6:1 - Коми Библия 2023

¹ Курыд шог тіянлы, войтыр пӧвстысь медтӧдчанаяслы, кодъяс вылӧ став Израиль лача кутӧ. Ті тӧждысьтӧг оланныд Сионын да Самария керӧс вылын.

Амос 6:1 Referans Kwoze

Яков 5:5

Ті олінныд тайӧ му вылас лышкыда да быдторнас чӧсмасинныд. Ті тшӧгӧдінныд асьнытӧ, кыдзи пемӧсъясӧс тшӧгӧдӧны начкысян лун кежлӧ.

Амос 4:1

Кывзӧй, ті, васанса мӧсъяс, Самария керӧс вылын олысь аньяс! Ті дзескӧданныд гӧльясӧс, топӧданныд коньӧръясӧс, верӧсныдлы тшӧктанныд: «Вай юны!»

Софоний 1:12

Сійӧ кадас Ме би ӧзтӧмӧн кытшовта Ерусалим, корся да мыжда найӧс, кодъяс дундӧмаӧсь вина-сурысь, кодъяс мӧвпалӧны: «Бурсӧ ни лёксӧ оз вӧч миянлы Господь».

Ёрдысьяс 18:7

Тайӧ вит мортыс мунісны водзӧ да воисны Лаис карӧ. Найӧ аддзисны, мый сэтчӧс йӧзыс тӧждысьтӧг да повтӧг олӧны сидонсаяс моз. Сэтчӧс йӧз вылын некод эз ыджыдав, найӧс некод эз дзескӧд. Найӧ олісны сидонсаясысь ылын, и мукӧд йӧзкӧд эз волысьны.

Яков 1:18

Ас кӧсйӧм сертиыс Сійӧ чужтіс миянӧс збыльыслӧн кывнас, медым Сылӧн вӧчӧмторъясысь ми вӧлім медводдзаясӧн.

Еремей 49:31

Вавилонсаяс, чеччӧй, тышӧ петӧй Хацорын олысьяслы паныд, кодъяс олӧны лӧня да повтӧг, – висьталӧ Господь. – Налӧн абу дзиръяяс, абу иганъяс, найӧ олӧны мукӧдысь торйӧн.

Исай 33:14

Сионын олысь мыжаяс полӧны, Ентӧг олысьяс тіралӧны. Найӧ шуалӧны: «Коді миян пӧвстысь вермас орччӧн овны ставсӧ сотысь бикӧд? Коді миян пӧвстысь вермас овны куслытӧм би пытшкын?»

1 Петыр 5:7

Ассьыныд став тӧжд-могтӧ вайӧй Сылы, ӧд Сійӧ тӧждысьӧ тіян вӧсна.

Амос 8:14

кодъяс кыв сетӧны Самарияӧс мыжӧ вайӧдысь идол водзын, кыв сетӧны Данлӧн ен водзын, кӧсйысьӧны Бер-Шеваӧ мунан туйӧн – та вӧсна найӧ усясны да бӧрсӧ оз чеччыны.

Еремей 7:4

Ті шуанныд: ”Тані Господьлӧн крамыс, Господьлӧн крамыс, Господьлӧн крамыс”. Тайӧ шуӧмнас энӧ ылӧдлӧй асьнытӧ, мый ставыс бур.

Ӧксыяслӧн 3 небӧг 16:24

Кык эзысь талантысь Омри ньӧбис Шемерлысь Семерон керӧс да лэптіс сэні кар. Нимсӧ карыслы сетіс Самария, керӧс вузалысьлӧн ним серти.

Бӧрданкыв 1:1

Ӧтнас сулалӧ кар, а коркӧ вӧлі йӧзӧн тырӧма! Ӧні сійӧ дӧва кодь, а коркӧ вӧлі войтыръяс пӧвстын ыджыд. Сійӧ ыджыдаліс ӧксыув муяс вылын, а лои вот мынтӧм могысь уджалысьӧн.

Еремей 48:11

Том кадсяньыс Моав оліс лӧня, вина моз сулаліс аслас дозйын, дозйысь дозйӧ сійӧс эз кисьтлыны, пленӧ эз нуӧдлыны. Та вӧсна сылӧн кӧрыс эз вежсьыв, сысянь ӧвтіс пыр ӧтмоза.

Псалтыр 123:4

ыджыд ваыс эськӧ пӧдтіс миянӧс, визув ваыс кылӧдіс миянӧс,

Амос 3:2

– Сӧмын тіянӧс Ме бӧрйи мувывса войтыръяс пӧвстысь, та вӧсна Ме мыжда тіянӧс мыжъяссьыныд.

Амос 3:9

Юӧртӧй Азот изкарын олысьяслы, египетса каръясын олысьяслы шуӧй: – Чукӧртчӧй Самария керӧсъяс вылӧ, видзӧдлӧй, кутшӧм шызьӧм да дзескӧдӧм сэні!

Амос 5:27

Та вӧсна Ме вӧтла тіянӧс Дамаскысь на ылӧджык, – висьталӧ Господь. Сылӧн нимыс – Ен Саваоф.

Шусьӧгъяс 1:32

Мывкыдтӧм мортлӧн асныралӧмыс виас сійӧс, вежӧртӧмлӧн кокньыд оласногыс бырӧдас сійӧс.

Еремей 2:3

Израиль – Господьлӧн вежаторйыс, Сылӧн медводдза вотӧсыс. Ставнысӧ, кодъяс ньылыштісны сійӧс, вӧлі мыждӧма, ыджыд шог суис найӧс, – висьталӧ Господь.

Еремей 5:5

Ме шуи, мый муна нималана йӧз дінӧ, понда сёрнитны накӧд, ӧд найӧ тӧдӧны Господьлысь туйсӧ, тӧдӧны асланыс Енлысь Индӧдсӧ. Но найӧ тшӧтш жугӧдісны сийӧснысӧ, орӧдісны кӧртӧднысӧ.

Амос 9:10

Шыпурт помысь куласны Менам войтыр пӧвстысь став мыжа йӧзыс, кодъяс шуӧны: «Оз су миянӧс лёкыс, оз во сійӧ миянӧдз!»

Микей 3:1

Ме шуи: – Кывзӧй, Яков рӧдлӧн юралысьяс, Израиль войтырлӧн веськӧдлысьяс! Тіянлы колӧ тӧдны веськыдлунсӧ.