Амос 5:18 - Коми Библия 2023

¹⁸ Курыд шог сылы, коді Господьлысь лунсӧ виччысьӧ! Бур вылӧ-ӧ тіянлы Господьлӧн луныс лоӧ? Сійӧ пемыд лоӧ, оз югыд.

Амос 5:18 Referans Kwoze

Йоиль 1:15

Повзьӧдана лун миянӧс виччысьӧ, Господьлӧн луныс матын, Ставсӧвермысьсянь сійӧ локтас, медым бырӧдны.

Йоиль 2:31

Шондіыс пемдас, тӧлысьыс вирӧн ойдас Господьлӧн ыджыд да повзьӧдана луныс вотӧдз.

Еремей 30:7

Сійӧ луныс лоӧ зэв повзьӧдана, сэтшӧм луныс эз на вӧвлы! Яковсянь чужысьяслы сійӧ луныс лоӧ сьӧкыд, но найӧ мездмасны.

Малакий 4:1

Сійӧ луныс воас ыпъялысь би моз, идзасӧс моз сотас вылӧ кыпӧдчысьясӧс, сотас лёк вӧчысьясӧс, – висьталӧ Господь Саваоф, – оз коль наысь весиг вуж ни ув.

Исай 9:19

Господь Саваофлӧн скӧрлуныс сотӧ-чишкалӧ мусӧ, войтырыс лои билы сёянторйӧн. Йӧзыс оз жалитны ӧта-мӧднысӧ.

Исай 5:30

Сійӧ лунӧ найӧ уськӧдчасны тайӧ му вылас, налӧн равзӧмыс лоӧ гызьӧм саридзлӧн шы кодь. Сэки видзӧдлан му вылас, аддзан сап пемыд да шогсьӧм, и кымӧръяс вевттясны югыдсӧ.

Исай 5:19

Найӧ шуалӧны: «Мед ӧдйӧджык тыдовтчасны Господьлӧн уджъясыс, медым ми аддзим найӧс. Мед ӧдйӧджык инасны Израильлӧн вежа Енлӧн кывъясыс, медым ми казялім тайӧс».

Йоиль 2:10

На водзын муыс дзӧрӧ, енэжыс сыркакылӧ. Шондіыс да тӧлысьыс пемдасны, кодзувъяс югӧрсӧ воштасны.

2 Петыр 3:4

Найӧ пондасны шуны: «Кӧні нӧ сійӧ Локтысьыс, коді кӧсйысьліс тай? Миян батьяс кулісны нин, но ставыс коли важ мозыс, му пуксьӧмсяньыс нинӧм эз вежсьы».

Езекиль 12:27

«Морт пиӧй, Израиль войтыр шуӧ, мый тэ аддзылан Енсянь петкӧдчылӧмъяс, а найӧ дыр на оз збыльмыны, ӧд тэ пророкалан локтана кадъяс йылысь.

Езекиль 12:22

«Морт пиӧй, Израиль муын тіян ветлӧ татшӧм шусьӧг: ”Колясны лунъяс, а Енсянь петкӧдчылӧмъяс оз збыльмыны”.

2 Петыр 3:10

Господьлӧн луныс воас виччысьтӧг, войся гусясьысь моз. Сэки енэжыс ыджыд шыӧн бырас, став ентыкӧлаыс ыпъялана биысь пазалас, а муыс да ставыс, мый сэні эм, сотчас.

Еремей 17:15

Йӧзыс шуалӧны меным: «Господь оз збыльмӧд Ассьыс кывсӧ. Мед инас сійӧ!»

Индӧд 32:24

Тшыгъялӧмысь найӧ нюкыртчасны, кулана висьӧм виас найӧс, пӧрӧс висьӧм бырӧдас. Ме ыста на вылӧ ёсь пиня зверъясӧс да яда змейясӧс.

Исай 8:22

Найӧ видзӧдласны вывлань, синнысӧ чӧвтласны му вылӧ да аддзасны: гӧгӧр шог да сап пемыд, гӧгӧр сьӧд пемыд. Найӧс лоӧ йӧршитӧма пемыдас. Но оз век ло пемыд сэні, кӧні ӧні сійӧ сукмӧма.

Исай 13:6

Ырзӧмӧн бӧрдӧй, ӧд Господьлӧн луныс матын нин, сійӧ локтӧ Ставсӧвермысьсянь да бырӧдӧ ставсӧ.

Еремей 13:16

Ошкӧй Господьӧс, ассьыныд Еннытӧ, кытчӧдз Сійӧ оз мӧдӧд пемыдсӧ. Сэки ті понданныд крукасьлыны пемыд керӧсъяс вылын, кутанныд виччысьны югыдсӧ, но югыдсӧ Сійӧ вӧчас сап пемыдӧн, сьӧд пемыд войӧн.

Йоиль 2:11

Гораа чуксалӧмӧн Господь веськӧдлӧ тышкайӧзнас, Сылӧн тышкайӧзыс лыдтӧм-тшӧттӧм, Сылӧн тшӧктӧм серти вӧчысь вына. Господьлӧн луныс ыджыд да повзьӧдана, вермас-ӧ кодкӧ ловйӧн кольны?

Авдий 1:15

Но матыстчӧ Господьлӧн луныс, став войтыръясӧс мыждан лун. Кыдзи тэ, Эдом, вӧчин, сідзи жӧ тэкӧд вӧчасны, тэнад вӧчӧмторъясысь водзӧс перъясны.

Исай 24:18

Повзьӧм мортлӧн горзӧмысь коді пышъяс, сійӧ гуӧ усяс, коді петас гусьыс, сійӧ налькйӧ веськалас. Ӧд енэжвыв ӧшиньяс воссясны, муыслӧн подулыс сыркмунлас.

Исай 58:2

Найӧ быттьӧ веськыда олысь войтыр, коді оз вунӧдлы аслас Енлысь тшӧктӧмъяссӧ, быд лун корсьысьӧ Менӧ, кӧсйӧ тӧдны Менсьым туйясӧс. Найӧ виччысьӧны Месянь веськыда мыждӧм, кӧсйӧны матыстчыны Ен дінӧ.