Амос 4:7 - Коми Библия 2023

⁷ Ме зэрсӧ тіянлы эг сет, кор вундан кадӧдз вӧлі куим тӧлысь на. Ӧти кар вылӧ кисьті зэрсӧ, а мӧд кар вылӧ – эг. Кӧнкӧ зэрліс, а кӧнкӧ зэртӧмысла муыс косьмис.

Амос 4:7 Referans Kwoze

Еремей 3:3

Та вӧсна зэрыс эз вӧв, эз киссьы тувсовъя зэр. Тэнад чужӧмыд кырсалысь аньлӧн кодь, тэ воштӧмыд яндзимтӧ.

Петӧм 9:26

Сӧмын Гошен муын, кӧні олісны Израиль войтыр, эз вӧв шерыс.

Исай 5:6

Ме дзикӧдз эновта сійӧс, ог кут тӧждысьны, ог кут весавны, сійӧ тырас йӧнмӧн да ёг турунӧн. Ме шуа кымӧръяслы, и найӧ оз сетны зэрсӧ.

Яков 5:17

Илля вӧлі миян кодь морт. Сійӧ сьӧлӧмсяньыс кевмысис, медым эз зэр, и му вылас эз вӧв зэрыс куим во да джын.

Йоиль 2:23

Гажӧдчӧй, Сионын олысьяс, нимкодясьӧй Господь Енныд вӧсна! Сійӧ сетас тіянлы тырмымӧн зэр, воддза мозыс ыстас тіянлы арся да тувсовъя зэр.

Петӧм 10:23

Куим лун чӧж ӧта-мӧдсӧ некод эз аддзы, некод эз чеччы места вывсьыс. А Израиль войтырлӧн оланінас вӧлі югыд.

Петӧм 9:4

Господь торйӧдас израильсаяслысь ыж-мӧссӧ египетсаяслӧн ыж-мӧскысь, и израильсаяслӧн весиг ӧти пемӧс оз кув».

Восьтӧм 11:6

Тайӧ висьталысьясыслӧн эм вын тупкыны енэжсӧ, медым пророкаліганыс эз зэр. Налӧн эм вын пӧртны васӧ вирӧ да тшыкӧдны мусӧ быдпӧлӧс бырӧданторнас, кор сӧмын кӧсъясны.

Иоан 4:35

Ті шуанныд, нёль тӧлысь мысти пӧ воас вундан кад. Висьтала тіянлы: видзӧдлӧй кӧдзӧм муяс вылӧ. Найӧ кельдӧдӧмаӧсь нин вундігкежлӧ.

Закар 14:17

А войтырлы, коді оз лок Ерусалимӧ юрбитны Ӧксылы, Господь Саваофлы, Сійӧ оз сет зэрсӧ.

Еремей 14:22

Мукӧд войтыръяслӧн идолъясыс ӧмӧй вермасны мӧдӧдны зэр? Енэжыс ӧмӧй вермас ачыс кисьтны сувтса зэр? Господьӧй, миян Енмӧй, он ӧмӧй зэрсӧ Тэ мӧдӧд? Тэ вылӧ ми лача кутам, ӧд ставсӧ тайӧс Тэ вӧчан!

Еремей 14:4

Зэрыс абу дыр кад чӧж нин, муыс косьмӧма, потласьӧма. Му вӧдитысьяс шӧйӧвошӧмаӧсь, вевттьӧмаӧсь юрнысӧ.

Индӧд 11:17

Тадзи кӧ вӧчанныд, сэки Господьлӧн скӧрлуныс ыпнитас тіян вылӧ, и Сійӧ тупкас енэжсӧ, оз сет зэрсӧ. Муыс оз сет быдтассӧ, и ті регыдъя кадӧн быранныд сійӧ бур му вывсьыс, мый Господь сетас тіянлы.

Петӧм 8:22

Сійӧ лунӧ Ме торйӧда Гошен му, кӧні олӧ Менам войтырӧй. Сэні лӧдз-гутыс оз ло. Сэки тэ тӧдмалан, мый став му пасьталаыс Ме – Господь [Енмыс].

1 Коринфӧ 4:7

Тэ ӧмӧй бурджык мукӧдсьыс? Енлӧн сетӧмыс кындзи тэнад ӧмӧй эм мыйкӧ аслад? Абу кӧ, сідзкӧ, мыйла ошйысян, мый ставыс тэнад.

Петӧм 10:22

Мӧисей лэптіс кисӧ енэжланьыс, и пуксис сап пемыд. Тадзи вӧлі куим лун чӧж Египет муын.

Еремей 14:3

Ыджыдъяс мӧдӧдӧны ассьыныс кесъялысьяссӧ вала, найӧ мунӧны юкмӧс дорӧ, но ваыс сэні абу. Найӧ бӧр локтӧны куш дозъясӧн, найӧ шӧйӧвошӧмаӧсь, яналӧмӧн вевттьӧны юрнысӧ.