Амос 3:10 - Коми Библия 2023

¹⁰ Дзескӧдӧмӧн да мырддялӧмӧн найӧ чукӧртӧны озырлун асланыс ыджыд керкаясӧ, веськыда вӧчны найӧ оз кужны, – висьталӧ Господь. –

Амос 3:10 Referans Kwoze

Софоний 1:9

Ме мыжда сійӧ лунӧ быдӧнӧс, коді воськовтігас полӧ тувччыны тагӧс вылӧ, коді ыджыдыслысь керкасӧ тыртӧ виалӧм-дзескӧдӧмӧн да ылӧгӧн.

Еремей 4:22

– Менам войтырӧй мывкыдтӧм, Менӧ найӧ оз тӧдны. Найӧ мывкыдтӧм челядь кодьӧсь, нинӧм оз вежӧртны, лёксӧ вӧчны сюсьӧсь, а бурсӧ вӧчны оз кужны.

Псалтыр 14:4

Господь водзын шогмытӧмаясӧс мустӧмтӧ, а Господьысь полысьясӧс пыдди пуктӧ. Сійӧ кутӧ ассьыс кывсӧ, весиг таысь кӧ ачыс сьӧкыдалӧ.

2 Петыр 3:5

Тадзи мӧвпалысьяс быттьӧ оз тӧдны, мый Ен кывйӧн артмӧдӧма енэжсӧ да мусӧ, вӧчӧма ваысь да ва отсӧгӧн,

Амос 6:12

Изкырта вывті ӧмӧй котралӧны вӧвъяс? Верман ӧмӧй ӧшъясӧн гӧрны сэті? А ті бергӧдінныд веськыда мыждӧмсӧ пагӧдан быдмӧгӧ, веськыдлуныслысь вотӧссӧ – курыд зелляӧ.

Амос 5:7

Со, веськыда мыждӧмсӧ ті бергӧдінныд курыд зелляӧ, веськыдлунсӧ муӧ талялінныд!

Еремей 5:4

Ме шуи, мый найӧ коньӧр да мывкыдтӧм йӧз, найӧ оз тӧдны Господьлысь туйсӧ, оз тӧдны асланыс Енлысь Индӧдсӧ.

Езекиль 8:17

Сійӧ шуис меным: «Аддзан-ӧ, морт пиӧй? Иуда войтырлы оз ӧмӧй тырмы зывӧк вӧчӧмыс? Виалӧм-дзескӧдӧмнас найӧ тыртісны мусӧ да ӧтарӧ скӧрмӧдӧны Менӧ, кор Меным ныр улӧ пуктӧны пу вожъяс.

Езекиль 18:7

Сійӧ некодӧс оз дзескӧд, а бӧр сетӧ, мый босьтліс уджйӧзӧн сетӧмсьыс. Сійӧ оз мырддяв, а тшыгъялысьӧс вердӧ да пасьтӧмӧс пасьтӧдӧ.

Езекиль 22:29

Войтырыс ӧта-мӧдсӧ дзескӧдӧ, ӧта-мӧдныслысь мырддялӧ, гӧльӧс да коньӧрӧс топӧдӧ, йӧз муысь локтысьясӧс нартитӧ.

Амос 6:3

Ті кӧсъянныд ылыстны сійӧ лунсӧ, кор лёкыс суас тіянӧс, но ті асланыд виалӧм-дзескӧдӧмӧн матыстанныд сійӧс.

Амос 6:8

Яков рӧдлӧн вылӧ кыпӧдчӧмыс Меным зывӧк, сылысь изкарсӧ Ме мустӧмта, – висьталӧ Господь Ен Саваоф. – Та вӧсна Ме, Господь Ыджыдыс, кыв сета, мый карсӧ ставнас вӧрӧглы коля.

Микей 6:10

Тіян керкаясын ӧнӧдз на эм ылӧдчӧмӧн нажӧвитӧм озырлун, пӧръясьӧмӧн муртасян доз.

Иов 20:21

Сылӧн пӧтлытӧмлуныс ньылыштіс ставсӧ, та вӧсна сылӧн шудыс киссяс.

Шусьӧгъяс 1:13

Босьтам сылысь быдсяма донаторсӧ, тыртам керканымӧс мырддялӧм эмбурнас,

Шусьӧгъяс 11:16

Мича гӧтырӧс ошкӧны, [Мича гӧтыр ошкӧм вайӧ верӧсыслы, а коді мустӧмтӧ веськыдлунсӧ, янӧдӧ верӧссӧ. Дышъяс овлӧны гӧльӧсь,] уджач мортыд озырмӧ.

Шусьӧгъяс 28:5

Лёк йӧз веськыда мыждӧмсӧ оз гӧгӧрвоны, а Господьӧс корсьысьяс сійӧс бура вежӧртӧны.

Еклесиаст 4:1

Ме видзӧдлі быдпӧлӧс дзескӧдӧм вылӧ, мый вӧчсьӧ шонді улас: дзескӧдӧмаяс бӧрдӧны – найӧс бурӧдысьыс абу, найӧ дзескӧдысьлӧн вына киынӧсь, а бурӧдысьыс абу.

Осий 7:1

Кор Ме бурдӧда Израильӧс, тыдовтчас Ефремлӧн мыжыс, мыччысясны Самариялӧн лёк уджъясыс, ӧд йӧзыс пӧръясьӧны, гусясьысьяс керкаяс куштӧны, туйяс вылын мырддялӧны.

Амос 4:1

Кывзӧй, ті, васанса мӧсъяс, Самария керӧс вылын олысь аньяс! Ті дзескӧданныд гӧльясӧс, топӧданныд коньӧръясӧс, верӧсныдлы тшӧктанныд: «Вай юны!»