Амос 2:7 - Коми Библия 2023

⁷ Гӧль йӧзӧс найӧ талялӧны кок уланыс, коньӧръяслы туйсӧ тупкӧны. Батьыс да пиыс ӧти ань дінӧ ветлӧны – тадзи янӧдӧны Менсьым вежа нимӧс.

Амос 2:7 Referans Kwoze

Амос 5:12

Ме тӧда, кутшӧм уна тіян лёк вӧчӧмныд, тӧда, кутшӧм уна тіян мыжъясныд. Веськыда олысьӧс ті дзескӧданныд, козинъяс босьтанныд, ёрд вылын коньӧрӧс мыжтӧгыс мыжданныд.

Езекиль 22:11

Кодкӧ матыссаыслӧн гӧтыркӧд зывӧксӧ вӧчӧ, кодкӧ моньсӧ пежалӧ, кодкӧ мырдӧналӧ ассьыс чойсӧ, аслас батьыслысь нывсӧ.

Исай 10:2

медым гӧльясӧс эз мыждыны веськыда, медым Менам войтыр пӧвстысь коньӧръяслы эз вӧчны веськыда, медым мырддьыны дӧваяслысь эмбурсӧ, медым куштыны батьтӧм-мамтӧмъясӧс.

1 Коринфӧ 5:1

Ме кывлі, ӧткымынӧн пӧ тіян пӧвстысь кырсалӧны, и сідзи, мый татшӧмыс оз овлы весиг ентӧдтӧмъяс пӧвстын. Кодкӧ пӧ тіян пиысь узьлӧ весиг батьыслӧн гӧтырыскӧд.

Микей 2:9

Менам войтырлысь аньяссӧ ті вӧтланныд гортсьыныс, налысь ныв-писӧ Меысь пыр кежлӧ торйӧданныд.

Микей 2:2

Ковмас кӧ налы му – мырддясны, ковмас кӧ керка – босьтасны. Найӧ дзескӧдӧны мортӧс да сылысь гортсаяссӧ, куштӧны керка-овмӧссӧ.

Римӧ 2:24

Гижӧма: «Енлысь нимсӧ тіян вӧсна омӧльтӧны ентӧдтӧмъяс».

Софоний 3:3

Сэтчӧс юралысьясыс – равзысь лев кодьӧсь, ёрдысьясыс – войся кӧин кодьӧсь, асылӧдзыс весиг лытор оз коль кыйдӧссьыс.

Амос 8:4

Кывзӧй, гӧльясӧс талялысьяс да коньӧръясӧс дзескӧдысьяс!

Амос 4:1

Кывзӧй, ті, васанса мӧсъяс, Самария керӧс вылын олысь аньяс! Ті дзескӧданныд гӧльясӧс, топӧданныд коньӧръясӧс, верӧсныдлы тшӧктанныд: «Вай юны!»

Езекиль 36:20

Но мукӧд войтыръяс пӧвстын оліганыс найӧ янӧдісны Менсьым вежа нимӧс. На йылысь шуӧны, тайӧ пӧ Господьлӧн войтырыс, но налы ковмис петны Сылӧн муысь.

Шусьӧгъяс 28:21

Чужӧм вылӧ видзӧдӧмӧн вӧчны – абу бур, мортыд весиг няньтор вӧсна вермӧ лёксӧ вӧчны.

Ӧксыяслӧн 3 небӧг 21:4

Ахав муніс гортас скӧрмӧмӧн да шогӧ усьӧмӧн, ӧд изреельса Навот шуис, ог пӧ сет тэныд аслам батьяслысь мусӧ. Гортас Ахав [инас эз ӧшйы,] водіс вольпасяс да мӧдарӧ бергӧдчис, весиг эз кут сёйны.

Ӧксыяслӧн 2 небӧг 12:14

Но тайӧ вӧчӧмторнад тэ сетін помка Господьӧс мустӧмтысьяслы омӧльтны Сійӧс. Та вӧсна кулас тэнад пузчужӧм пиыд». Сэсся Нафан бӧр муніс гортас.

Левит 20:3

Тайӧ мортыслы Ме паныд сувта, бырӧда сійӧс войтыр пӧвстысь сы понда, мый ассьыс кагасӧ Молок идоллы сетіс. Тайӧн сійӧ Менсьым вежаинӧс пежаліс да Менсьым вежа нимӧс янӧдіс.

Левит 18:15

Эн узьлы моньыдкӧд, ӧд сійӧ пиыдлӧн гӧтыр.

Левит 18:8

Батьтӧ эн янӧд, сылӧн гӧтыркӧд эн узьлы.

Осий 4:14

Но Ме ог кут мыждыны тіянлысь нывъяснытӧ кырсалӧмысь, моньяснытӧ – гозъякост олӧм пежалӧмысь, ӧд айуловныд асьныс ветлӧны кырсалысь аньяс дінӧ, кырсалысь аньяскӧд ӧтвылысь висьяс вайӧны. Вежӧртӧм войтырӧс лоӧ бырӧдӧма!

Левит 18:21

Ныв-питӧ эн вай вись пыдди Молок идоллы, эн янӧд аслад Енлысь нимсӧ. Ме – Господь.

Исай 3:14

Господь кутас мыждыны Аслас войтырлысь юрнуӧдысьясӧс да веськӧдлысьясӧс: – Ті куштінныд виноград йӧр, гӧльяслысь мырддялӧм эмбурнас тыртінныд керкаяснытӧ.

Исай 3:15

Кыдзи ті лысьтанныд дзескӧдны Менсьым войтырӧс? Ті нартитанныд гӧльясӧс, – висьталӧ Ыджыдыс, Господь Саваоф.

Исай 10:1

Курыд шог налы, кодъяс лӧсьӧдӧны лёк индӧдъяс, гижӧны чорыд тшӧктӧмъяс,

Амос 5:11

Ті дзескӧданныд гӧльясӧс, босьтанныд налысь няньсӧ. Та вӧсна лоас тадзи: ті лэптанныд керкаяс кералӧм ыджыд изъясысь, но сэтчӧ онӧ овмӧдчӧй, ті пуктанныд бур виноград йӧръяс, но сэтчӧс вотӧсысь пычкӧм винасӧ онӧ юӧй.