Амос 2:4 - Коми Библия 2023

⁴ Господь тадзи висьталӧ: – Иуда войтыр мыж бӧрся мыж вӧчисны, та вӧсна Ме ог веж Ассьым мыждана шуӧмӧс. Найӧ ӧд эновтісны Менсьым Индӧдӧс, Менам тшӧктӧмъяс серти эз овны. Батьясныс моз найӧ юрбитісны ылӧг енъяслы, кодъяс кежӧдісны найӧс туйсьыс.

Амос 2:4 Referans Kwoze

Езекиль 20:24

сыысь, мый найӧ эз овны Менам индӧд-тшӧктӧмъяс серти, а бокӧ вештісны найӧс, пежалісны Менсьым шойччан лунӧс да синнысӧ бергӧдісны асланыс батьяслӧн идолъяслань.

Езекиль 20:16

Найӧ вештісны Менсьым индӧд-тшӧктӧмъясӧс бокӧ, эз овны на серти, пежалісны Менсьым шойччан лунӧс, ӧд сьӧлӧмнысӧ бергӧдісны идолъяслань.

Езекиль 20:13

Но Израиль войтыр кыпӧдчис Меным паныд овтӧминын. Найӧ бокӧ вештісны Менсьым индӧд-тшӧктӧмъясӧс, на серти эз овны, медым видзны ассьыныс олӧмнысӧ. Менсьым шойччан лунӧс найӧ пежалісны. Сэки Ме шуи, мый овтӧминын кисьта на вылӧ Ассьым скӧрлунӧс да бырӧда найӧс.

Аввакум 2:18

Вермас-ӧ отсавны бӧлбан – пуысь вӧчӧмторйыс? Вермас-ӧ отсавны идол – сывдӧмӧн вӧчӧм ылӧгвелӧдысьыс? Но вӧчасьысь лача кутӧ аслас идол вылӧ, сёрнитны вермытӧм ен вылӧ.

Осий 12:2

Господь мыжалӧ Иудаӧс, Сійӧ мыждас Яковӧс олан туйсьыс, мынтысяс сылы уджъясыс серти.

Исай 28:15

Ті шуанныд: «Ми кӧрталім йитӧд кулӧмыскӧд, ми сёрнитчим пыдӧстӧминыскӧд. Кор вӧрӧг ыльӧбтас бырӧдны, сійӧ оз суӧд миянӧс, ӧд ылӧгыс лои миянлы сайӧдчанінӧн, пӧръясьӧмыс – вевттьӧдӧн».

Римӧ 1:25

Енлысь збыльсӧ найӧ бергӧдісны пӧръясьӧмӧ, юрбитісны вӧчӧмторъяслы, а эз Ставсӧвӧчысьлы. Ошкӧм Сылы нэмъяс чӧж! Аминь.

Амос 3:2

– Сӧмын тіянӧс Ме бӧрйи мувывса войтыръяс пӧвстысь, та вӧсна Ме мыжда тіянӧс мыжъяссьыныд.

Езекиль 20:18

Овтӧминын Ме шуи налӧн ныв-пилы: батьясныдлӧн кок туйӧд энӧ мунӧй, налӧн тшӧктӧмъяс серти энӧ олӧй да налӧн идолъясӧн асьнытӧ энӧ пежалӧй.

Еремей 9:14

Найӧ олісны асланыс чорыд сьӧлӧмныс серти да юрбитісны Ваал идолъяслы, кыдзи велӧдісны налӧн батьясныс».

Еремей 8:9

Мывкыдаяс яналасны, повзясны да веськаласны тывйӧ. Налӧн мывкыдлуныс абу, ӧд найӧ ӧтдортісны Господьлысь кывсӧ.

Неемий 1:7

Ми ыджыд мыж вӧчим Тэныд паныд, эгӧ олӧй Тэнад индӧд-тшӧктӧмъяс серти, мый Тэ сетін Аслад Мӧисей кесйӧглы.

Ӧксыяслӧн 4 небӧг 17:19

Но Иуда чужанкотыр тшӧтш торкаліс аслас Господь Енлысь тшӧктӧмъяссӧ да оліс израильсаяс моз.

1 Петыр 1:18

Ті ӧд тӧданныд, мый тіянӧс ньӧбӧма абу бырана эзысь-зарни вылӧ, медым мездыны тіянӧс весьшӧрӧ олӧмысь, коді вуджис тіянлы батьяссяньныд.

1 Фессалоникаӧ 4:8

Сідзкӧ, тайӧ тшӧктӧмсӧ ӧтдортысь оз мортӧс ӧтдорт, а Енсӧ, коді сетіс миянлы Ассьыс Вежа Ловсӧ.

Осий 6:11

А тэнӧ, Иуда, виччысьӧ вундан кад, кор Аслам войтырлы Ме бара сета бур олӧм.

Езекиль 22:28

Ерусалимса пророкъяс ставсӧ тайӧс дзебӧны еджыдӧн стенсӧ мавтысьяс моз. Найӧ аддзӧны абутӧмсӧ, висьталӧны ылӧгсӧ. Шуӧны, Господь Ыджыдыс пӧ тадзи висьталӧ, но Господь налы эз висьтавлы.

Езекиль 22:8

Меным сиӧм вежаторъясӧс нинӧмӧ пуктӧны, Менсьым шойччан лунӧс пежалӧны.

Езекиль 20:30

Шу Израиль войтырлы, мый Господь Ыджыдыс тадзи висьталӧ: батьясныд моз ті пежаланныд асьнытӧ. Ті сетчинныд батьясныдлӧн зывӧк идолъяслы – тайӧ лоӧ сійӧ жӧ, мый кырсалӧм.

Езекиль 13:22

Ылӧдлӧмнаныд ті шогӧдінныд веськыда олысьясӧс, кодъясӧс Ме эг кӧсйы шогӧдны. Ті ышӧданныд-ёнмӧданныд лёк вӧчысьясӧс, и найӧ оз бергӧдчыны лёк туйсьыныс, медым ловйӧн кольны.

Еремей 16:12

Но ті лёксӧ вӧчанныд асланыд батьяс дорысь унджык на! Быдӧн тіян пӧвстысь олӧ лёк да чорыд сьӧлӧмыс серти, оз кывзы Менӧ.

Еремей 8:2

Лыяссӧ разӧдасны шонді, тӧлысь да енэжвыв кодзувъяс улӧ, кодъясӧс найӧ радейтісны, кодъяслы кесъялісны да юрбитісны-копрасисны и кодъяссянь корсьысисны туйдӧдӧм. Налысь лыяссӧ оз чукӧртны, оз гуавны, найӧ кутасны куйлыны му вылас да пӧрасны куйӧдӧ.

Еремей 6:19

Кывзы, муыс! Ме ыста тайӧ войтырыслы шог. Тайӧ шогыс – налӧн лёк мӧвпъяслӧн вотӧсыс, ӧд Менсьым кывъясӧс найӧ эз кывзыны, Менсьым Индӧдӧс найӧ ӧтдортісны.

Исай 44:20

Татшӧм мортыс быттьӧ бус бӧрся вӧтлысьӧ, сылӧн вежӧрыс пемдӧма, и сійӧ шедӧма ылӧгас. Сійӧ оз вермы мездыны асьсӧ да шуны: «Менам киӧн вӧчӧмторйыс – ылӧг».

Неемий 9:26

Но найӧ кутісны пыксьыны Тэныд, кыпӧдчисны Тэныд паныд, ӧтдортісны Тэнсьыд Индӧдтӧ, виалісны Тэнсьыд пророкъястӧ, кодъяс ӧлӧдісны найӧс, медым веськӧдны Тэлань. Найӧ вӧчисны уна пеж,

2 Каднебӧг 30:7

Энӧ лоӧй асланыд батьяс кодьӧсь да асланыд войтыр кодьӧсь, кодъяс мыж вӧчисны Господьлы паныд, асланыс батьяслӧн Енлы паныд. Та вӧсна Енмыс сетіс найӧс бырӧдӧм вылӧ, ті асьныд тӧданныд тайӧс.

Ёрдысьяс 10:6

Израиль пиян бара вӧчисны Господь водзын шогмытӧмсӧ. Найӧ юрбитісны Ваал да Астарта идолъяслы, тшӧтш арамей, сидон, моав, аммон да филистим войтыръяслӧн енъяслы. Найӧ эновтісны Господьӧс, дугдісны Сылы кесъявны.

Еремей 16:11

Сэки тэ шу налы: тайӧ лои сы понда, мый тіян батьясныд эновтісны Менӧ, – висьталӧ Господь. – Найӧ юрбитісны-копрасисны мукӧд енъяслы да кесъялісны налы, а Менӧ эновтісны да эз овны Менам Индӧд серти.

Амос 1:3

Господь тадзи висьталӧ: – Дамаск карын олысьяс мыж бӧрся мыж вӧчисны, та вӧсна Ме ог веж Ассьым мыждана шуӧмӧс. Найӧ ӧд кӧртысь вӧчӧм вартан гӧгыльӧн Галаад му вывті мунісны.

Микей 6:12

Татчӧс карса озыръяс виалӧны-дзескӧдӧны, олысьясыс пӧръясьӧны, оз сёрнитны веськыда.

2 Каднебӧг 25:14

Эдомсаясӧс пасьвартӧм бӧрын гортас локтігӧн Амасей вайис аскӧдыс Сеир керӧсвыв муын олысьяслысь идолъяссӧ. Сійӧ пуктіс найӧс аслыс ен пыдди, юрбитіс налы да сотіс налы висьяс.

Еремей 17:27

Но ті кӧ онӧ кывзӧй Менӧ, и шойччан луныс тіянлы оз ло вежа, а кутанныд шойччан лунӧ ветлыны нопйӧн ерусалимса дзиръяӧд, сэки тайӧ дзиръяяссӧ Ме биӧн сота. Биыс ньылыштас Ерусалимлысь керкаяссӧ, и некод оз кусӧд сійӧс».

Осий 12:3

Мам кынӧмас нин Яков конйыштіс воксӧ, а верстяммис да, вермасис Енкӧд.