Амос 1:4 - Коми Библия 2023

⁴ Та понда Азаиллысь керкасӧ Ме биӧн сота, Бен-Хададлысь изкарсӧ би ньылыштас.

Амос 1:4 Referans Kwoze

Еремей 49:27

Дамаск карлысь стенъяссӧ Ме сота, Бен-Хададлысь изкарсӧ би ньылыштас.

Еремей 17:27

Но ті кӧ онӧ кывзӧй Менӧ, и шойччан луныс тіянлы оз ло вежа, а кутанныд шойччан лунӧ ветлыны нопйӧн ерусалимса дзиръяӧд, сэки тайӧ дзиръяяссӧ Ме биӧн сота. Биыс ньылыштас Ерусалимлысь керкаяссӧ, и некод оз кусӧд сійӧс».

Ӧксыяслӧн 4 небӧг 13:25

Йоас бӧр босьтіс Бен-Хадад киысь сійӧ каръяссӧ, кодъясӧс тыш дырйи Бен-Хададлӧн Азаил батьыс мырддьыліс Иохаз батьыслысь. Йоас куимысь вермыліс Бен-Хададӧс, и куимнаннысьсӧ бӧр босьтліс израильса каръяс.

Ӧксыяслӧн 4 небӧг 13:3

Господь скӧрмис Израиль войтыр вылӧ да дыр кад кежлӧ сетіс найӧс арамса Азаил ӧксылӧн да сылӧн Бен-Хадад пиыслӧн киӧ.

Ӧксыяслӧн 4 небӧг 6:24

Кутшӧмкӧ кад мысти арамейяслӧн Бен-Хадад ӧксы аслас став тышкайӧзкӧд уськӧдчис Самария кар вылӧ да кытшаліс сійӧс.

Амос 2:5

Та понда Иудаӧс Ме биӧн сота, Ерусалим изкарӧс би ньылыштас.

Амос 2:2

Та понда Моавӧс Ме биӧн сота, Кериот изкарӧс би ньылыштас. Моавӧс лоӧ бырӧдӧма тыш дырйи, тышкайӧзлӧн горзӧм да буксан шы улӧ.

Амос 1:14

Та понда Равва карлысь стенъяссӧ Ме биӧн сота. Тышкайӧзлӧн горзӧм улӧ, ыджыд тӧвнырлӧн омлялӧм улӧ изкарсӧ би ньылыштас.

Амос 1:12

Та понда Теман карӧс Ме биӧн сота, Восора изкарӧс би ньылыштас.

Амос 1:10

Та понда Тир карлысь стенъяссӧ Ме биӧн сота, сылысь изкарсӧ би ньылыштас.

Амос 1:7

Та понда Газа карлысь стенъяссӧ Ме биӧн сота, сылысь изкарсӧ би ньылыштас.

Осий 8:14

Израиль вунӧдіс ассьыс Вӧчысьсӧ, кыпӧдаліс юрбитанінъяс. Иуда лэптіс уна зумыд кар, но Ме ыста сылӧн каръяс вылӧ би, и биыс ньылыштас сылысь изкаръяссӧ.

Езекиль 39:6

Ме ыста би Магог му вылӧ да саридздорса муясын повтӧг олысь йӧз вылӧ. Сэки найӧ тӧдмаласны, мый Ме – Господь.

Езекиль 30:8

Кор Ме биӧн сота Египетӧс да пасьварта сылы отсасьысьясӧс, сэки египетсаяс тӧдмаласны, мый Ме – Господь.

2 Каднебӧг 16:2

Аса босьтіс Господьлӧн крамса да ӧксы керкаса озырлун видзанінъясысь эзысь-зарни да мӧдӧдіс Дамаскӧ арамейяслӧн Бен-Хадад ӧксылы. Тшӧктіс висьтавны сылы:

Ӧксыяслӧн 3 небӧг 19:15

Господь шуис Иллялы: «Мун Дамаскӧ овтӧминӧд сійӧ жӧ туйӧдыс, кыті локтін. Сэтчӧ воӧм бӧрын мавтыштӧмӧн пукты Азаилӧс арамейяслы ӧксыӧ.

Ёрдысьяс 9:57

Енмыс водзӧс перйис тшӧтш Сикем карса олысьяслысь став налӧн лёк вӧчӧмысь. Найӧс суис Ероваал Иотам пилӧн ёрӧмыс.