Амос 1:1 - Коми Библия 2023

¹ Тайӧ кывъясыс Амослӧн, коді рӧдмӧдіс ыжъясӧс Текояын. Сійӧ аддзыліс Израиль йылысь петкӧдчылӧм, тайӧ вӧлі му вӧрӧмӧдз кык воӧн водзджык. Сэки Иуда муын юраліс Озей ӧксы, а Израиль муын – Еровам ӧксы, Йоаслӧн пиыс.

Амос 1:1 Referans Kwoze

Закар 14:5

Ті котӧрӧн пышъянныд керӧсъяс костӧд тайӧ ковтысӧдыс, коді нюжӧдчас Асилӧдз. Ті понданныд пышйыны на моз, кодъяс иудаса Озей ӧксыалан кадӧ пышйисны му вӧрӧмысь. Сэки локтас Господь, менам Ен, став Аслас вежаяскӧд.

Амос 7:14

Амос вочавидзис Амасейлы: «Ме абу пророк и абу пророклӧн пи. Ме рӧдмӧда ыжъясӧс да чукӧрта инжир.

Еремей 6:1

Веняминсянь чужысьяс, пышйӧй Ерусалимысь, Текоя карын буксӧй буксанӧн, Бет-Каремын пас пыдди пестӧй би, ӧд войвывсянь локтӧ ыджыд шог да бырӧдӧм.

2 Каднебӧг 20:20

Иосафатлӧн тышкайӧзыс чеччисны водз асывнас да мӧдӧдчисны Текоя овтӧминлань. Кор найӧ мӧдӧдчисны, Иосафат сувтіс да шуис: «Кывзӧй менӧ, Иуда войтыр да Ерусалимын олысьяс! Эскӧй Господьлы, асланыд Енлы, да лоӧй зумыдӧсь. Эскӧй Сылӧн пророкъяслы, и тіян лоӧ вермӧм».

2 Каднебӧг 11:6

Сійӧ кытшаліс стенмӧн Виплием, Этам, Текоя,

Ӧксыяслӧн 3 небӧг 19:19

Илля петіс туйӧ. Мунігмозыс сійӧ аддзис Шафатлысь Елисей писӧ, коді вӧлі гӧрӧ. Елисей водзвылын восьлалісны дас кык гоз ӧш, ачыс сійӧ гӧрис дас кыкӧд гознас. Елисей дінті мунігӧн Илля шыбитіс сы вылӧ ассьыс кышансӧ.

Ӧксыяслӧн 2 небӧг 14:2

Сійӧ тшӧктіс вайӧдны Текоя карысь сюсь мывкыда аньӧс. Сылы шуис: «Лэччысь бӧрдӧм улӧ. Пасьтав шогалан паськӧм, чӧскыд дука выйнад эн мавтчы. Петкӧдлы, быттьӧ тэ дыр кад нин бӧрдан кулысь вӧсна.

Еремей 1:1

Тайӧ кывъясыс Еремейлӧн, Хилки пилӧн. Еремей вӧлі поп рӧдысь. Сійӧ оліс Венямин муын, Анатот карын.

Исай 1:1

Тайӧ небӧгас гижӧма сы йылысь, мый Енмыс петкӧдліс Иуда му да Ерусалим кар йылысь Амослӧн Исай пилы. Тайӧ петкӧдчылӧмъяссӧ сійӧ аддзыліс иудаса Озей, Иотам, Ахаз да Езекей ӧксыяслӧн веськӧдлан кадӧ.

Ӧксыяслӧн 4 небӧг 14:23

Иудаса Амасей ӧксылӧн, Йоас пилӧн, дас витӧд веськӧдлан воӧ Израиль муын ӧксыӧ пуксис Йоаслӧн Еровам пиыс. Нелямын ӧти во чӧж сійӧ юраліс Самария карын.

1 Коринфӧ 1:27

Но Енмыс бӧрйис тайӧ муюгыдсьыс мывкыдтӧмсӧ, медым янӧдны мывкыдасӧ, бӧрйис жебсӧ, медым янӧдны вынасӧ,

Микей 1:1

Морешетса Микейлы вӧлі Господьсянь кыв. Сійӧ кадӧ иудаса ӧксыӧн вӧлі Иотам, сэсся – Ахаз, а Ахаз бӧрын – Езекей. Микей аддзыліс Самария да Ерусалим йылысь петкӧдчылӧм.

Осий 1:1

Берлӧн Осий пилы вӧлі Господьсянь кыв, кор Иуда муын сьӧрсьӧн-бӧрсьӧн юралісны Озей, Иотам, Ахаз да Езекей ӧксыяс, а Израиль муын юраліс Еровам ӧксы, Йоаслӧн пиыс.

Ӧксыяслӧн 4 небӧг 14:21

Амасей ӧксы бӧрти Иуда войтыр пуктіс ӧксыӧ Амасейлысь дас квайт арӧса Азарий писӧ.

Еремей 7:27

Кор тэ висьталан тайӧ войтырыслы став тайӧ кывъяссӧ, найӧ оз кывзыны тэнӧ. Кор тэ чукӧстан найӧс, найӧ оз вочавидзны.

Петӧм 3:1

Мӧисей видзис тесьтыслысь, мадианса Иофор поплысь, ыжъяссӧ. Ӧтчыд овтӧминын Мӧисей нуӧдіс ыжъяссӧ зэв ылӧ да воис Енлӧн Хорив керӧс дорӧдз.

Матвей 4:18

Галилея ты пӧлӧн мунігӧн Исус аддзис кык вокӧс: Симонӧс, кодӧс нимтісны Петырӧн, да сылысь Ӧндрей воксӧ. Найӧ вӧліны чери кыйысьяс. Кык вок буретш вӧйтасисны ты вылын.

Еремей 28:8

Пророкъяс, кодъяс вӧліны водзысяньыс, тэӧдз и меӧдз на, водзвыв юӧртісны уна муяслы тыш, шог да пӧрӧс висьӧм йылысь.