Аггей 2:22 - Коми Библия 2023

²² путкыльта ӧксыяслысь юралан пуклӧснысӧ, мукӧд войтыръясӧс вӧча вынтӧмӧн. Ме путкыльта тарантасъяс да сэні пукалысьясӧс, вӧвъяс да верзьӧмаяс усясны тышын.

Аггей 2:22 Referans Kwoze

Микей 5:10

Сійӧ лунӧ, – висьталӧ Господь, – Ме бырӧда тіянлысь вӧвъяснытӧ, жугла тарантасъяснытӧ,

Ёрдысьяс 7:22

Куимсё израильса тышкамортлӧн буксігкості Господь вӧчис сідзи, мый мадиансаяс виалісны ӧта-мӧднысӧ. А коляс тышкайӧзыс пышйисны Церера карлань Бет-Шитта карӧдз да Авел-Мехола кар дорӧдз, Табат карсянь матӧ.

Матвей 24:7

Войтыр войтырлы паныд сувтас, муяс ӧта-мӧдныслы паныд кыпӧдчасны. Уналаын лоас му вӧрӧм да тшыгъялӧм, йӧзсӧ суас кулана висьӧм.

Закар 10:11

Найӧ вуджасны саридзті сьӧкыдыслӧн топӧдӧмысь, найӧ пасьвартасны саридзлысь гыяссӧ, Нил ю кушӧдз косьмас. Ассурлысь вылӧ кыпӧдчӧмсӧ лоӧ улӧ лэдзӧма, Египетлысь ыджыдалан вынсӧ лоӧ мырддьӧма.

Закар 4:6

Андел шуис меным: – Тайӧ Господьлӧн кывйыс Зоровавельлы: он тышкайӧзӧн, он аслад вынӧн тэ вермы, а Менам Лолӧн, – висьталӧ Господь Саваоф. –

Софоний 3:8

Сідзкӧ, виччысьӧй Менӧ, – висьталӧ Господь, – виччысьӧй сійӧ лунсӧ, кор Ме сувта мыждыны. Ӧд Ме шуи, мый чукӧрта войтыръясӧс, медым кисьтны на вылӧ Ассьым лӧглунӧс, ыпъялысь скӧрлунӧс. Менам скӧрлуна биӧн лоӧ сотӧма став мусӧ.

Микей 5:15

Скӧралӧмӧн да лӧгпырысь Ме водзӧс перъя кывзысьтӧм войтыръяслысь.

Езекиль 39:20

Менам пызан сайын найӧ пӧттӧдзныс сёясны вӧвъясӧс да верзьӧмаясӧс, вына шыпуртаясӧс да быдсикас тышкайӧзӧс, – висьталӧ Господь Ыджыдыс.

Псалтыр 46:9

Енмыс ӧксыалӧ войтыръяс вылын, Сійӧ пукалӧ Аслас вежа пуклӧсын.

Даниил 8:25

Вежӧрлун да наянлун вӧсна сылӧн ставыс кутас артмыны, и сійӧ асьсӧ вылӧ кыпӧдас. Виччысьтӧг сійӧ унаӧс бырӧдас, тшӧтш ыджыдъяслӧн Ыджыдлы паныд кыпӧдчас. Но тайӧ ӧксысӧ лоӧ бырӧдӧма, сӧмын оз морт киӧн.

Псалтыр 76:6

Ме мӧвпала важ олӧм йылысь, воддза кадыс йылысь.

Восьтӧм 11:15

Кор сизимӧд анделыс тутсіс трубаӧ, енэжас кылісны гора шыяс. Найӧ шуалісны: – Став муюгыдыс лои миян Господьлӧн да Сылӧн Мавтыштӧмалӧн юраланінӧн. Сійӧ кутас юравны нэмъяс чӧж!

Закар 14:3

Сэки Господь кутас тышкасьны тайӧ войтыръясыскӧд, кыдзи Сійӧ водзын тышкасьліс.

Закар 9:10

Сійӧ пасьвартас Ефремысь тарантасъяссӧ, бырӧдас Ерусалимысь вӧвъяссӧ, чегъялас тышкасян ньӧввужъяссӧ. Сійӧ юӧртас войтыръяслы лӧнь олӧм йылысь, пондас юравны саридзсянь саридзӧдз, Ефрат юсянь му помӧдз.

Микей 5:8

Войтыръяс пӧвстын Яков рӧдлӧн колясыс лоӧ вӧрса зверъяс пӧвстын олысь лев кодь, ыж чукӧр вылӧ уськӧдчысь том лев кодь. Сійӧ уськӧдчӧ, талялӧ-косявлӧ, и сыысь мездысьны некод оз вермы.

Езекиль 21:27

Жугла-кисьта тайӧ карсӧ, вӧча сійӧс из чукӧрӧн. Тадзи лоас, кытчӧдз оз лок сійӧ, кодлы сетӧма веськыда мыждыны карсӧ. Сэки Ме карсӧ сета сылы.

Исай 60:12

Но войтыръясӧс, кодъяс оз кутны кесъявны тэныд, дзикӧдз лоӧ бырӧдӧма.

Исай 19:2

Ме кыпӧда египетсаясӧс ӧта-мӧдныслы паныд: вокыс уськӧдчас вокыс вылӧ, орччӧн олысьыс – орччаыс вылӧ, ӧти карын олысьяс – мӧд карын олысьяс вылӧ, тайӧ муас олысьяс – мӧд муын олысьяс вылӧ.

Исай 9:19

Господь Саваофлӧн скӧрлуныс сотӧ-чишкалӧ мусӧ, войтырыс лои билы сёянторйӧн. Йӧзыс оз жалитны ӧта-мӧднысӧ.

2 Каднебӧг 20:22

Кор сьылысьяс пондісны нимкодясьӧмӧн гораа ошкыны Господьӧс, сэки Господь мӧдӧдіс йӧзӧс уськӧдчыны аммонсаяс, моавсаяс да Сеир керӧсвыв муын олысьяс вылӧ, кодъяс кӧсйисны уськӧдчыны Иуда вылӧ. Но Господь пасьвартіс Иудалысь вӧрӧгсӧ,

Ӧксыяслӧн 1 небӧг 14:16

Венямин муын Гива карын Сауллӧн тышкайӧзыс аддзисны, мый филистимсаяс пышйӧны коді кытчӧ.

Петӧм 15:19

Кор фараонлӧн вӧла-тарантаса тышкайӧзыс воисны саридз шӧрӧдз, Господь бергӧдіс гыяссӧ на вылӧ. А Израиль пиян мунісны саридз шӧрӧд косінті.

Петӧм 14:28

Ваыс бӧр бергӧдчис да вевттис фараонлысь вӧла-тарантаса тышкайӧзсӧ. Израильсаяс бӧрся саридз пыдӧсті вӧтчысьясысь весиг ӧти морт ловйӧн эз коль.

Петӧм 14:17

Ме чорзьӧда [фараонлысь да] египетсаяслысь сьӧлӧмнысӧ, и найӧ вӧтчасны тіян бӧрся. Но Ме петкӧдла Ассьым вынӧс сы пыр, мый Ме вӧча фараонкӧд да сылӧн став вӧла-тарантаса тышкайӧзкӧд.

Петӧм 15:4

Фараонлысь тарантасъяссӧ да тышкайӧзсӧ Сійӧ пӧдтіс саридзын, тышкайӧзӧн медбур веськӧдлысьяс вӧйисны Гӧрд саридзӧ.

2 Каднебӧг 20:23

ӧд аммонсаяс да моавсаяс уськӧдчисны Сеир керӧсвыв муын олысьяс вылӧ. Найӧс бырӧдӧм бӧрын аммонсаяс да моавсаяс пондісны виавны ӧта-мӧднысӧ.

Езекиль 26:16

Саридздор муясын ӧксыяс асланыс юралан пуклӧсысь чеччасны, пӧрччасны вывсьыныс кышансӧ да вежасны серлӧдлӧм паськӧмнысӧ. Паськӧм моз найӧс полӧмыс вевттяс. Найӧ тіралӧмӧн пуксясны му вылӧ, ӧд весьӧпӧрасны сыысь, мый суис тэнӧ.

Езекиль 38:21

Аслам керӧсъяс вылын Ме лэпта шыпурт Гоглы паныд, – висьталӧ Господь Ыджыдыс, – и Гоглӧн тышкайӧзыс ӧта-мӧднысӧ виаласны.

Амос 2:15

Ньӧввужйӧн лыйсьысь усьӧ, пода тышкаморт оз вермы пышйыны, верзьӧма оз вермы мездыны ассьыс олӧмсӧ.

Микей 7:16

Тайӧс аддзасны войтыръяс, и яналасны асланыс вынысь, тупкасны вомнысӧ, лоӧны пельтӧмӧсь.

Закар 10:5

Найӧ лоӧны вына тышкайӧз кодьӧсь, таляласны вӧрӧгӧс кокувса няйтӧс моз. Найӧ вермасны тышын, ӧд накӧд лоӧ Господь, найӧ янӧдасны вӧрӧглысь верзьӧмаяссӧ.

2 Каднебӧг 15:6

Войтыръяс тышкасисны ӧта-мӧдныскӧд, ӧти карын олысьяс тышкасисны мӧд карын олысьяскӧд. Енмыс мӧдӧдліс налы уна сьӧкыдлун, та вӧсна найӧ шызьывлісны.

Микей 5:9

Дзескӧдысьлы паныд сувтӧй, и вӧрӧгнытӧ лоӧ бырӧдӧма.

Закар 12:9

Сійӧ лунӧ Ме бырӧда войтыръясӧс, кодъяс петасны Ерусалимлы паныд.