Аггей 1:2 - Коми Библия 2023

² «Господь Саваоф тадзи висьталӧ: тайӧ войтырыс шуалӧ, эз пӧ на во кадыс Господьлысь крамсӧ выльысь лэптыны».

Аггей 1:2 Referans Kwoze

Ездра 4:23

Кор Артаксеркс ӧксылысь гижӧдсӧ лыддисны Рехумлы, Шимшай гижалысьлы да налӧн уджъёртъяслы, найӧ дзик пыр мунісны Ерусалимӧ иудейяс дінӧ. Сэні тышкайӧз отсӧгӧн падмӧдісны налысь уджсӧ.

Неемий 4:10

Иуда войтыр кутіс элясьны, из-лӧп кыскалысьяс пӧ кок йывсьыныс усьӧны, сы мында пӧ уджыс. Ми пӧ огӧ вермӧй стентӧ водзӧ лэптыны.

Еклесиаст 11:4

Тӧвныр вылӧ видзӧдӧмнад он кӧдз, кымӧр вылӧ чатрасьӧмнад он вунды.

Еклесиаст 9:10

Ставсӧ, мый верман, вӧч выныд серти. Ӧд кулӧмаяслӧн оланінас, кытчӧ тэ мунан, оз ло уджалӧмыс, мӧвпалӧмыс, тӧдӧмлуныс да мывкыдлуныс.

Лыд 13:31

Калев лӧньӧдіс Мӧисейлы паныд горзысьясӧс. «Мунам да босьтам тайӧ мусӧ! – шуис сійӧ. – Ми вермам найӧс!»

Шусьӧгъяс 29:25

Йӧзысь полӧм – лэчкӧ шедӧм кодь, а Господь вылӧ лача кутысь повтӧг олӧ.

Шусьӧгъяс 22:13

Дыш мортыд шуӧ: «Ывлаын лев! Изэрд шӧрас менӧ виасны!»

Аггей 1:1

Дарий ӧксылӧн мӧд веськӧдлан воӧ, квайтӧд тӧлысьлӧн медводдза лунӧ, Шеалтиэллӧн Зоровавель пилы, Иуда муын юралысьлы, да Иоседеклӧн Исус пилы, аркирейлы, Аггей пророк пыр вӧлі Господьсянь кыв:

Аггей 1:3

Та вӧсна Аггей пророк пыр вӧлі Господьсянь кыв:

Ӧксыяслӧн 4 небӧг 12:7

Та вӧсна Йоас ӧксы корис Иодайӧс, тшӧтш мукӧд попъясӧс да юаліс: «Мыйла ті онӧ дзоньталӧй крамсӧ? Ӧнісянь ті онӧ кутӧй босьтны аслыныд сьӧмсӧ крамӧ локтысьяслысь, но кутанныд сетны сійӧс крам дзоньталӧм вылӧ».

Еклесиаст 3:3

эм кад виавны и бурдӧдавны, жуглыны и тэчны,