2 Тимофейлы 4:5 - Коми Библия 2023

⁵ Но тэнад вежӧрыд мед лоӧ ясыд быдторйын, сьӧкыд нуигъясад кутчысь, висьтавлы Бур Юӧрсӧ да кесъяв помӧдз.

2 Тимофейлы 4:5 Referans Kwoze

2 Тимофейлы 1:8

Сідзкӧ, эн яндысь висьтавлыны Господьным йылысь. Эн яндысь и меысь, Кристос вӧсна дзескыдінӧ йӧртӧмаысь. Мӧдарӧ, Ен вынӧн тэ тшӧтш ну Бур Юӧр вӧсна сьӧкыдсӧ.

1 Петыр 1:13

Сідзкӧ, лоӧй дасьӧсь да олӧй садь вежӧрӧн. Кутӧй зумыд лача Енлӧн буралӧм вылӧ, коді вичмас тіянлы Исус Кристос локтігӧн.

2 Тимофейлы 2:3

Исус Кристослӧн бур тышкасьысь моз ло дась нуны сьӧкыдсӧ.

Колосӧ 4:17

Аркиплы висьталӧй, мед бура уджалас да помӧдз вайӧдас Господьсянь сетӧм уджсӧ.

1 Тимофейлы 4:12

Некод мед оз увтырт тэнӧ томлун вӧснаыд. Тэнад сёрниыд, оласногыд, муслуныд, сьӧлӧмыд, эскӧмыд да сӧстӧмлуныд мед лоӧ шогмана, мед эскысьяс вермисны овны тэ моз.

Ап. уджъяс 21:8

Аскинас ми, Павелкӧд ветлысьяс, мунім сыкӧд Кесарияӧ. Сэні пырим буръюӧртысь Филип ордӧ да кольччим сэтчӧ. Филипӧс вӧлі бӧрйӧма Ерусалимын сизим отсасьысь лыдӧ.

1 Тимофейлы 4:15

Тӧждысь та вӧсна, ставсӧ вӧч сьӧлӧмсяньыд, сэки быдӧн аддзас тэнсьыд вермӧмтӧ.

1 Фессалоникаӧ 5:6

Сідзкӧ, мукӧдыс моз огӧ кутӧй узьны. Садьмӧдчам да кутам овны садь вежӧрӧн.

Восьтӧм 3:2

Садьмӧдчы да ёнмӧд сійӧ, мый тэнад эм – сійӧ, мый куланвыйын нин. Ме ӧд аддза, мый тэнад уджъясыд Менам Ен водзын абу тыр-бурӧсь.

Ефесӧ 4:11

Ӧтиясӧс Сійӧ сувтӧдіс апостолъясӧн, мӧдъясӧс – пророкъясӧн, коймӧдъясӧс – буръюӧртысьясӧн, нёльӧдъясӧс – вичкоса веськӧдлысьясӧн, витӧдъясӧс – велӧдысьясӧн,

Еврейяслы 13:17

Кывзысьӧй вичкоса веськӧдлысьяслысь, кывзӧй найӧс, ӧд найӧ дугдывтӧг тӧждысьӧны тіян вӧсна. Налы ковмас вочавидзны Ен водзын тіян вӧсна. Кывзысьӧй налысь, медым тайӧ уджсӧ найӧ вӧчисны долыдпырысь, а эз ышлолалӧмӧн. Ӧд таысь тіянлы бурыс оз ло.

2 Тимофейлы 2:10

Та вӧсна ме муна став сьӧкыд пырыс. Вӧча тайӧс Енлӧн бӧрйӧмаяс вӧсна, медым найӧ тшӧтш босьтісны Исус Кристоссянь мездмӧмсӧ да помасьлытӧм дзирдлунсӧ.

Лука 12:37

Кесйӧгъяс шудаӧсь, ыджыдыс кӧ гортас воигӧн аддзас, мый найӧ виччысьӧны сійӧс. Веськыда висьтала тіянлы: ыджыдыс сэки вӧнясяс, корас кесйӧгъяссӧ пызан сайӧ да ачыс пондас кесъявны налы.

Марк 13:37

Мый висьтала тіянлы, висьтала быдӧнлы: лоӧй дасьӧсь».

Колосӧ 1:25

Енмыс пуктіс менӧ кесъявны вичкоыслы, тырвыйӧ юӧртны тіянлы Енлысь кывсӧ.

Марк 13:34

Тайӧс позьӧ ӧткодявны морткӧд, коді гортсьыс мунігӧн кольӧ ассьыс керкасӧ кесйӧгъяслы да быдӧнлы сетӧ удж, а керкасӧ видзысьлы тшӧктӧ лоны дасьӧн.

Езекиль 33:2

«Морт пиӧй, висьтав тадзи аслад войтырыдлы: сійӧ муас, кытчӧ Ме мӧдӧда шыпурт, войтырӧн пуктӧм видзысь

Езекиль 3:17

«Морт пиӧй, Ме пукті тэнӧ Израиль войтырлы видзысьӧ. Кор тэ кылан Менсьым кывйӧс, тэныд ковмас ӧлӧдны Израиль войтырӧс Ме пыдди.

Еремей 6:17

Ме сувтӧді тіянлы видзысьясӧс, тшӧкті кывзыны буксан шы. Но ті шуинныд, огӧ пӧ кывзӧй.

Исай 62:6

Ерусалим, тэнад стенъяс вылӧ Ме сувтӧді кар видзысьясӧс, лун и вой налӧн гӧлӧс шыныс оз ланьтлы. – Ті, Господь дінӧ шыасьысьяс, энӧ чӧв олӧй!

Езекиль 33:7

Морт пиӧй, Ме пукті тэнӧ Израиль войтырлы видзысьӧ. Кор тэ кылан Менсьым кывйӧс, тэныд ковмас ӧлӧдны Израиль войтырӧс Ме пыдди.

Ефесӧ 4:12

медым дасьтыны вежа войтырӧс кесъявны да сӧвмӧдны Кристослысь вир-яйсӧ.

2 Тимофейлы 4:17

Ачыс Господь вӧлі ме дор. Сійӧ ёнмӧдіс менӧ, медым ме верми тырвыйӧ буръюӧртны, медым ентӧдтӧмъяс кылісны тайӧ Бур Юӧрсӧ. Господь мездіс менӧ весиг лев вомысь.

Матвей 25:16

Вит талант босьтысь пырысь-пыр сьӧмсӧ уджӧ бергӧдас да содтӧд босьтас вит талант.