2 Тимофейлы 3:16 - Коми Библия 2023

¹⁶ Ставнас Гижӧдыс Ен Ловсянь да вайӧ сӧмын бур. Сійӧ велӧдӧ, янӧдӧ, вежӧ да туйдӧдӧ веськыд олӧмас,

2 Тимофейлы 3:16 Referans Kwoze

Римӧ 15:4

Став воддза гижӧдсӧ вӧлі гижӧма миянӧс велӧдӧм да бурӧдӧм могысь, медым Гижӧд пырыс ми вермим ёнмыны да зумыд лача кутны.

Еврейяслы 4:12

Енлӧн кывйыс ловъя да вына. Сійӧ ёсьджык на кыкнанладорсяньыс лэчтӧм шыпуртысь. Сійӧ пыдӧдз мӧрччӧ, торйӧдӧ мортлысь ловсӧ да олӧмсӧ, лысӧ да вемсӧ, восьтӧ мортлысь сьӧлӧмпытшса мӧвпъяссӧ да кӧсйӧмъяссӧ.

Марк 12:24

Исус вочавидзис: «Гижӧдъяссӧ да Енлысь вынсӧ ті онӧ тӧдӧй, та вӧсна ылалӧмныд.

Шусьӧгъяс 6:23

Тшӧктӧмыс югыд вайӧ, туйдӧдӧмыс югдӧдӧ, ӧлӧдӧмыс олӧмӧ бергӧдӧ.

2 Тимофейлы 4:2

ло дась висьтавны Енлысь кывсӧ лӧсялан и лӧсявтӧм кадӧ. Бур велӧдысь моз терпитӧмӧн янӧд, ӧлӧд да туйдӧд.

Ӧксыяслӧн 2 небӧг 23:2

Господьлӧн Лов сёрнитӧ ме пыр, Сылӧн кывйыс петӧ менам вомысь.

Шусьӧгъяс 15:31

Коді ӧлӧдӧмсӧ кывзӧ, сійӧ – мывкыд морт.

2 Тимофейлы 2:25

Сійӧ рам сьӧлӧмӧн туйдӧдӧ паныд сувтысьясӧс, гашкӧ, Енмыс сетас налы позянлун бергӧдчыны мыжъяссьыныс да тӧдмавны збыльсӧ.

Индӧд 4:36

Енэжсянь Сійӧ сетіс тіянлы кывны гӧлӧс шысӧ, медым велӧдны тіянӧс. Му вылын сійӧ петкӧдліс тіянлы Ассьыс ыджыд бисӧ, и ті кылінныд Сылысь кывъяссӧ би пытшсянь.

Ап. уджъяс 20:20

Йӧз водзын да тіян гортъясын велӧдігӧн ме висьталі тіянлы став коланасӧ.

Иоан 3:20

Лёксӧ вӧчысь мустӧмтӧ югыдсӧ. Сійӧ оз лок югыдас, медым сылӧн лёк уджъясыс эз йӧзасьны.

Матвей 13:52

Исус шуис налы: «Индӧдӧ велӧдысь, коді тӧдӧ Енэжвыв Юралӧмсӧ, керка кутысь кодь, коді аслас видзанінысь выльсӧ и важсӧ петкӧдӧ».

Ап. уджъяс 18:25

Сійӧ сибӧдіс ”Господь туй” йылысь велӧдӧмсӧ да сьӧлӧмсяньыс висьтавліс-велӧдіс Господь йылысь ставсӧ веськыда. Но ачыс тӧдіс сӧмын Иоанлысь пыртӧмсӧ.

Неемий 9:20

Тэ сетін налы Ассьыд бурлуна Ловтӧ, медым велӧдны найӧс. Тэ эн дугды вердны найӧс маннаӧн, сетін налы ва, мед эз косьмы налӧн горшыс.

Галатӧ 3:8

Гижӧдас водзвыв висьталӧма, мый эскӧм вӧсна Ен шуас веськыдӧн мукӧд войтыръясысь эскысьясӧс. Медводз Ӧвраамлы вӧлі юӧртӧма: «Тэ пыр вуджас бурсиӧмыс быд войтырлы».

Еврейяслы 3:7

Вежа Лов висьталӧ: – Талун, гӧлӧс шыӧс кылігӧн,

1 Коринфӧ 12:7

Сійӧ сетӧ Ловлы быдӧн пыр петкӧдчыны ас ногыс, ӧта-мӧдлы бур вылӧ.

Ап. уджъяс 20:27

ме ӧд ланьтлытӧг висьтавлі тіянлы Енлысь став кӧсйӧмсӧ.

Шусьӧгъяс 15:10

Веськыд туйысь кежысь чорыда мыжмас, ӧлӧдӧмсӧ мустӧмтысь кулас.

Иоан 10:35

Гижӧдыс оз вежсьы. Енмыс кӧ шуис енъясӧн найӧс, кодъяслы сетіс Ассьыс кывсӧ,

Матвей 26:56

Ставыс тадзи лои, медым инісны пророк гижӧдъяс». Сэки велӧдчысьяс ставныс эновтісны Исусӧс да пышйисны.

Ап. уджъяс 1:16

«Вокъясӧй, Гижӧдыслы колӧ вӧлі инны. Ӧд Давид пыр на Вежа Лов висьтавліс Иуда йылысь, коді вайӧдіс Исус дінӧ Сійӧс босьтысьясӧс.

Матвей 21:42

Исус шуис: «Энӧ ӧмӧй Гижӧдсьыс лыддьылӧй: – Изйыс, кодӧс ӧтдортісны керка лэптысьяс, лоис пельӧс изйӧн. Тайӧ Господьсянь да шензьӧдӧ миянӧс.

Римӧ 4:23

”Сійӧс шуӧма веськыдӧн” кывъяссӧ гижӧма абу сӧмын Ӧвраам йылысь,

Еврейяслы 11:1

Эскӧмыс – виччысянторлӧн збыльмӧм да аддзытӧмсӧ аддзӧм.

Римӧ 3:2

Унатор сетӧ, да быд боксянь бур. Медводз, налы вӧлі сетӧма Енлысь кывсӧ.

Ап. уджъяс 28:25

Тадзи найӧ ас костаныс эз вермыны воны ӧти кывйӧ. Муналіганыс Павел шуис налы татшӧм кывъяс: «Бура шулӧма Вежа Лов миян батьяслы Исай пророк пыр:

Марк 12:36

Вежа Ловсянь сёрнитігас Давид ачыс шуӧ: – Господь шуис менам Ыджыдлы: ”Пукав Менам веськыдладорын, кытчӧдз ог пукты Тэнад кок улӧ Тэнӧ мустӧмтысьясӧс”.

Микей 2:7

Яков рӧд, тадзи-ӧ тэ чайтан? Господь ӧмӧй оз скӧрав? Аслас шуӧм серти ӧмӧй оз вӧч? Менам кывъясӧй ӧмӧй оз вайны бурсӧ веськыда олысьлы?

Матвей 26:54

Кыдзи нӧ сэки Гижӧдъясыс инасны? Сэні шуӧма, тадзи колӧ лоны».

Матвей 22:43

Сэки Исус юаліс: «Мыйла нӧ Ловсянь сёрнитігас Давид шуӧ Сійӧс Господьӧн:

Индӧд 29:29

Гусяторйыс миян Господь Енлӧн киын, а восьтӧмсӧ сетӧма миянлы да миян ныв-пилы нэмъяс кежлӧ, медым ми олім тайӧ Индӧдлӧн став кывъясыс серти».

Софоний 3:2

Сэні олысьяс оз кывзысьны, оз сибӧдны туйдӧдӧмсӧ, Господь вылӧ лача оз кутны, оз локны асланыс Ен дінӧ.