2 Тимофейлы 3:13 - Коми Библия 2023

¹³ А лёк да пӧръясьысь йӧзлӧн лёк вӧчӧмыс кутас содны. Найӧ унаӧс ылӧдасны, асьныс тшӧтш ылаласны.

2 Тимофейлы 3:13 Referans Kwoze

1 Тимофейлы 4:1

Лов веськыда висьталӧ, мый бӧръя кадас кодсюрӧ кежасны эскӧмысь. Найӧ пондасны кывзыны ылӧдчысь ловъясӧс да кутчысясны пеж ловъяслӧн велӧдӧмӧ.

2 Петыр 2:20

Мездысь Исус Кристос Господьнымӧс тӧдмалӧм бӧрын кӧ мувывса пежсьыс ылыстчысьяс бара бергӧдчӧны важас, да лёкыс кӧ вермӧ найӧс, сэки татшӧмъясыслы воддза дорсьыс ёна лёкджык лоӧ.

Титлы 3:3

Ми ӧд асьным коркӧ вӧлім вежӧртӧмӧсь да кывзысьтӧмӧсь, вошӧмаӧсь олӧмас, сетчӧмаӧсь ыштӧмас да быдпӧлӧс ковтӧм гажӧдчӧмас. Олім лёк пытшкас, вежалім, вӧлім мустӧмӧсь, да мукӧдсӧ тшӧтш мустӧмтім.

2 Тимофейлы 3:8

Кыдзи коркӧ Янний да Ямрий паныд сувтісны Мӧисейлы, ӧні тайӧ йӧзыс паныд сувтӧны збыльыслы. Налӧн вежӧрыс торксьӧма, эскӧмныс пасьмунӧма.

2 Петыр 3:3

Тӧдӧй, мый бӧръя кадӧ локтасны лёкӧдысьяс, кодъяс олӧны асланыс лёк кӧсйӧмныс серти.

Иов 12:16

Сылӧн эм выныс да вежӧрыс, Сылӧн кипод улын – ылӧдлысь и ылӧгас шедысь.

Восьтӧм 13:14

Став шензьӧданаторнас, мый сійӧ вӧчӧ воддза зверыслӧн син водзын, сійӧ ылӧдлӧ му вылын олысьясӧс. Сійӧ тшӧктӧ налы вӧчны шыпуртӧн дойдӧм да ловзьӧм зверыслысь серпассӧ.

Восьтӧм 12:9

Ыджыд гундырӧс, важ змейӧс, вӧлі шыбитӧма му вылӧ. Сылӧн нимыс – омӧль да сӧтана, сійӧ – муюгыдысь став йӧзсӧ ылӧдлысь. Сыкӧд тшӧтш вӧлі шыбитӧма му вылас сылысь анделъяссӧ.

Исай 44:20

Татшӧм мортыс быттьӧ бус бӧрся вӧтлысьӧ, сылӧн вежӧрыс пемдӧма, и сійӧ шедӧма ылӧгас. Сійӧ оз вермы мездыны асьсӧ да шуны: «Менам киӧн вӧчӧмторйыс – ылӧг».

Восьтӧм 18:23

Некор оз кут ӧзйыны тані би, некор оз кут кывны верӧспулӧн да гӧтырпулӧн гӧлӧс шыныс! Тэнад вузасьысьяс ыджыдалісны тайӧ му вылас, тшыкӧдчӧмӧн тэ кыскин войтыръясӧс ылӧгас.

2 Коринфӧ 6:8

Ми дасьӧсь сибӧдны ошкӧмсӧ и янӧдӧмсӧ, нимӧдӧмсӧ и лёкӧдӧмсӧ. Миянӧс лыддьӧны пӧръясьысьясӧн, но ми веськыда сёрнитам.

Езекиль 8:13

Господь шуис меным: «Видзӧд, и унджык на аддзан налысь зывӧк вӧчӧмсӧ».