2 Тимофейлы 2:9 - Коми Библия 2023

⁹ Тайӧ юӧр вӧснаыс ме и нуа сьӧкыдсӧ. Менӧ дорисны лёк вӧчысьӧс моз, но Енлысь кывсӧ абу дорӧма.

2 Тимофейлы 2:9 Referans Kwoze

Филипӧ 1:7

Дерт, меным тадзи и колӧ мӧвпавны тіян йылысь. Пукала-ӧ ме дзескыдінын, доръя-ӧ Бур Юӧрсӧ али висьтавла сійӧс эскӧдӧмӧн, ті ставныд менам сьӧлӧмынӧсь, ӧд тіянлы мекӧд ӧтвыв вичмис Енсянь бурсетӧмыс.

Ап. уджъяс 28:31

Сійӧ повтӧг да восьсӧн висьтавліс волысьяслы Енлӧн Юралӧм йылысь да велӧдіс Господь Исус Кристос йылысь.

2 Тимофейлы 1:8

Сідзкӧ, эн яндысь висьтавлыны Господьным йылысь. Эн яндысь и меысь, Кристос вӧсна дзескыдінӧ йӧртӧмаысь. Мӧдарӧ, Ен вынӧн тэ тшӧтш ну Бур Юӧр вӧсна сьӧкыдсӧ.

Колосӧ 4:3

Кевмысьӧй тшӧтш миян вӧсна, Енмыс мед восьтас миянлы ӧдзӧсъяс висьтавны Кристос йылысь гусяторсӧ. Дзик та вӧсна ме и пукала дзескыдінын.

2 Тимофейлы 4:17

Ачыс Господь вӧлі ме дор. Сійӧ ёнмӧдіс менӧ, медым ме верми тырвыйӧ буръюӧртны, медым ентӧдтӧмъяс кылісны тайӧ Бур Юӧрсӧ. Господь мездіс менӧ весиг лев вомысь.

1 Петыр 2:12

Ентӧдтӧмъяс пӧвстын олӧй бур ногӧн. Сэки найӧ, кодъяс омӧльтӧмӧн шуӧны тіянӧс лёк вӧчысьясӧн, аддзасны бур вӧчӧмнытӧ да ошкасны Енсӧ Сылӧн локтігас.

1 Петыр 4:15

Сӧмын тіян пиысь некод мед оз сьӧкыдав морт виӧмысь либӧ гусясьӧмысь, лёк вӧчӧмысь либӧ суклясьӧмысь.

2 Тимофейлы 1:12

Дзик та вӧсна ме ӧні сьӧкыдсӧ и нуа да ог яндысь таысь, ӧд ме тӧда, кодлы ме эска. Тӧда, Сійӧ вына видзны меным сетӧмасӧ Аслас локтан лунӧдз.

2 Фессалоникаӧ 3:1

Вокъяс, медбӧрти корам тіянӧс: кевмысьӧй миян вӧсна, мед Господьлӧн кывйыс ӧдйӧ паськалас, медым йӧзыс тіян моз сибӧдасны сійӧс пыдди пуктӧмӧн.

Колосӧ 4:18

Ме, Павел, аслам киӧн гижа тіянлы чолӧмӧс. Тӧд выланыд кутӧй менсьым дзескыдінын пукалӧмӧс. Енлӧн буралӧмыс ставныдкӧд тіянкӧд. Аминь.

Ефесӧ 3:1

Та вӧсна ме, Павел, Исус Кристослӧн кесъялысь, пукала дзескыдінын тіян вӧсна, кодъяс мукӧд войтыръясысь.

Ап. уджъяс 9:16

Ме петкӧдла сылы, мыйта сьӧкыд ковмас нуны сылы Менам ним вӧсна».

1 Петыр 3:16

Олӧй сідзи, мед сьӧлӧмныд эз мыжды тіянӧс. Сэки найӧ, кодъяс лёкӧдӧны тіянӧс лёк вӧчысьӧс моз Кристоскӧд бур нога олӧмысь, яналасны асланыс кывъясысь.

1 Петыр 2:14

юралысьяслысь, ӧд ӧксы найӧс пуктӧма мыждыны лёк вӧчысьясӧс да ошкыны бур вӧчысьясӧс.

2 Тимофейлы 1:16

Господь мед лоас бур сьӧлӧма Ӧнисифорлӧн гортса дінӧ, ӧд сійӧ унаысь ышӧдліс менӧ да эз яндысьлы менам пукалӧмысь.

Лука 23:32

Исускӧд тшӧтш вины нуӧдісны кык лёк вӧчысьӧс.

Ап. уджъяс 21:33

Веськӧдлысь матыстчис Павел дінӧ, сэсся тшӧктіс босьтны сійӧс да дорны чепъясӧн. Ачыс юасис, коді сійӧ да мый сійӧ вӧчис.

Филипӧ 1:17

Мукӧдыс висьтавлӧны муслунныс вӧсна, ӧд найӧ тӧдӧны, мый Енмыс сувтӧдіс менӧ дорйыны Сылысь Бур Юӧрсӧ.

1 Фессалоникаӧ 1:8

Господьлысь кывсӧ ті паськӧдінныд энӧ сӧмын Македонияын да Акайяын, тіян эскӧм йылысь тӧдӧны быдлаын. Сідзкӧ, та йылысь миянлы абу нин колана висьтавлыны.

2 Тимофейлы 2:3

Исус Кристослӧн бур тышкасьысь моз ло дась нуны сьӧкыдсӧ.