1 Ёнмӧдчы, муса пиӧй, Исус Кристослӧн буралӧмнас.
Нӧшта вокъясӧй, ёнмӧдӧй асьнытӧ Господькӧд ӧтувъя олӧмас Сылӧн вермана выннас.
Енмыс ӧд сетіс миянлы эз полӧмыслысь лов, а выныслысь, муслуныслысь да бур мывкыдыслысь лов.
Ставсӧ верма менӧ ёнмӧдысь Исус Кристоскӧд!
Лоӧй дасьӧсь да зумыда эскӧй! Лоӧй вынаӧсь да повтӧмӧсь!
Быдмӧй буралӧмас да миян Мездысь Исус Кристос Господьнымӧс тӧдмалӧмас. Сылы ошкӧмыс ӧні да нэмъяс чӧж. Аминь.
Но тэ, Зоровавель, ёнмӧдчы, – висьталӧ Господь, – ёнмӧдчы, Исус аркирей, Иоседеклӧн пиыс! Ёнмӧдчы, тайӧ муас олысь войтыр, – висьталӧ Господь. – Вӧчӧй ассьыныд уджнытӧ, ӧд Ме тіянкӧд, – висьталӧ Господь Саваоф. –
Тимофей, муса пиӧй, кутчысь пророкъяслӧн тэ йылысь висьталӧмас да вермась бур тышкасьысь моз.
Тимофей, эскӧм вӧсна тэ меным збыльысь пи кодь. Бурсетӧм, буралӧм да лӧнь олӧм тэныд Ен Батьнымсянь да миян Господь Исус Кристоссянь.
Ло зумыд да повтӧм! Ов став Индӧдыс серти, кыдзи тшӧктіс тэныд Мӧисей, Менам кесйӧгӧй. Эн кеж Индӧдысь веськыдвылӧ ни шуйгавылӧ. Сэки тэнад ставыс артмас.
Бурсетӧм, буралӧм да лӧнь олӧм тэныд, муса Тимофей пиӧй, Ен Батьсянь да миян Господь Исус Кристоссянь.
Гижӧ Павел, Ен кӧсйӧм серти Исус Кристослӧн апостол. Менӧ мӧдӧдӧма висьтавны кӧсйысьӧм пыр сетӧм олӧм йылысь. Тайӧ олӧмыс Исус Кристос пытшкын.
Та вӧсна ме муна став сьӧкыд пырыс. Вӧча тайӧс Енлӧн бӧрйӧмаяс вӧсна, медым найӧ тшӧтш босьтісны Исус Кристоссянь мездмӧмсӧ да помасьлытӧм дзирдлунсӧ.
Ачыс Господь вӧлі ме дор. Сійӧ ёнмӧдіс менӧ, медым ме верми тырвыйӧ буръюӧртны, медым ентӧдтӧмъяс кылісны тайӧ Бур Юӧрсӧ. Господь мездіс менӧ весиг лев вомысь.
