2 Тимофейлы 1:9 - Коми Библия 2023

⁹ Енмыс мездіс миянӧс да корис вежа олӧмас эз миян уджъясным вӧсна. Сійӧ сетіс миянлы Ассьыс буралӧмсӧ олӧм пуксьытӧдзыс на Исус Кристос пытшкын.

2 Тимофейлы 1:9 Referans Kwoze

Титлы 1:2

да помтӧм олӧм вылӧ лачаӧн. Помтӧм олӧмсӧ Ен кӧсйысис му пуксьытӧдзыс на, и Ассьыс кывсӧ Сійӧ оз веж.

Римӧ 9:11

Пияныслӧн чужтӧдз на, бурсӧ-лёксӧ налӧн вӧчтӧдз на, Енмыс шуис Ревеккалы: «Ыджыдджыкыс кутас кесъявны ичӧтджыкыслы». Енмыс тайӧн петкӧдліс, мый бӧрйӧмыс Сы сайын. Сійӧ бӧрйӧ оз мортлӧн уджъяс серти, но Аслас лӧсьӧдӧм да корӧм сертиыс.

Иоан 17:24

Батьӧй, Ме кӧсъя, медым Меным сетӧмаясыд лоасны сэні, кӧні Ме лоа. Найӧ мед аддзасны Менсьым дзирдлунӧс, кодӧс Тэ сетін Меным, ӧд Ме муса вӧлі Тэныд му пуксьытӧдзыс на.

Ефесӧ 1:11

Кристос пыр ми лоим Ен войтырӧн, тадзи водзвыв вӧлі мӧвпыштӧма Енмыслӧн, ӧд Сійӧ ставсӧ вӧчӧ Ас кӧсйӧм сертиыс.

Восьтӧм 13:8

Сылы копыртчыласны мувывса став йӧзыс, кодъяслысь нимсӧ му пуксьӧмсяньыс абу гижӧма начкӧм Балялӧн небӧгӧ – Олӧмыслӧн небӧгӧ.

1 Петыр 1:20

Енмыс бӧрйис Сійӧс му пуксьытӧдзыс на да мӧдӧдіс тіян ради бӧръя кадас.

Иоан 17:9

Ме кевмыся на вӧсна. Ог став йӧзыс вӧсна кевмысь, кевмыся сӧмын Меным сетӧмаясыд вӧсна, ӧд найӧ Тэнадӧсь.

1 Петыр 2:9

Но ті – бӧрйӧм йӧз, Ӧксылӧн поп котыр, вежа войтыр. Енмыс корис тіянӧс пемыдсьыс Аслас шензьӧдана югыдӧ да бӧрйис тіянӧс, медым висьтавлінныд Сылӧн тыр-бур уджъясыс йылысь.

Еврейяслы 3:1

Вокъяс, ме шыася тіян дінӧ, вежа войтыр да Енлӧн корӧмаяс дінӧ: видзӧдӧй Исус Кристос вылӧ. Сійӧс Енмыс мӧдӧдіс, Сійӧ – Аркирей, кодлы ми эскам.

Ефесӧ 2:5

Миянӧс, лёк вӧчӧм вӧсна кулӧмаясӧс, Сійӧ ловзьӧдіс Кристоскӧд. Сылӧн буралӧмыс мездіс тіянӧс.

1 Фессалоникаӧ 4:7

Енмыс корис миянӧс овны вежа оласногӧн, а эз пеж оласногӧн.

1 Коринфӧ 1:18

Вошӧмаяслы крест йылысь висьталӧмыс – йӧйталӧм, а миянлы, мездмӧмаяслы – Енлӧн выныс.

Иоан 6:37

Быдӧн, кодӧс сетӧ Меным Бать, локтас Ме дінӧ. Ме дінӧ локтысьӧс ог вӧтлы.

Восьтӧм 17:8

Зверыс, кодӧс тэ аддзылін, коркӧ вӧлі, но ӧні сійӧ абу. Сійӧ петас пыдӧстӧминысь, но сійӧс лоӧ бырӧдӧма. Сэки мувывса олысьяс, кодъяслысь нимсӧ му пуксьӧмсяньыс абу гижӧма Олӧмыслӧн небӧгӧ, зверсӧ аддзигӧн кутасны шензьыны, ӧд сійӧ вӧлі, но ӧні абу, и бара лоас.

Ефесӧ 3:11

Тадзи нэмъяс пуксьытӧдз на лӧсьӧдӧм-мӧвпыштӧмсӧ Енмыс пӧртіс олӧмӧ миян Господь Исус Кристос пыр.

Римӧ 3:20

Индӧд серти уджъяс некодӧс оз вӧчны Ен водзас веськыдӧн. Индӧдыс сӧмын восьтӧ мыжсӧ.

1 Тимофейлы 1:1

Гижӧ Павел, Исус Кристослӧн апостол. Миянӧс мездысь Ен да Господь Исус Кристос, код вылӧ ми лача кутам, индісны менӧ апостолӧн.

Ефесӧ 1:9

Бур кӧсйӧмыс вӧсна Сійӧ восьтіс миянлы Ассьыс гусяторсӧ – водзвыв мӧвпыштӧмсӧ. Тайӧ гусяторсӧ Сійӧ восьтіс миянлы Кристос пыр,

Римӧ 9:24

”Буралӧмыслӧн дозъясыс” – тайӧ ми, ӧд Ен корис миянӧс. Корис эз сӧмын иудейясӧс, но тшӧтш мукӧд войтыръясӧс.

Лука 10:21

Сэки Исус тырис Вежа Ловсянь нимкодьлунӧн да шуис: «Ошка Тэнӧ, Батьӧй, енэжыс да муыс вылын Ыджыдалысьӧс! Тэ дзебин тайӧс сюсь вежӧраясысь да восьтін кага коддьӧмлы. Татшӧм вӧлі Тэнад бур кӧсйӧмыд, Батьӧй».

Матвей 1:21

Марияыд чужтас пи, пуктан Сылы Исус ним, Сійӧ мездас Ассьыс войтырсӧ мыжъяссьыныс».

Ап. уджъяс 2:47

Найӧ ставсьыс ошкисны Енмӧс. Йӧзыс найӧс бурӧ пуктісны, а Господь быд лун содтіс вичкоӧ мездмӧмаясӧс.

Ап. уджъяс 15:18

Нэмъяс пуксьытӧдзыс на Сійӧ тӧдіс став Ассьыс уджъяссӧ.

Римӧ 11:14

Гашкӧ, верма кыпӧдны ас войтыр пытшкын веж петӧмсӧ да отсавны мездмыны кодсюрӧлы.

Римӧ 11:29

Енмыс сетӧмторсӧ бӧр оз босьт, Сылы кесъявны корӧмсӧ оз веж.

Филипӧ 3:14

да воны помӧдзыс, мед босьтны тырдонсӧ – енэжвывса олӧм, кытчӧ Енмыс корӧма миянӧс Исус Кристос пыр.

2 Тимофейлы 1:1

Гижӧ Павел, Ен кӧсйӧм серти Исус Кристослӧн апостол. Менӧ мӧдӧдӧма висьтавны кӧсйысьӧм пыр сетӧм олӧм йылысь. Тайӧ олӧмыс Исус Кристос пытшкын.