2 Петыр 3:7 - Коми Библия 2023

⁷ Ӧнія енэжсӧ да мусӧ сійӧ жӧ кывйыс кутӧ да видзӧ биӧн бырӧдӧм вылӧ. Тайӧ лоӧ мыждан лунӧ, кор Ентӧг олысьясӧс лоӧ бырӧдӧма.

2 Петыр 3:7 Referans Kwoze

2 Петыр 3:10

Господьлӧн луныс воас виччысьтӧг, войся гусясьысь моз. Сэки енэжыс ыджыд шыӧн бырас, став ентыкӧлаыс ыпъялана биысь пазалас, а муыс да ставыс, мый сэні эм, сотчас.

Исай 51:6

Лэптӧй синнытӧ енэжланьыс, видзӧдлӧй увлань му вылас. Енэжыс тшын моз бырас, муыс паськӧм моз важмас, му вылын олысьяс геб моз куласны. Но Меӧн мӧдӧдӧм мездмӧмыс пыр лоӧ, Менам веськыдлунӧй оз вежсьыв.

2 Петыр 3:12

Ті ӧд ёна кӧсъянныд да виччысянныд, мед ӧдйӧджык нин воас Енлӧн луныс. Сійӧ лунӧ енэжыс ыпъялан биысь сотчас да пазалас, доналӧм ентыкӧлаыс сылас.

Восьтӧм 21:1

Сэсся ме аддзи выль енэж да выль му. Медводдза енэжыс да муыс бырисны, и саридзыс эз нин вӧв.

Матвей 24:35

Енэжыс да муыс бырас, а Менам кывъясӧй оз бырны.

2 Петыр 2:9

Господь тӧдӧ, кыдзи мездыны вежавидзысьӧс сьӧкыдалӧмсьыс, а лёк вӧчысьӧс Сійӧ видзӧ, медым мыждан лунӧ сійӧс чорыда мыждыны.

Матвей 25:41

Сэсся шуйгаладорын сулалысьяслы Сійӧ шуас: ”Вешйӧй Ме дінысь, ёрӧмаяс. Мунӧй омӧльыслы да сылӧн анделъяслы дасьтӧм куслытӧм биӧ.

Восьтӧм 20:11

Сэсся ме аддзи ыджыд да еджыд юралан пуклӧс да сы вылын Пукалысьӧс. Енэжыс да муыс пышйисны Сылӧн син водзысь, но налы некытчӧ вӧлі дзебсьынысӧ.

Матвей 12:36

Шуа тіянлы: быд ковтӧм кывйысь мыждан лунӧ ковмас кывкутны.

Иуда 1:7

Тадзи лои тшӧтш Содомын, Гомораын да на гӧгӧр каръясын олысьяскӧд. Тайӧ анделъясыс моз найӧ кырсалісны да сетчисны зывӧк оласногӧ, та вӧсна найӧс вӧлі мыждӧма да сотӧма куслытӧм биын. Миянлы тайӧ ӧлӧдӧм вылӧ.

1 Тимофейлы 6:9

Коді кӧсйӧ озырмыны, сійӧ сетчӧ ыштӧмас да шедӧ налькйӧ. Сійӧ сетчӧ быдпӧлӧс мывкыдтӧмлунас да лёк кӧсйӧмас, мый бырӧдӧ йӧзсӧ да вайӧдӧ найӧс кулӧмӧ.

Филипӧ 1:28

Энӧ полӧй тіянлы паныд сувтысьясысь, ӧд тіян повтӧмлунныд – налы пас кулӧм вылӧ, а тіянлы – мездмӧм вылӧ. Ставыс тайӧ Енсянь.

1 Иоан 4:17

Сідзкӧ, муслуныс тыр-бурӧдз воӧма миян пытшкын. Та вӧсна вермам повтӧг сувтны мыждан лунӧ, ӧд ми тайӧ муюгыдас Кристос кодьӧсь.

2 Фессалоникаӧ 2:3

Энӧ сетӧй асьнытӧ ылӧдлыны некодлы, ӧд сійӧ луныс воас сӧмын сэки, кор йӧзыс кежасны Енсьыс. Сэки локтас мыжыслӧн морт, кулӧмыслӧн пи,

Римӧ 2:5

Но чорыд сьӧлӧмыд вӧсна тэ он кӧсйы бергӧдчыны мыжъяссьыд, тадзи ас вылад чукӧртан Енлысь скӧрлунсӧ. Сійӧ киссяс тэ вылӧ Скӧралан лунӧ Енмыслӧн веськыда мыждігӧн.

Марк 6:11

Оз кӧ сибӧдны-кывзыны тіянӧс, сэтысь петіганыд пыркӧдӧй коксьыныд буссӧ. Тайӧ лоӧ найӧс ӧлӧдӧм. Веськыда висьтала тіянлы: мыждан лунӧ Содом да Гомора каръяслы лоас кокньыдджык сійӧ карыслы дорысь».

Матвей 11:24

Висьтала тіянлы: мыждан лунӧ Содом мулы лоас кокньыдджык тэныд дорысь».

Матвей 11:22

Висьтала тіянлы: мыждан лунӧ Тир да Сидон каръяслы лоас кокньыдджык тіянлы дорысь.

Матвей 10:15

Веськыда висьтала тіянлы: мыждан лунӧ Содом да Гомора каръяслы лоас кокньыдджык сійӧ карыслы дорысь.

Софоний 3:8

Сідзкӧ, виччысьӧй Менӧ, – висьталӧ Господь, – виччысьӧй сійӧ лунсӧ, кор Ме сувта мыждыны. Ӧд Ме шуи, мый чукӧрта войтыръясӧс, медым кисьтны на вылӧ Ассьым лӧглунӧс, ыпъялысь скӧрлунӧс. Менам скӧрлуна биӧн лоӧ сотӧма став мусӧ.

Псалтыр 50:3

Енмӧй, Аслад буралӧмыд кузя ло бур сьӧлӧма ме дінӧ, Аслад ыджыд бурлуныд кузя чышкышт менсьым мыжъясӧс.

Восьтӧм 17:11

Зверыс, коді вӧлі, но ӧні абу, – кӧкъямысӧд ӧксы, но сійӧ сизим ӧксыыс пӧвстысь. Сійӧс лоӧ бырӧдӧма.

Восьтӧм 17:8

Зверыс, кодӧс тэ аддзылін, коркӧ вӧлі, но ӧні сійӧ абу. Сійӧ петас пыдӧстӧминысь, но сійӧс лоӧ бырӧдӧма. Сэки мувывса олысьяс, кодъяслысь нимсӧ му пуксьӧмсяньыс абу гижӧма Олӧмыслӧн небӧгӧ, зверсӧ аддзигӧн кутасны шензьыны, ӧд сійӧ вӧлі, но ӧні абу, и бара лоас.

Исай 66:15

Со, Господь локтӧ би моз, Сылӧн тарантасъясыс ыджыд тӧвныр кодьӧсь. Сійӧ кисьтас Ассьыс скӧрлунсӧ ыджыд ярлунӧн, петкӧдлас Ассьыс мыждӧмсӧ ыпъялысь биӧн.

Даниил 7:9

Сэсся ме аддзи сувтӧдӧм юралан пуклӧсъяс, и важысянь Олысь пуксис. Сылӧн паськӧмыс вӧлі лым кодь еджыд, юрсиыс – еджыд вурун кодь. Сылӧн юралан пуклӧсыс вӧлі ыпъялысь би кодь, пуклӧс гӧгыльясыс вӧліны яра сотчысь би кодьӧсь.

Малакий 4:1

Сійӧ луныс воас ыпъялысь би моз, идзасӧс моз сотас вылӧ кыпӧдчысьясӧс, сотас лёк вӧчысьясӧс, – висьталӧ Господь Саваоф, – оз коль наысь весиг вуж ни ув.

Иоан 12:48

Коді оз сибӧд Менӧ да оз босьт Менсьым кывъясӧс, сылӧн эм аслас мыждысь: Менам висьталӧм кывйӧй медбӧръя лунӧ мыждас сійӧс.

1 Коринфӧ 3:13

но уджыс быдӧнлӧн ас кадӧ тыдовтчас. Тайӧс петкӧдлас мыждан луныс, ӧд сійӧ биӧн воас. Сэки биыс быдӧнлысь уджсӧ тӧдмалас.

Еврейяслы 12:29

ӧд миян Енным – ставсӧ сотысь би.