2 Петыр 1:2 - Коми Библия 2023

² Буралӧмыс да лӧньлуныс мед содас тіянлы Енмӧс да Исус Кристос Господьнымӧс тӧдмалігӧн.

2 Петыр 1:2 Referans Kwoze

2 Петыр 3:18

Быдмӧй буралӧмас да миян Мездысь Исус Кристос Господьнымӧс тӧдмалӧмас. Сылы ошкӧмыс ӧні да нэмъяс чӧж. Аминь.

Филипӧ 3:8

Ставсӧ тайӧс пукта нинӧм туйӧ, ӧд Исус Кристосӧс, ассьым Господьӧс, тӧдӧм дорысь нинӧм абу ыджыдджыкыс. Кристос вӧсна эновті ставсӧ, ставсӧ лыддя ёгӧн, медым ме озырми Кристосӧн

Иоан 17:3

Помтӧм олӧмыс – тайӧ тӧдны Тэнӧ, ӧти збыль Енмӧс, да Тэӧн мӧдӧдӧм Исус Кристосӧс.

1 Петыр 1:2

Ен Бать водзысяньыс бӧрйӧма да вежӧдӧма тіянӧс Аслас Ловнас, медым ті кывзысинныд Исус Кристослысь да сӧстӧмминныд Сылӧн вирнас. Буралӧмыс да лӧньлуныс мед содас тіянлы.

Иуда 1:2

Буралӧмыс, лӧньлуныс да муслуныс мед содас тіянлы.

Римӧ 1:7

Ставныдлы, Римын олысьяслы, буралӧм да лӧнь олӧм Ен Батьнымсянь да Господь Исус Кристоссянь. Енмыслы ті мусаӧсь, ті – Сылӧн корӧм вежа войтыр.

Исай 53:11

Аслас уджыс вылӧ видзӧдігӧн Сійӧ кутас нимкодясьны. Менсьым кӧсйӧмӧс тӧдӧмӧн Менам веськыда олысь Кесйӧгӧй унаӧс вӧчас веськыдӧн, босьтас Ас вылас налысь мыжъяссӧ.

Лука 10:22

Исус висьталіс велӧдчысьясыслы: «Ставсӧ сетіс Меным Батьӧй. Сӧмын Батьыс тӧдӧ, коді Пиыс, и сӧмын Пиыс тӧдӧ, коді Батьыс. Тӧдӧ нӧшта сійӧ, кодлы Пиыс кӧсйӧ восьтны Батьсӧ».

Даниил 4:1

Ме, Навукодоносор, лӧня олі аслам керкаын, ме вӧлі шуда аслам ӧксы керкаын.

Восьтӧм 1:4

Иоан чолӧмалӧ асияса сизим вичкоӧс: буралӧм да лӧнь олӧм тіянлы Сысянь, коді эм, вӧлі и локтас, тшӧтш Сылӧн пуклӧс водзын олысь сизим ловсянь

2 Петыр 2:20

Мездысь Исус Кристос Господьнымӧс тӧдмалӧм бӧрын кӧ мувывса пежсьыс ылыстчысьяс бара бергӧдчӧны важас, да лёкыс кӧ вермӧ найӧс, сэки татшӧмъясыслы воддза дорсьыс ёна лёкджык лоӧ.

2 Петыр 1:8

Тайӧ кӧ тіян эм да содӧ, сідзкӧ, Исус Кристос Господьнымӧс тіян тӧдмалӧмныд оз ло весьшӧрӧ и ті онӧ кольӧй вотӧстӧг.

2 Петыр 1:3

Ми тӧдмалім Сійӧс, коді корис миянӧс Аслас дзирдлунӧ да тыр-бурӧ. Сылӧн Ен вынсянь сетӧма миянлы став коланасӧ, медым ми олім вежавидзӧмӧн.

2 Коринфӧ 4:6

Енмыс, коді тшӧктіс пемыдас ӧзйыны югыдыслы, югдӧдіс миянлысь сьӧлӧмнымӧс, медым ми вермим аддзыны Енлысь дзирдлунсӧ Исус Кристос чужӧмбанысь.

Даниил 6:25

Та бӧрти Дарий ӧксы гижис став му вылас олысь войтыръяслы, чужанкотыръяслы да быд кыла йӧзлы: «Лӧнь олӧмыс мед содас тіянлы!

2 Петыр 1:5

Та могысь зільӧй петкӧдлыны эскӧманыд бур вӧчӧм, бур вӧчӧманыд – тӧдӧмлун,