2 Петыр 1:17 - Коми Библия 2023

¹⁷ Ен Батьыс сетіс Сылы нимӧдӧмсӧ да дзирдлунсӧ, кор Вылысса дзирдлунсяньыс кыліс гӧлӧс шы: «Тайӧ Менам муса Пиӧй, Ме нимкодяся Сыӧн».

2 Петыр 1:17 Referans Kwoze

Марк 9:7

Сэки локтіс кымӧр да вевттис найӧс, кымӧрсянь кыліс гӧлӧс шы: «Тайӧ Менам муса Пиӧй, Сійӧс кывзӧй».

Матвей 17:5

Петырлӧн сёрнитігкості югыд кымӧр вевттис найӧс, кымӧрсянь кыліс гӧлӧс шы: «Тайӧ Менам муса Пиӧй, Ме нимкодяся Сыӧн. Сійӧс кывзӧй».

Матвей 3:17

Енэжсянь кыліс гӧлӧс шы: «Тайӧ Менам муса Пиӧй, Ме нимкодяся Сыӧн».

Лука 3:22

Вежа Лов гулю кодьӧн лэччис Сы вылӧ. Енэжсянь кыліс гӧлӧс шы: «Тэ Менам муса Пиӧй, Ме нимкодяся Тэӧн».

Марк 1:11

Енэжсянь кыліс гӧлӧс шы: «Тэ Менам муса Пиӧй, Ме нимкодяся Тэӧн».

Матвей 12:18

– Со, Менам Кесъялысьӧй, Менам мусаӧй, Ме бӧрйи Сійӧс, Менам сьӧлӧмӧй нимкодясьӧ Сыӧн. Ме мӧдӧда Сы вылӧ Ассьым Лолӧс. Сійӧ ваяс веськыда мыждӧм быд войтырлы.

Иоан 3:35

Пиыс муса Батьыслы, и Батьыс ставсӧ сетіс Сы киӧ.

Иоан 5:26

Батьыс сетӧ олӧм быдӧнлы, Пиыслы Сійӧ тшӧтш сетіс вын – сетны олӧм быдӧнлы.

Исай 42:1

Со, Менам Кесъялысьӧй, Ме сета Сылы вын, Ме бӧрйи Сійӧс, Менам сьӧлӧмӧй нимкодясьӧ Сыӧн. Ме мӧдӧда Сы вылӧ Ассьым лолӧс. Сійӧ ваяс веськыда мыждӧм быд войтырлы.

2 Иоан 1:3

Ті кӧ оланныд збыляс да муслунас, тіянлы лоӧ бурсетӧм, буралӧм да лӧнь олӧм Ен Батьсянь да Господь Исус Кристоссянь, Батьыслӧн Писянь.

Лука 10:22

Исус висьталіс велӧдчысьясыслы: «Ставсӧ сетіс Меным Батьӧй. Сӧмын Батьыс тӧдӧ, коді Пиыс, и сӧмын Пиыс тӧдӧ, коді Батьыс. Тӧдӧ нӧшта сійӧ, кодлы Пиыс кӧсйӧ восьтны Батьсӧ».

2 Коринфӧ 1:3

Ошкӧм Енлы, миян Господь Исус Кристослӧн Батьлы. Сійӧ – бур сьӧлӧма Бать да быдторйын бурӧдысь Ен!

2 Коринфӧ 11:31

Енмыс, миян Господь Исус Кристослӧн Бать, тӧдӧ: ме ог пӧръясь. Ошкӧм Сылы нэмъяс чӧж!

Иоан 17:21

Кевмыся, мед найӧ ставныс лоасны ӧтвыв. Кыдзи Тэ, Батьӧй, Ме пытшкын, а Ме – Тэ пытшкын, тадзи мед найӧ лоасны ӧтвыв Миян пытшкын. Сэки муюгыдыс эскас, мый Тэ Менӧ мӧдӧдін.

Иуда 1:1

Гижӧ Иуда, Исус Кристослӧн кесйӧг, Яковлӧн вок. Чолӧмала тіянӧс, кодъясӧс Ен Бать корис да вежӧдіс. Исус Кристос видзӧ тіянӧс.

Иоан 6:27

Энӧ тӧждысьӧй бырана сёян вӧсна, а тӧждысьӧй помтӧм олӧмсӧ сетысь сёян вӧсна. Тайӧ сёянсӧ сетас тіянлы Морт Пи, кодӧс пасйӧма Ачыс Ен Бать».

Иоан 6:39

Менӧ мӧдӧдысь Батьӧй кӧсйӧ, медым Меным сетӧмаясысь весиг ӧтикӧс эг вошты да ставнысӧ найӧс ловзьӧді медбӧръя лунӧ.

Иоан 20:17

Исус шуис сылы: «Эн инмӧдчы Ме дінӧ, Ме ӧд эг на кыпӧдчы Батьӧй дінӧ. Мун Менам вокъяс дінӧ да висьтав налы, мый Ме кыпӧдча Аслам Батьӧй да тіян Батьныд дінӧ, Аслам Енмӧй да тіян Енныд дінӧ».

Иоан 10:36

сідзкӧ, мыйла ті шуанныд Менӧ Енмӧс омӧльтысьӧн, Ме кӧ шуа ачымӧс Ен Пиӧн? Ӧд Менӧ Батьӧй вежӧдіс да мӧдӧдіс муюгыдас.

Исай 53:10

Господьлӧн вӧлі шуӧма дойдны Сійӧс, мӧдӧдны Сылы сьӧкыдлунъяс. Но кор Сійӧ Асьсӧ ваяс мыж вештан вись пыдди, Сійӧ аддзас Сысянь чужысьясӧс, кодъяс кутасны дыр овны. Господьлӧн кӧсйӧмыс инас Сы пыр.

Иоан 14:6

Исус шуис сылы: «Ме эм туйыс, збыльыс да олӧмыс. Бать дінӧ позьӧ локны сӧмын Ме пыр, мӧд туйыс абу.

Иоан 10:15

Кыдзи Батьӧй тӧдӧ Менӧ, сідзи Ме тӧда Батьӧс. Ассьым олӧмӧс Ме сета ыжъясӧй вӧсна.

Матвей 17:3

Сэки велӧдчысьяс аддзисны Мӧисейӧс да Илляӧс, найӧ сёрнитісны Исускӧд.

Иоан 14:11

Эскӧй, мый Ме – Бать пытшкын, а Бать – Ме пытшкын. Онӧ кӧ эскӧй таӧ, эскӧй Меным уджъясӧй серти.

Иоан 6:37

Быдӧн, кодӧс сетӧ Меным Бать, локтас Ме дінӧ. Ме дінӧ локтысьӧс ог вӧтлы.

Римӧ 15:6

мед ті ӧти лолӧн да ӧти вомӧн ошкинныд Енсӧ, миян Господь Исус Кристослысь Батьсӧ.

Матвей 28:19

Мунӧй войтыръяс дінӧ, вӧчӧй найӧс Менам велӧдчысьясӧн да пыртӧй найӧс Бать, Пи да Вежа Лов нимӧн.

Иоан 5:20

Батьыс радейтӧ Писӧ да петкӧдлӧ Сылы ставсӧ, мый вӧчӧ. Батьыс нӧшта на ыджыдджык уджъяс Пиыслы петкӧдлас, ті весиг чуйманныд.

Еврейяслы 1:3

Пиыс – Енлӧн яръюгыд дзирдлуныс, Сылӧн пертасыс. Пиыс ставсӧ кутӧ Аслас вына кывнас. Аслас вирнас Сійӧ мыськаліс миянлысь мыжъяснымӧс да пуксис Медыджыдыслӧн веськыдладорӧ енэжас.