2 Петыр 1:13 - Коми Библия 2023

¹³ Тайӧ вир-яй чомъяс олігӧн ме лыддя коланаӧн садьмӧдны тіянӧс аслам казьтылӧмъясӧн.

2 Петыр 1:13 Referans Kwoze

2 Петыр 3:1

Донаясӧй, тайӧ менам мӧд гижӧд нин тіянлы. Кыкнан гижӧдас аслам казьтылӧмъясӧн зіли ышӧдны тіянӧс мӧвпавны сӧстӧма.

2 Петыр 1:14

Тӧда, меным регыд ковмас кольны ассьым чомйӧс. Тайӧс восьтіс меным Исус Кристос Господьным.

Еврейяслы 13:3

Тӧждысьӧй дзескыдінын пукалысьяс вӧсна, быттьӧ ті на моз пукаланныд дзескыдінын. Энӧ вунӧдӧй найӧс, кодъясӧс нӧйтӧны, ті ӧд асьныд тӧданныд, мый сэтшӧм дойыс.

2 Тимофейлы 1:6

Та вӧсна казьтышта тэныд: эн кусӧд Енсянь сетӧмторлысь бисӧ. Тайӧ сетӧмторсӧ тэ сибӧдін менам ки пуктылӧм пыр.

2 Коринфӧ 5:8

Ми повтӧмӧсь, ёнджыка на кӧсъям петны тайӧ вир-яйсьыс да овмӧдчыны гортӧ, Господь дінӧ.

2 Петыр 1:12

Та вӧсна ме быдпӧрйӧ кута казьтывны тіянлы та йылысь, кӧть эськӧ ті тӧданныд да зумыда сулаланныд тіянлы висьталӧм збыляс.

Аггей 1:14

Господь ышӧдіс Шеалтиэллысь Зоровавель писӧ, Иуда муын юралысьӧс, да Иоседеклысь Исус писӧ, аркирейӧс, тшӧтш коляс войтырсӧ, и найӧ локтісны да кутісны лэптыны Господь Саваофлысь, асланыс Енлысь, крамсӧ.

Исай 38:12

Ыж видзысьлысь чомсӧ моз менсьым оланінӧс разьӧма, ылыстӧма ме дінысь. Ме гартышті ассьым олӧмӧс, кыдзи дӧра кыысь гартыштӧ кыӧм дӧрасӧ, ӧні Господь вундас менӧ кысян стан бердысь. Лун и вой ме виччыси, мый Тэ мӧдӧдан меным олӧм пом.

Филипӧ 1:7

Дерт, меным тадзи и колӧ мӧвпавны тіян йылысь. Пукала-ӧ ме дзескыдінын, доръя-ӧ Бур Юӧрсӧ али висьтавла сійӧс эскӧдӧмӧн, ті ставныд менам сьӧлӧмынӧсь, ӧд тіянлы мекӧд ӧтвыв вичмис Енсянь бурсетӧмыс.

Филипӧ 3:10

Кӧсъя тӧдны Кристосӧс да Сійӧс ловзьӧдысь вынсӧ, кӧсъя тшӧтш юкны Сылысь сьӧкыдалӧмсӧ да кувны Сы моз,