2 Коринфӧ 8:8 - Коми Библия 2023

⁸ Тайӧ абу тшӧктӧм. Ме сӧмын висьтала тіянлы мукӧдыслӧн зільӧм йылысь, медым тӧдмавны, сьӧлӧмсянь-ӧ ті радейтанныд йӧзсӧ.

2 Коринфӧ 8:8 Referans Kwoze

1 Коринфӧ 7:6

Дерт, тайӧ абу тшӧктӧм, но ті верманныд тадзи вӧчны.

Еврейяслы 10:24

Кутам тӧждысьны ӧта-мӧдным вӧсна, ышӧдны ӧта-мӧдӧс муслун да бур уджъяс вылӧ.

2 Коринфӧ 9:7

Быдӧн сетӧй сьӧлӧм тшӧктӧм сертиныд: энӧ мырдӧн, энӧ шогпырысь, ӧд долыда сетысь муса Енмыслы.

2 Коринфӧ 6:6

Ми олам сӧстӧма. Миян эм тӧдӧмлун, терпитӧм, бурлун. Миянӧн веськӧдлӧ Вежа Лов да сьӧлӧмсянь муслун.

1 Петыр 1:22

Лов отсӧгӧн збыльыслысь кывзысьӧмӧн ті сӧстӧмминныд, медым восьса сьӧлӧмӧн верминныд радейтны мукӧд эскысьӧс. Сідзкӧ, сьӧлӧмсяньныд радейтӧй ӧта-мӧднытӧ.

Ефесӧ 6:24

Енлӧн буралӧмыс быдӧнкӧд, коді радейтӧ миян Господь Исус Кристосӧс бырлытӧм муслунӧн. Аминь.

Ефесӧ 4:15

Мӧдарӧ, збыляс да муслунас кутчысьӧмӧн, кутам пыр быдмыны да воӧдчыны Кристосӧдз, ӧд Сійӧ – Юрыс.

2 Коринфӧ 9:2

Ме тӧда тіянлысь зільӧмнытӧ. Македонияса водзын ме ошйыси, мый ті, акайяса, дасьӧсь сетны отсӧг кольӧм восянь нин. Тіян сьӧлӧмсянь тӧждысьӧмныд унаӧс ышӧдіс та вылӧ.

2 Коринфӧ 8:24

Сідзкӧ, петкӧдлӧй на дінӧ ассьыныд муслунтӧ, сэки быд вичко аддзас, мый ми ошйысям тіянӧн огӧ весьшӧрӧ.

2 Коринфӧ 8:10

Ме туйдӧда тіянӧс, ӧд тайӧ тіянлы бур вылӧ. Ті кольӧм воӧ нин кутінныд вӧчны тайӧ уджсӧ, и вӧчинныд сійӧс окотапырысь.

1 Коринфӧ 7:25

Ӧні висьтала верӧс сайӧ мунтӧмъяслы. Тайӧ абу Господьлӧн тшӧктӧм, ме висьтала ассьым видзӧдласӧс, ӧд Господьлӧн буралӧмыс кузя меным позьӧ эскыны.

1 Коринфӧ 7:12

Мукӧдыслы висьтала ме, оз Господь: кутшӧмкӧ эскысьлӧн кӧ гӧтырыс оз эскы, но кӧсйӧ овны верӧсыскӧд, тайӧ эскысьыс мед оз юксьы гӧтырыскӧд.

Римӧ 12:9

Радейтӧй восьса сьӧлӧмӧн, ылыстчӧй лёксьыс да кутчысьӧй бурас.

Езекиль 33:31

Менам войтырӧй чукӧртчӧ тэ дінӧ, пуксьӧ тэ водзӧ да кывзӧ тэнсьыд кывъястӧ, но на серти оз ов. Найӧ мичаа сёрнитӧны, но сьӧлӧмпытшса кӧсйӧмныс – ылӧдлӧмӧн озырмӧдчыны.

Нав Исус 24:14

Сідзкӧ, полӧй Господьысь да кесъялӧй Сылы сӧстӧм сьӧлӧмӧн да веськыда. Эновтчӧй енъясысь, кодъяслы кесъялісны батьясныд Ефрат ю сайын да Египетын. Кесъялӧй сӧмын Господьлы.