2 Коринфӧ 7:11 - Коми Библия 2023

¹¹ Видзӧдлӧй, мый вайис тіянлы Ен кӧсйӧм серти шогсьӧмныд: кутшӧма ті зілянныд петкӧдлыны ассьыныд мыжтӧмлуннытӧ, дӧзманныд лёк вӧчысь вылӧ да лёк вӧчӧмсӧ мустӧмтанныд. Кутшӧма ті гажтӧмтчанныд миянысь, ловнаныд ыпъяланныд да кӧсъянныд мыжаӧс веськыда мыждыны. Ті быд боксянь петкӧдлінныд ассьыныд сӧстӧмлуннытӧ.

2 Коринфӧ 7:11 Referans Kwoze

Римӧ 14:18

Кристослы тадзи кесъялысь шогмана Енмыслы да пыдди пуктана йӧзӧн.

2 Тимофейлы 2:15

Тӧждысь шогмыны Енлы, аслад уджысь эн яндысь, збыльсӧ висьтав веськыда.

2 Коринфӧ 7:7

и эз сӧмын тайӧн. Миян ловным кыпаліс тшӧтш сыысь, мый ті ышӧдӧмныд Титӧс. Сійӧ висьталіс миянлы, ті пӧ ёна гажтӧмтчанныд меысь, ёна шогсянныд да доръянныд менӧ. Таысь меным нӧшта на нимкодь лои.

Псалтыр 2:11

Кесъялӧй Господьлы полӧмпырысь, [Сы водзын] нимкодясьӧй вежавидзӧмӧн.

Восьтӧм 3:19

Коді муса Меным, сійӧс ме янӧда-чирышта. Сідзкӧ, сьӧлӧмсяньыд зіль бергӧдчыны мыжъяссьыд!

Иуда 1:23

а мукӧдсӧ мездӧй би пытшкысь моз. Видзчысьӧмӧн янӧдӧй найӧс, зывӧктӧй весиг вир-яйсянь пежасьӧм паськӧмнысӧ.

1 Петыр 2:2

Но кыдзи пузчужӧм кагаяс пӧткӧдчӧны йӧлӧн, тадзи зільӧй пӧткӧдчыны Енлӧн сӧстӧм кывйӧн, медым сы отсӧгӧн быдминныд да лоинныд мездмӧмаӧсь.

1 Петыр 1:17

Ті кӧ шуанныд Батьӧн Сійӧс, коді чужӧм вылӧ видзӧдтӧг мыждӧ быдӧнӧс уджъясыс серти, сідзкӧ, олӧй тайӧ му вылас Енсьыс полӧмӧн.

Еврейяслы 4:1

Енлӧн кӧсйысьӧмыс, мый ми вермам пырны Сылӧн шойччанінӧ, ӧнӧдз на вына. Сідзкӧ, кутам тӧждысьны, мед тіян пиысь некод эз сёрмы пырны Енлӧн шойччанінӧ.

Титлы 3:8

Тайӧ кывъясыс эсканаӧсь. Ме кӧсъя, мед тэ тӧдчӧдӧмӧн пыр казьтылін тайӧс, медым Енлы эскысьяс тӧждысисны бурсӧ вӧчны. Тайӧ бур да йӧзыслы колана.

Филипӧ 2:12

Мусаяс, кор ме вӧлі тіян дінын, ті пыр кывзысинныд менсьым. Сідзкӧ, ӧні, кор абу тіянкӧд, ёнджыка на кывзысьӧй да тӧждысьӧй асланыд мездмӧм вӧсна полӧмӧн да тіралӧмӧн.

Ефесӧ 5:11

Энӧ ӧтувтчӧй пемыдас олысьяслӧн ковтӧм уджъясӧ, мӧдарӧ, янӧдӧй найӧс.

Ефесӧ 4:26

Скӧраліганыд энӧ мыжмӧй. Бурасьӧй ӧта-мӧдныдкӧд шонді пуксьытӧдзыс на.

2 Коринфӧ 13:7

Ми кевмам Енлы, медым ті энӧ вӧчӧй некутшӧм лёктор. Ми огӧ кевмӧй сы могысь, медым петкӧдлыны асьнымӧс сэтшӧмӧн, кутшӧмӧн колӧ лонысӧ, но кевмам, медым ті вӧчинныд бурсӧ весиг сэки, ми кӧ абу сэтшӧмӧсь, кутшӧмӧн колӧ лоны миянлы.

2 Коринфӧ 9:2

Ме тӧда тіянлысь зільӧмнытӧ. Македонияса водзын ме ошйыси, мый ті, акайяса, дасьӧсь сетны отсӧг кольӧм восянь нин. Тіян сьӧлӧмсянь тӧждысьӧмныд унаӧс ышӧдіс та вылӧ.

2 Коринфӧ 7:1

Мусаяс, со мыйта кӧсйысьӧм Енмыс сетӧма миянлы! Сідзкӧ, весалам ассьыным вир-яйнымӧс да ловнымӧс став пежсьыс. Кутам овны Енсьыс полӧмӧн, Сылӧн вежалуныс мед тырвыйӧ лоӧ миян пытшкын!

2 Коринфӧ 6:4

Мӧдарӧ, ми быдторйын петкӧдлам асьнымӧс Енлӧн кесъялысьясӧн: ми нуам сьӧкыдсӧ, шогсӧ, дзескӧдӧмсӧ. Ми зумыдӧсь,

2 Коринфӧ 2:6

Сэтшӧмыслы тырмана нин тіянсянь мыждӧмыс.

1 Коринфӧ 12:25

медым вир-яй пытшкын эз вӧвны вензьӧмъяс. Сэки быд юкӧн кутас ӧтмоза тӧждысьны ӧта-мӧд вӧснаыс.

1 Коринфӧ 5:2

Оз ӧмӧй тіянлы ков шогсьыны та вӧсна да вӧтлыны ас дорсьыныд татшӧм мортсӧ? А ті пыр на ышнясянныд.

Римӧ 11:20

Тайӧ тадз. Найӧс чегисны эскытӧмысла, а тэ кутчысян эскӧмнад. Асьтӧ вылӧ эн пукты, но полӧмпырысь ов.

Ап. уджъяс 17:16

Павел виччысис вокъясӧс Афинын. Тайӧ карыс вӧлі тырӧма идолъясӧн. Кор Павел аддзис тайӧс, сійӧ ловнас пузис.

Иоан 2:17

Сэки Исуслӧн велӧдчысьяслы тӧд выланыс уси Гижӧдас висьталӧмыс: «Тэнад керка вӧсна вежӧгтӧмыс топӧдӧ менсьым сьӧлӧмӧс».

Марк 3:5

Исус шогсис налӧн чорзьӧм сьӧлӧмныс вӧсна да чорыда видзӧдліс на вылӧ. Сэсся шуис висьысьлы: «Нюжӧд китӧ». Сійӧ нюжӧдіс, и киыс пырысь-пыр бурдіс, лои мӧдыс кодь.

Даниил 6:14

Кор ӧксы кыліс тайӧ кывъяссӧ, сійӧ шогӧ усис да мӧвпыштіс мездыны Даниилӧс. Шонді пуксьытӧдзыс сійӧ корсьысис позянлун, медым мездыны сійӧс.

Исай 66:2

Ставсӧ тайӧс вӧчӧма Менам киӧн, ставыс тадзи лои, – висьталӧ Господь. – Но Ме видзӧдла коньӧр да рам морт вылӧ, коді вежавидзӧ Менам кывйысь.

Исай 26:8

Тэнад веськыда мыждан туй вывті мунігӧн ми лача кутам Тэ вылӧ, Господьӧй, ёна кӧсъям шыасьны Тэнад нимӧ, казьтывны Тэ йылысь.

Сьылан 8:6

Пукты менӧ печатьӧс моз аслад сьӧлӧмад, чунькытшӧс моз новлы менӧ киад. Муслуныс кулӧм кодь вына, вежӧгтӧмыс ад кодь скӧр. Сылӧн ньӧвйыс – биа ньӧв, сійӧ ыпъялысь ыджыд би кодь.

Шусьӧгъяс 28:14

Енмысь полысь – майбыр, сьӧлӧмсӧ чорзьӧдысь лёкас веськалӧ.

Шусьӧгъяс 14:16

Мывкыд морт полӧ да ылыстчӧ лёксьыс, вежӧртӧм – ӧдйӧ пузьӧ да аслыс сӧмын эскӧ.

Псалтыр 42:1

Енмӧй, мыжды менӧ веськыда! Дорйы менӧ Тэнсьыд кывзысьтӧм войтырысь, мезды менӧ лёк да ылӧдчысь йӧзысь,

Псалтыр 38:9

Мезды менӧ став менам мыжысь, эн лэдз мывкыдтӧм йӧзлы серавны ме вылын.

Псалтыр 35:13

Видзӧдлы, лёк вӧчысьяс усисны! Енмыс уськӧдіс найӧс кок йывсьыныс, и найӧ оз вермыны сувтнысӧ. Ошкӧм.

Неемий 13:25

Таысь ме чирышті да ёри тайӧ айуловсӧ. Кодсюрӧӧс весиг вачкалі да някралі юрсиӧдыс. Тшӧкті кыв сетны Ен водзын, мый водзӧ найӧ оз сетны нывъяснысӧ мукӧд войтырлӧн пиян сайӧ да оз босьтны налысь нывъяснысӧ гӧтырӧ аслыныс да пияныслы.

2 Коринфӧ 7:9

Ме нимкодяся ог тіян шогӧ усьлӧм понда, а нимкодяся сы понда, мый тіян шогсьӧмныд бергӧдіс тіянӧс мыжъяссьыныд. Тайӧ шогсьӧмыс вӧлі Ен кӧсйӧм серти, сідзкӧ, нинӧм лёксӧ ми эгӧ вӧчӧй тіянлы.

Иов 42:6

Та вӧсна шуӧм кывъясӧс ме бӧр босьта, бус да пӧим пытшкын пукалӧмӧн каитча.

Римӧ 3:5

Миян лёк вӧчӧмным кӧ восьтӧ Енлысь веськыдлунсӧ, сэки мый миянлы шуны? Енмыс ӧмӧй абу веськыд, кисьтӧ кӧ миян вылӧ Ассьыс скӧрлунсӧ? Тадзи мортыс мӧвпалӧ.

1 Фессалоникаӧ 4:6

Эскысь мед оз вӧч лёксӧ мӧд эскысьлы, оз ылӧдлы сійӧс, ӧд Господь мыждас таысь. Та йылысь висьтавлім нин тіянлы да ӧлӧдлім тіянӧс.

1 Тимофейлы 5:20

Мыж вӧчысьӧс янӧд ставныс водзын, медым мукӧдыс тшӧтш полісны.

Яков 3:17

Но вылісянь сетӧм мывкыдлуныс – медвойдӧр сӧстӧм, сэсся лӧнь, рам, кывзысьысь, тырӧма буралӧмӧн да бур уджъясӧн. Сійӧ оз торйӧд мортӧс чужӧм вылӧ видзӧдӧмӧн, сійӧ ставсӧ вӧчӧ сьӧлӧмсяньыс.