2 Коринфӧ 6:8 - Коми Библия 2023

⁸ Ми дасьӧсь сибӧдны ошкӧмсӧ и янӧдӧмсӧ, нимӧдӧмсӧ и лёкӧдӧмсӧ. Миянӧс лыддьӧны пӧръясьысьясӧн, но ми веськыда сёрнитам.

2 Коринфӧ 6:8 Referans Kwoze

Матвей 27:63

да шуисны: «Ыджыдӧй, миянлы тӧд выланым уси, мый эсійӧ пӧръясьысьыс ловъя дырйиыс на шуліс, куим лун мысти пӧ ловзя.

1 Петыр 4:14

Тіянӧс кӧ лёкӧдӧны Кристос ним вӧсна, ті шудаӧсь. Ӧд Енлӧн дзирдлуна Лолыс тіянкӧд. Йӧзыс омӧльтӧны Сійӧс, а ті ошканныд.

Восьтӧм 3:9

Со, Ме сета тэныд сӧтаналӧн йӧз чукӧрысь найӧс, кодъяс шуӧны асьнысӧ иудейясӧн, но найӧ абу иудейяс, а пӧръясьысьяс. Ме вӧча тадзи: найӧ локтасны да уськӧдчасны тэнад кок улӧ. Сэки тӧдмаласны, мый тэ – Меным муса.

1 Тимофейлы 4:10

Ми ёна мырсям да нуам лёкӧдӧмсӧ, ӧд лачанымӧс кутам ловъя Ен вылӧ. Сійӧ – быдӧнлы Мездысь, торйӧн нин эскысьяслы.

Ап. уджъяс 28:22

Ми кӧсъям кывны, мый тэ ачыд мӧвпалан. Ми тӧдам, мый тайӧ велӧдӧмыслы быдлаын паныд сувтӧны».

Ап. уджъяс 24:5

Ми аддзылім: тайӧ мортыс пежалӧ гӧгӧр да став му пасьтала шызьӧдӧ иудей войтырӧс. Сійӧ назаретса велӧдӧмӧ кутчысьысьяслӧн веськӧдлысь.

3 Иоан 1:12

Димитрий йылысь ставныс бура сёрнитӧны. Сы йылысь ачыс збыльыс висьталӧ, ми тшӧтш тадзи висьталам. Тэ ӧд тӧдан: миян висьталӧмыс збыль.

Еврейяслы 13:13

Сідзкӧ, петам Исус дінӧ кар ортсыас да Сы моз нуам лёкӧдӧмсӧ.

Римӧ 3:8

Гашкӧ, пондам вӧчны лёксӧ, мед вӧлі бур? Кодсюрӧ омӧльтӧны миянӧс да шуӧны, мый ми тадзи велӧдам. Татшӧмъяссӧ виччысьӧ веськыда мыждӧм.

Ап. уджъяс 22:12

Сэні ме дінӧ локтіс Ананий нима вежавидзысь да Индӧд серти олысь морт. Дамаскын олысь иудейяс пыдди пуктісны сійӧс.

Ап. уджъяс 16:39

Сэсся локтісны да корисны налысь прӧща, а дзескыдінысь петкӧдігӧн корисны найӧс эновтны карнысӧ.

Ап. уджъяс 10:22

Найӧ висьталісны: «Миянӧс мӧдӧдіс Корнилий, сё тышкамортӧн веськӧдлысьным. Сійӧ веськыда олысь да Енмысь полысь морт, иудей войтыр сійӧс пыдди пуктӧ. Вежа андел тшӧктӧма сылы корны тэнӧ гортас, мед кывзыны тэнсьыд висьталӧмтӧ».

Ап. уджъяс 6:3

Та вӧсна, вокъяс, бӧрйӧй ас пӧвстсьыныд сизим мортӧс, кодъяс мывкыдаӧсь да тырӧмаӧсь Вежа Лолӧн. Найӧс пуктам тайӧ уджсӧ вӧчны.

Ап. уджъяс 5:13

Йӧзыс полісны ӧтувтчыны накӧд, но ошкисны найӧс.

Ап. уджъяс 4:21

Чорыда чирыштӧм бӧрын веськӧдлан котыр лэдзис апостолъясӧс. Йӧз вӧснаыс эз вермыны мыждыны найӧс, ӧд ставныс ошкисны Енмӧс тайӧ лоӧмторсьыс.

Иоан 7:12

Йӧз пӧвстын унаӧн вензисны Сы йылысь. Ӧтияс сёрнитісны, Сійӧ пӧ бур, мӧдъяс шуисны, Сійӧ пӧ ылӧдлӧ йӧзсӧ.

Марк 12:14

Найӧ локтісны да шуисны Сылы: «Велӧдысь, ми тӧдам, мый Тэ веськыда сёрнитан да он пов йӧзлӧн шуасьӧмысь. Тэ он видзӧд морт вылӧ, а веськыда велӧдан Енлӧн туйӧ. Висьтав, миянлы позьӧ вот мынтыны кесарлы?»

Матвей 22:16

Найӧ мӧдӧдісны Сы дінӧ Ирӧдлысь йӧзсӧ да ассьыныс велӧдчысьяссӧ. Локтӧмаяс шуисны: «Велӧдысь, ми тӧдам, мый Тэ веськыда сёрнитан да веськыда велӧдан Енлӧн туйӧ. Тэ он пов йӧзлӧн шуасьӧмысь, он видзӧд морт вылӧ.

Матвей 10:25

Велӧдчысьлы тырмымӧн быдмыны велӧдысьыс кодьӧдз, кесйӧглы – ыджыдыс кодьӧдз. Керка кутысьӧс кӧ Вельзевулӧн шуасны, сылысь гортсасӧ лёкджыка на нимтасны.

1 Тимофейлы 3:7

Зэв колана, медым вичкоысь ӧтдор мукӧдыс тшӧтш пыдди пуктісны сійӧс. Сэки лёк сёрниыс сы йылысь оз паськав, и сійӧ оз шед омӧльыслӧн налькйӧ.

2 Коринфӧ 1:18

Ен тӧдӧ, мый тайӧ збыль: ме некор эг шулы ӧтпырйӧ ”сідз” и ”абу сідз”.

2 Коринфӧ 4:2

Ми огӧ вӧчӧй гусясӧ да янӧданасӧ, огӧ ылӧдчӧй, Енлысь кывсӧ висьтавлам торкавтӧг. Ми восьсӧн висьталам збыльсӧ да быдӧнлы сетам донъявны асьнымӧс Ен водзын.

2 Коринфӧ 11:21

Меным зэв яндзим, эгӧ лысьтӧй тадзи вӧчнысӧ да. Кодкӧ лысьтӧ кӧ ошйысьны мыйӧнкӧ, шуа мывкыдтӧм морт моз: ме тшӧтш ошйыся.

2 Коринфӧ 12:16

Ме некор эг сьӧктӧдлы тіянӧс, тайӧ тадзи. Гашкӧ, ті лыддянныд менӧ пӧръясьысьӧн да наян мортӧн?

1 Фессалоникаӧ 2:3

Миян велӧдӧмын эз вӧвны наян да пеж мӧвпъяс, ми некодӧс эгӧ кӧсйӧй ылӧдлыны.