7 Ӧд ми олам эскӧмӧн, огӧ аддзананас.
Ми видзӧдам тыдавтӧмыс вылӧ, огӧ тыдаланаыс вылӧ, ӧд тыдавтӧмыс бырлытӧм, а тыдаланаыс бырана.
Кристосӧс ті энӧ аддзылӧй, но Сійӧ муса тіянлы. Ті онӧ на аддзӧй Сійӧс, но эсканныд Сылы. Тіян сьӧлӧмныд тырӧма ыджыдсьыс-ыджыд нимкодьлунӧн, та йылысь он вермы весиг висьтавнысӧ.
Веськыда олысь эскӧмнас кутас овны, а кежас кӧ Меысь, Меным сійӧ оз шогмы.
Ӧні ог нин ме ов, но олӧ ме пытшкын Кристос. Ме кӧ ола тайӧ вир-яяс на, ола Ен Пилы эскӧмӧн. Сійӧ сетіс Асьсӧ ме вӧсна, ӧд ме Сылы муса.
Сувтӧй сылы паныд зумыд эскӧмӧн. Тӧдӧй, мый став му пасьталаыс вокъясныд тіян моз тшӧтш нуӧны сьӧкыдсӧ.
Ӧні ми аддзам Енсӧ ылӧсас, чусмӧм рӧмпӧштанысь моз, а бӧрыннас аддзам Сійӧс асланым синмӧн. Ӧні сӧмын этшаник тӧда Енмыс йылысь, а бӧрыннас кута тырвыйӧ тӧдны Енсӧ, кыдзи Сійӧ тӧдӧ менӧ.
Ми огӧ кӧсйӧй веськӧдлыны тіян эскӧмӧн, кӧсъям сӧмын отсавны тіянлы, медым ті верминныд нимкодясьны. Ми тӧдам, мый тіян эскӧмныд зумыд.
Ті энӧ на воӧй шойччанінӧ – сійӧ муас, мый Господь, тіян Енныд, сетас тіянлы.
