2 Коринфӧ 5:11 - Коми Библия 2023

¹¹ Ми тӧдам, мый сэтшӧм Господьысь полӧмыс, та вӧсна зілям эскӧдны тшӧтш мукӧдсӧ. Енмыслы ми восьсаӧсь, чайтам, тіян сьӧлӧмлы тшӧтш восьсаӧсь.

2 Коринфӧ 5:11 Referans Kwoze

Иуда 1:23

а мукӧдсӧ мездӧй би пытшкысь моз. Видзчысьӧмӧн янӧдӧй найӧс, зывӧктӧй весиг вир-яйсянь пежасьӧм паськӧмнысӧ.

Еврейяслы 10:31

Ёна повзьӧдана веськавны ловъя Енлӧн киӧ!

Восьтӧм 20:15

Быдӧнӧс, кодлысь нимсӧ эз вӧв гижӧма Олӧмыслӧн небӧгӧ, шыбитісны биа тыӧ.

2 Коринфӧ 6:1

Ми, Енкӧд ӧтвыв уджалысьяс, корам тіянӧс: сибӧдӧй Енлысь буралӧмсӧ, мед сійӧ эз ло весьшӧрӧ.

2 Коринфӧ 5:20

Сідзкӧ, ми – Кристослӧн мӧдӧдӧмаяс, и Ачыс Енмыс шыасьӧ миян пыр йӧзыс дінӧ. Кристос нимӧн ми корам: бурасьӧй Енмыскӧд!

Ап. уджъяс 18:13

Сэні шуисны, тайӧ мортыс пӧ велӧдӧ йӧзсӧ Енлы юрбитны оз Индӧд сертиным.

Лука 12:5

Висьтала, кодысь колӧ повнысӧ. Полӧй Сыысь, коді виӧм бӧрас вермӧ шыбитны адӧ. Шуа тіянлы: Сыысь полӧй.

Наум 1:6

Коді вермас паныд сувтны Сылӧн лӧглунлы, коді вермас ловйӧн кольны Сылӧн ыпъялан скӧрлунысь? Сылӧн скӧрлуныс би моз разалӧ, Сы водзын потласьӧны-жугалӧны изкыртаяс.

Псалтыр 90:11

Аслас анделъяслы Господь тшӧктӧ видзны тэнӧ став тэнад туйяс вылын.

Псалтыр 76:7

Войнас ме казьтывла ассьым сьыланкывъясӧс, мӧвпала да кӧсъя тӧдны,

Иов 31:23

Енлӧн ыджыдалан выныс водзын ме эськӧ эг вермы сулавны, но ме пола Сылӧн мыждӧмысь.

Галатӧ 1:10

Йӧзсянь-ӧ, Енсянь-ӧ виччыся ме ошкӧмсӧ? Йӧзлы ӧмӧй зіля шогмынысӧ? Ме кӧ зіли шогмыны йӧзлы, сэки эськӧ эг вӧв Кристослӧн кесйӧг.

2 Коринфӧ 2:17

Мукӧдыс моз ми огӧ висьтавлӧй Енлысь кывсӧ дон вылӧ. Ми висьтавлам сійӧс Ен водзын веськыда, ӧд ми – Кристослӧн кесъялысьяс да Енсянь мӧдӧдӧмаяс.

Ап. уджъяс 28:23

Урчитӧм лунӧ локтіс Павел ордӧ зэв уна йӧз. Павел асывсяньыс рытӧдзыс висьтавліс налы Енлӧн Юралӧм йылысь. Мӧисей Индӧд да пророк гижӧдъяс вылӧ мыджсьӧмӧн эскӧдіс найӧс Исус йылысь.

Ап. уджъяс 26:26

Та йылысь бура тӧдӧ ачыс ӧксы, та вӧсна ме восьсӧн сёрнита сы водзын. Эска, тайӧ сылы абу гусятор, ӧд ставыс тайӧ эз гусьӧн вӧчсьы, кӧнкӧ пемыд пельӧсын.

Ап. уджъяс 19:26

Ті асьныд аддзанныд да кыланныд, мый вӧчӧ тайӧ Павелыс. Сійӧ висьтавлӧ, киӧн вӧчӧмторъясыд пӧ абу енъяс, и уна йӧзӧс нин эскӧдіс Ефесын да став Асияын.

Ап. уджъяс 18:4

Быд шойччан лунӧ Павел сёрнитіс синагогаын, ышӧдіс иудейясӧс да грекъясӧс эскыны.

Ап. уджъяс 13:43

Синагогаысь разӧдчигӧн иудейяс да иудей эскӧмӧ бергӧдчысьяс пиысь унаӧн мунісны Павел да Варнава бӧрся. Апостолъяс сёрнитісны накӧд да ышӧдісны, медым кутчысясны Енлӧн буралӧмас.

Лука 16:31

Сэки Ӧвраам шуис сылы: ”Мӧисейӧс да пророкъясӧс кӧ оз кывзыны, найӧ оз эскыны весиг кулӧмысь ловзьысьлы”».

Матвей 25:46

Сэки найӧ мунасны помтӧм мучитчӧмӧ, а веськыда олысьяс – помтӧм олӧмӧ».

Матвей 10:28

Энӧ полӧй вир-яйтӧ виысьясысь, ловтӧ вины найӧ оз вермыны. Полӧй Сыысь, коді ловтӧ да вир-яйтӧ вермӧ бырӧдны адын.

Исай 33:14

Сионын олысь мыжаяс полӧны, Ентӧг олысьяс тіралӧны. Найӧ шуалӧны: «Коді миян пӧвстысь вермас орччӧн овны ставсӧ сотысь бикӧд? Коді миян пӧвстысь вермас овны куслытӧм би пытшкын?»

Псалтыр 73:19

Эн сет зверъяслы косявлыны Ассьыд гулютӧ, пыр кежлӧ эн вунӧд Ассьыд гӧль йӧзтӧ.

Иов 18:11

Повзьӧданторъяс кытшаласны сійӧс, вӧтчасны сы бӧрся.

Иов 6:4

Ставсӧвермысьлӧн ньӧвъясыс сатшисны меным, менам лолӧй пагалӧ налӧн ядысь, Енмыс мӧдӧдіс меным повзьӧданторъяс.

Олӧм 35:5

Найӧ [петісны Сикемысь,] мӧдӧдчисны туйӧ. Матігӧгӧр каръясын олысьясӧс ыджыд полӧм босьтіс Енмысь, та вӧсна Яковлысь пиянсӧ эз вӧтӧдны.

Исай 19:16

Сійӧ лунӧ египетсаяс лоӧны аньяс кодьӧсь. Повзьӧмнысла найӧ пондасны тіравны Господь Саваофысь, кор Сійӧ кисӧ лэптас на вылӧ.

Ефесӧ 5:21

Енсьыс полӧмӧн кывзысьӧй ӧта-мӧдныдлысь.

Еврейяслы 12:29

ӧд миян Енным – ставсӧ сотысь би.