2 Коринфӧ 4:9 - Коми Библия 2023

⁹ Миянӧс вӧтлӧны, но Енмыс оз эновт миянӧс. Миянӧс кок йылысь уськӧдӧны, но бырӧдны оз вермыны.

2 Коринфӧ 4:9 Referans Kwoze

Исай 43:2

Кор тэ кутан вуджны ыджыд ва вомӧн, Ме лоа тэкӧд, кор кутан вуджны ю вомӧн, сійӧ оз пӧдты тэнӧ, кор мунан би пыр, сійӧ оз сот и оз чишкав тэнӧ.

Микей 7:8

Менӧ мустӧмтысь, эн серав ме вылын! Ме усьӧма, но ме чечча. Ме ола пемыдын, но Господь – менам югыдыс.

Шусьӧгъяс 24:16

Веськыда олысь сизимысь усьлас, но бӧр чеччас, а мыж вӧчысь лёкас крукасяс.

Еврейяслы 13:5

Сьӧм вылӧ энӧ горшасьӧй, тырмӧдӧй сійӧ, мый эм. Ачыс Енмыс ӧд шуис: – Ог коль тэнӧ, ог эновт тэнӧ.

2 Коринфӧ 7:6

Но Енмыс, ловнас усьӧмаясӧс Ышӧдысь, ышӧдіс миянӧс Тит воӧмӧн,

Исай 62:4

Тэнӧ оз нин шуны Эновтӧмаӧн, тэнсьыд мутӧ оз шуны Кушинӧн, но тэнӧ нимтасны Господьлӧн олан гажӧн, тэнсьыд мутӧ шуасны Гӧтырӧн, ӧд тэ муса Господьлы, и тэнад муыд оз коль верӧстӧг.

Псалтыр 9:10

Господь лоӧ сайӧдчанінӧн дзескӧдӧмалы, дзебсянінӧн – шог дырйи.

Иоан 15:20

Кутӧй тӧд выланыд Менсьым кывъясӧс: кесйӧг абу ыджыдджык аслас ыджыдысь. Менӧ кӧ вӧтлісны, вӧтласны тшӧтш тіянӧс. Менсьым кывъясӧс кӧ кывзісны, кывзасны тшӧтш тіянлысь.

Псалтыр 42:5

Мыйла шогсян да майшасян, менам лолӧй? Лача кут Ен вылӧ! Ме кута на ошкыны Сійӧс, ассьым Енмӧс да Мездысьӧс. Ошкӧм.

Псалтыр 22:1

Давидлӧн псалом. Господь – менӧ Видзысьыс, менам ставыс лоӧ тырмана.

Иов 22:29

Улӧ лэдзӧмаяслы тэ шуан: «Кыпӧдчӧй», Енмыс мездас рамъясӧс.

Псалтыр 129:2

Господьӧй, кыв менсьым гӧлӧс шыӧс, восьт Ассьыд пельтӧ, кывзы менсьым кевмӧмӧс.

Аввакум 3:17

Весиг кӧ инжир оз понды дзоридзавны, виноград оз сет вотӧссӧ, олив оз гӧрддзась, кӧдзӧм му вылын оз во нянь, гидын оз ло ыж-мӧс,

Римӧ 8:35

Мый вермас торйӧдны миянӧс Енлӧн муслунысь? Гашкӧ, шог, дзескӧдӧм, вӧтлӧм? Гашкӧ, тшыгъялӧм, кӧм-пасьтӧг кольӧм? Гашкӧ, неминуча суӧм, шыпуртысь кулӧм?

2 Тимофейлы 3:12

Быдӧнӧс, коді кӧсйӧ овны вежа олӧмӧн Исус Кристос пытшкын, пондасны вӧтлыны.