2 Коринфӧ 2:14 - Коми Библия 2023

¹⁴ Ошкӧм Енлы! Кристос пыр Сійӧ быд кадӧ сетӧ миянлы вермӧм да миян пыр быдлаын паськӧдӧ Кристос йылысь чӧскыд дука тӧдӧмлунсӧ.

2 Коринфӧ 2:14 Referans Kwoze

Римӧ 8:37

Но став тайӧ сьӧкыдлун дырйиыс миянӧс Радейтысь сетӧ миянлы тырвыйӧ вермӧм.

Ефесӧ 5:2

Кристослы ми мусаӧсь, ті тшӧтш лоӧй мусаӧсь ӧта-мӧдныдлы. Кристос сетіс Ассьыс олӧмсӧ миян вӧсна да вайис Асьсӧ Енлы чӧскыда ӧвтан вись пыдди.

Римӧ 6:17

Ошкӧм Енлы, ӧд коркӧ ті вӧлінныд мыжыслӧн кесйӧгъяс, ӧні ті став сьӧлӧмнаныд кутчысянныд тіянлы висьталӧм велӧдӧмас.

2 Коринфӧ 9:15

Ошкӧм Енлы шуны вермытӧм сетӧмторсьыс!

Колосӧ 2:15

Сійӧ песовтіс ыджыдалысьясӧс да вынаясӧс, шыбитіс найӧс яналӧмас да вермис Кристос пыр.

Сьылан 1:3

Босьт менӧ киӧд, вай котӧртам! Пырт менӧ аслад вежӧсӧ, ӧксыӧй! Пондам долыда нимкодясьны, вина дорысь ёнджыка ошкыны тэнсьыд муслунтӧ. Оз весьшӧрӧ тэнӧ радейтны.

Восьтӧм 7:12

Найӧ шуалісны: – Аминь! Дзирдлуныс да мывкыдлуныс, выныс да ёнлуныс, ошкӧм-нимӧдӧмыс да аттьӧалӧмыс миян Енлы нэмъяс чӧж! Аминь.

Колосӧ 1:23

Сӧмын тіянлы колӧ вӧрзьывтӧг сулавны эскӧмас да зумыда кутчысьны Бур Юӧрӧн сетӧм лачаас. Бур Юӧрсӧ ті кывлінныд, сійӧс юӧртӧма енэж улын став олысьыслы. Ме, Павел, лои тайӧ Бур Юӧрыслы кесъялысьӧн.

Псалтыр 148:14

Сійӧ вынсьӧдіс Ассьыс войтырсӧ, медым Сійӧс ошкис Сылӧн эскана войтырыс, Израиль войтыр, коді матын Сылы. Аллилуйя!

Колосӧ 1:6

Тайӧ кывйыс паськалӧ став му пасьталаыс да вайӧ вотӧс. Ӧні сійӧ паськалӧ да вайӧ вотӧссӧ тшӧтш тіян пӧвстын. Бур Юӧрсӧ кылӧм бӧрын ті збыльысь гӧгӧрвоинныд Енлысь буралӧмсӧ.

Филипӧ 4:18

Епафродит сетіс тіянлысь мӧдӧдӧмторнытӧ, ӧні менам ставыс эм, весиг коланасьыс унджык на. Тіян сетӧмторныд – Енлы шогмана чӧскыда ӧвтан вись кодь, тайӧ Сылы сьӧлӧм сертиыс.

Ефесӧ 5:20

Быд кадӧ ставсьыс аттьӧалӧй Ен Батьӧс миян Господь Исус Кристос нимӧн.

2 Коринфӧ 8:16

Ошкӧм Енлы! Сійӧ пуктӧма Тит сьӧлӧмӧ тіян вӧсна ме кодь жӧ тӧждысьӧм.

1 Фессалоникаӧ 3:9

Ми ёна аттьӧалам Енсӧ тіянысь, ӧд ті сетанныд миянлы позянлун ёна нимкодясьны Ен водзын.

1 Коринфӧ 15:37

Кӧдзигад тэ он асьсӧ быдтассӧ кӧдз, а сӧмын кӧйдыссӧ. Тайӧ вермас лоны шобділӧн либӧ кутшӧмкӧ мӧд быдмӧглӧн кӧйдыс.

Езекиль 20:41

Чӧскыд ӧвтанторйӧс моз Ме сибӧда тіянӧс, кор чукӧрта тіянӧс мукӧд войтыръяс пӧвстысь, вайӧда сійӧ муяссьыс, кытчӧ тіянӧс вӧлі разӧдӧма. Ме петкӧдла тіян пыр Ассьым вежалунӧс мукӧд войтыръяслӧн син водзаныс.

Иоан 16:33

Тайӧс висьталі тіянлы, медым тіян вӧлі лӧньлун Ме пытшкын. Муюгыдас сьӧкыд лоӧ тіянлы, но энӧ полӧй, ӧд Ме верми муюгыдсӧ».

Римӧ 1:8

Медводз, Исус Кристос пыр аттьӧала ассьым Енмӧс ставсьыныд, ӧд тіян эскӧм йылысь висьталӧны став му пасьталаыс.

1 Коринфӧ 12:8

Ӧтилы Лолыс сетӧ мывкыд кывъяс, мӧдлы – тӧдӧмлун, мед юксьыны мукӧдкӧд,

1 Коринфӧ 15:57

Ошкӧм Енлы! Миян Господь Исус Кристос пыр Сійӧ сетӧ миянлы вермӧм!

1 Фессалоникаӧ 1:8

Господьлысь кывсӧ ті паськӧдінныд энӧ сӧмын Македонияын да Акайяын, тіян эскӧм йылысь тӧдӧны быдлаын. Сідзкӧ, та йылысь миянлы абу нин колана висьтавлыны.

1 Тимофейлы 2:8

Ме кӧсъя, медым айулов быдлаын кевмысисны кинысӧ кыпӧдӧмӧн, сӧстӧм сьӧлӧмӧн, лӧгавтӧг да майшасьтӧг.

2 Тимофейлы 2:2

Ставсӧ, мый тэ кывлін месянь уна йӧз дырйи, юксьы эскана йӧзкӧд, кодъяс сяммасны велӧдны мукӧдӧс.