2 Коринфӧ 13:7 - Коми Библия 2023

⁷ Ми кевмам Енлы, медым ті энӧ вӧчӧй некутшӧм лёктор. Ми огӧ кевмӧй сы могысь, медым петкӧдлыны асьнымӧс сэтшӧмӧн, кутшӧмӧн колӧ лонысӧ, но кевмам, медым ті вӧчинныд бурсӧ весиг сэки, ми кӧ абу сэтшӧмӧсь, кутшӧмӧн колӧ лоны миянлы.

2 Коринфӧ 13:7 Referans Kwoze

Яков 1:12

Шуда сійӧ, коді вермӧ венны ыштӧдӧмсӧ, ӧд та бӧрти сылы лоӧ сетӧма Олӧмыслысь юркытш. Тайӧ юркытшсӧ Господь кӧсйысис сетны Сійӧс радейтысьяслы.

2 Тимофейлы 4:18

Тӧда, Сійӧ видзас менӧ став лёксьыс, мездас да вайӧдас Аслас енэжвыв Юраланінӧ. Ошкӧм Сылы нэмъяс чӧж! Аминь.

2 Тимофейлы 2:15

Тӧждысь шогмыны Енлы, аслад уджысь эн яндысь, збыльсӧ висьтав веськыда.

1 Тимофейлы 2:2

Кевмысьӧй юралысьяс да ыджыдалысьяс вӧсна, медым ми олім лӧня да зыксьытӧг, вежавидзӧмӧн да шогмана ногӧн.

1 Фессалоникаӧ 5:23

Лӧньлуныслӧн Ен мед Ачыс тырвыйӧ вежӧдас тіянӧс да видзас тіянлысь ловнытӧ, олӧмнытӧ да вир-яйнытӧ сӧстӧмӧн миян Господь Исус Кристос локтігкежлӧ.

Филипӧ 4:8

Вокъяс, нӧшта кора тіянӧс: мӧвпалӧй сӧмын збыльыс, шогманаыс, веськыдыс, сӧстӧмыс, бурыс, мичаыс, ошканаыс да нимкодьыс йылысь.

1 Петыр 2:12

Ентӧдтӧмъяс пӧвстын олӧй бур ногӧн. Сэки найӧ, кодъяс омӧльтӧмӧн шуӧны тіянӧс лёк вӧчысьясӧн, аддзасны бур вӧчӧмнытӧ да ошкасны Енсӧ Сылӧн локтігас.

2 Коринфӧ 13:9

Ми нимкодясям, ті кӧ вынаӧсь, а ми вынтӧмӧсь. Дзик та вӧсна кевмысям, мед ті быдторйын вежсинныд бурланьыс.

2 Коринфӧ 10:18

Шогмана абу сійӧ, коді асьсӧ ошкӧ, а кодӧс ошкӧ Господь.

2 Коринфӧ 10:10

Кодсюрӧ шуӧны, мый гижӧдъясам ме чорыд да вына, а на дінын ме жеб, и сёрниӧй менам вынтӧм.

2 Коринфӧ 8:21

Ми ставсӧ зілям вӧчны веськыда огӧ сӧмын Господь водзын, тшӧтш йӧзыс водзын.

2 Коринфӧ 6:4

Мӧдарӧ, ми быдторйын петкӧдлам асьнымӧс Енлӧн кесъялысьясӧн: ми нуам сьӧкыдсӧ, шогсӧ, дзескӧдӧмсӧ. Ми зумыдӧсь,

1 Коринфӧ 11:19

Дерт, колӧ, медым ті мӧвпалӧмнад торъялінныд, татшӧм ногӧн воссьӧ, коді тіян пиысь шогмана Енмыслы.

Римӧ 16:10

Чолӧм Апелеслы. Сійӧ Кристос вӧсна уна сьӧкыд пыр муніс. Чолӧм Аристовуллӧн гортсалы.

Римӧ 13:13

Лунъюгыдын моз пондам овны бур ногӧн. Огӧ сетчӧй гажӧдчӧмӧ да кодалӧмӧ, гозъякост олӧм пежалӧмӧ да лэдзчысьӧм оласногӧ, вензьӧмӧ да вежалӧмӧ.

Римӧ 12:17

Лёк вӧчӧмысь лёкӧн энӧ мынтысьӧй, йӧзыс водзын ставсӧ зільӧй вӧчны веськыда.

Иоан 17:15

Ог кевмы босьтны найӧс муюгыдсьыс, но кевма, мед Тэ видзин найӧс омӧльысь.

Матвей 6:13

Эн сет миянлы ылавны, но видз миянӧс омӧльысь. Ӧд Тэнад Юралӧмыд, выныд да дзирдлуныд помасьлытӧм. Аминь.

1 Каднебӧг 4:10

Явис шыасис Израильлӧн Ен дінӧ: «Енмӧй, Тэ кӧ эськӧ бурсиин менӧ да ыдждӧдін менсьым муӧс, Тэнад киыд кӧ эськӧ кутыштіс менӧ да видзис, медым лёкыс эз су менӧ!» И Енмыс мӧдӧдіс Явислы сійӧ, мый корис.

Римӧ 1:28

Найӧ эз лыддьыны коланаӧн тӧдны Енсӧ, та вӧсна Ен колис найӧс торксьӧм вежӧрас вӧчны ковтӧмторсӧ.

2 Коринфӧ 13:6

Но ме чайта, мый ті тӧданныд: ми найӧ, кодъясӧн колӧ лоны миянлы.

2 Коринфӧ 13:8

Ми нинӧм огӧ вермӧй вӧчны збыльыслы паныд, ми сулалам збыльыс дор.