2 Коринфӧ 13:4 - Коми Библия 2023

⁴ Крестӧ тувъялігӧн Сійӧ вӧлі вынтӧм, ӧні Ен вынӧн Сійӧ ловъя. Ми Кристос пытшкынӧсь, сідзкӧ, ми тшӧтш вынтӧмӧсь, но Сыкӧд олам Ен вынӧн, медым кесъявны тіянлы.

2 Коринфӧ 13:4 Referans Kwoze

1 Петыр 3:18

Кристос ӧтчыдысь нуис сьӧкыдсӧ миян мыжъяс вӧсна, медым вайӧдны миянӧс Ен дінӧ. Сійӧ, веськыда олысь, куліс лёкнога олысьяс вӧсна. Сылысь вир-яйсӧ вӧлі виӧма, но Ловсянь Сійӧ ловзис,

Римӧ 6:4

Пыртчӧмнаным ми кулім Кристоскӧд да миянӧс вӧлі гуалӧма Сыкӧд. Но Батьыслӧн дзирдлунӧн Кристосӧс вӧлі ловзьӧдӧма, та вӧсна ми тшӧтш вермам овны выль олӧмӧн.

Еврейяслы 5:7

Му вылын олігӧн Исус кыз синваӧн да гораа бӧрдӧмӧн корис-кевмысис Сылы, коді вермис мездыны Сійӧс кулӧмысь. Ен кыліс Сылысь кевмӧмсӧ, ӧд Исус кывзысис Сылысь.

1 Коринфӧ 15:43

Гуавсьӧ мисьтӧм вир-яй, ловзьӧ дзирдалана, гуавсьӧ жеб вир-яй, ловзьӧ вына вир-яй.

1 Коринфӧ 2:3

Тіян дінӧ ме локті жебӧн да полысьӧн, сьӧлӧмӧй ёна тіраліс.

Филипӧ 3:10

Кӧсъя тӧдны Кристосӧс да Сійӧс ловзьӧдысь вынсӧ, кӧсъя тшӧтш юкны Сылысь сьӧкыдалӧмсӧ да кувны Сы моз,

Римӧ 14:9

Кристос ӧд куліс, ловзис да олӧ, медым ыджыдавны кулӧмаяс да ловъяяс вылын.

Иоан 10:18

Менсьым олӧмӧс некод оз вермы мырддьыны, Ме Ачым сета сійӧс. Ме верма сетны сійӧс, и верма бӧр босьтны. Тадзи тшӧктіс вӧчны Менам Батьӧй».

Римӧ 1:4

Кулӧмысь ловзьӧмнас Сійӧ воссис Вына Ен Пиӧн да Ловсянь вежаӧн. Сійӧ – Исус Кристос, миян Господь.

Ап. уджъяс 2:36

Бура тӧдӧй ставныд, Израиль войтыр: Ен пуктіс Господьӧн да Кристосӧн тайӧ Исусӧс, кодӧс ті тувъялінныд».

1 Петыр 3:22

Сійӧ кыпӧдчис енэжас да пукалӧ Ен веськыдладорын, Сылысь кывзысьӧны анделъяс, енэжвыв ыджыдалысьяс да вынъяс.

2 Коринфӧ 10:10

Кодсюрӧ шуӧны, мый гижӧдъясам ме чорыд да вына, а на дінын ме жеб, и сёрниӧй менам вынтӧм.

Ап. уджъяс 3:16

Исуслӧн нимыс да Сылӧн нимӧ эскӧмыс ёнмӧдіс тайӧ мортсӧ, кодӧс ті ӧні аддзанныд да бура тӧданныд. Исус сетіс сылы эскӧм, и тайӧ эскӧмыс бурдӧдіс сійӧс тіян син водзын.

1 Коринфӧ 1:25

Ӧд Енлӧн ”мывкыдтӧмлуныс” ёна ыджыдджык морт мывкыдысь, да Енлӧн ”жеблуныс” ёна вынаджык морт вынысь.

1 Коринфӧ 6:14

Енмыс ловзьӧдіс Господьӧс, Аслас вынӧн Сійӧ ловзьӧдас тшӧтш миянӧс.

2 Коринфӧ 12:10

Ме нимкодяся вынтӧмлун дырйи, менӧ лёкӧдігӧн, дзескӧдігӧн, вӧтлігӧн да Кристос вӧсна сьӧкыдсӧ нуигӧн. Ӧд кор ме вынтӧм, сэки ён!

2 Коринфӧ 13:9

Ми нимкодясям, ті кӧ вынаӧсь, а ми вынтӧмӧсь. Дзик та вӧсна кевмысям, мед ті быдторйын вежсинныд бурланьыс.