2 Коринфӧ 11:9 - Коми Библия 2023

⁹ Ӧд став коланаторсӧ меным сетісны Македонияысь локтӧм вокъяс. Ме некор эг сьӧктӧдлы, и ог кут сьӧктӧдны тіянӧс.

2 Коринфӧ 11:9 Referans Kwoze

1 Фессалоникаӧ 2:9

Вокъяс, ті тӧданныд, Енлысь Бур Юӧрсӧ висьтавлігӧн ми уджалім кок йылысь усьтӧдз. Мырсим лун и вой, ӧд тіян пӧвстысь некодӧс эгӧ кӧсйӧй сьӧктӧдны.

1 Фессалоникаӧ 2:6

Ми эгӧ виччысьӧй ошкӧмсӧ йӧзсянь, тіянсянь либӧ мукӧдсянь.

Еврейяслы 11:37

Мӧдъясӧс изъялісны, быд ногыс дойдалісны, пилитісны шӧрипӧв да виисны шыпуртӧн. Коймӧдъяс ветлісны кӧза да ыж ку паськӧмӧн, пыкисны гӧльлун, найӧс нӧйтісны да вӧтлісны.

Филипӧ 2:25

Но медводз лыддя коланаӧн мӧдӧдны тіян дінӧ Епафродит вокӧс, ассьым уджъёртӧс да отсасьысьӧс. Ті мӧдӧдлінныд сійӧс, медым сетны меным колана отсӧг.

2 Коринфӧ 9:12

Ми отсалам вежа войтырлы огӧ сӧмын налӧн гӧльлун вӧсна, ми отсалам, медым унаӧн аттьӧалісны Енсӧ.

2 Коринфӧ 6:4

Мӧдарӧ, ми быдторйын петкӧдлам асьнымӧс Енлӧн кесъялысьясӧн: ми нуам сьӧкыдсӧ, шогсӧ, дзескӧдӧмсӧ. Ми зумыдӧсь,

Ап. уджъяс 20:33

Ме некодсянь эг виччысь эзысь-зарни либӧ кӧм-пась.

Ап. уджъяс 18:3

да кольччис сэтчӧ, мед тшӧтш уджавны накӧд, ӧд сійӧ на моз жӧ вурис дӧрачомъяс.

Неемий 5:15

Меӧдз вӧвлӧм юралысьяс сьӧктӧдлӧмаӧсь войтырсӧ. Нелямын сикель эзысьысь ӧтдор найӧ босьтлӧмаӧсь нянь да вина. Весигтӧ налӧн кесйӧгъясыс дзескӧдлӧмаӧсь войтырсӧ. Но ме Енмысь полӧм вӧсна эг вӧч на моз.

Ап. уджъяс 18:5

Кор Сила да Тимофей локтісны Македонияысь, Павел ловнас кыліс, мый колӧ висьтавны иудейяслы, мый Исус эм Кристос.

Римӧ 15:26

Македонияса да акайяса эскысьяс шуисны сетны кутшӧмсюрӧ отсӧг ерусалимса гӧль эскысьяслы.

1 Коринфӧ 16:17

Меным нимкодь, мый Степан, Фортунат да Акаик воисны татчӧ, ӧні найӧ тіян пыдди.