2 Коринфӧ 10:14 - Коми Библия 2023

¹⁴ Ми огӧ торкалӧй Енлысь шуӧмсӧ. Ми кӧ эгӧ локтӧй тіян дінӧ, артмис эськӧ торкалӧм, но ми локтім тіян дінӧ Кристослӧн Бур Юӧрнас.

2 Коринфӧ 10:14 Referans Kwoze

1 Тимофейлы 1:11

Тадзи висьталӧ ошкана Енлӧн дзирдлун йылысь Бур Юӧрыс, и тайӧ Юӧрсӧ висьтавлыны Енмыс мӧдӧдіс менӧ.

1 Коринфӧ 4:15

Дерт, тіян вермас лоны Кристос йылысь уна сюрс велӧдысь, но батьыс сӧмын ӧти, ӧд Бур Юӧрсӧ тіянлы ме висьтавлі. Тадзи чужті тіянӧс Исус Кристослы эскысьясӧн.

Римӧ 1:16

Ме ог яндысь висьтавлыны Кристослысь Бур Юӧрсӧ, ӧд сійӧ Енлӧн выныс, мездӧ быд эскысьӧс: медводз иудейясӧс, сэсся грекъясӧс.

Колосӧ 1:5

Тайӧ тіян эм, ӧд ті оланныд енэжас дасьтӧмаыс вылӧ лачаӧн. Лача йывсьыс ті кывлінныд нин, кор тіянӧдз воис Бур Юӧрлӧн збыль кывйыс.

2 Коринфӧ 4:4

Найӧ оз эскыны, ӧд тайӧ муюгыдас ыджыдалысь омӧльыс пемдӧдӧма налысь вежӧрсӧ, мед найӧ эз аддзыны Бур Юӧрлысь югыдсӧ, коді восьтӧ Кристослысь дзирдлунсӧ, а Кристос эм Енлӧн пертасыс.

2 Коринфӧ 2:12

Кор ме локті Троада карӧ висьтавлыны Кристос йылысь Бур Юӧрсӧ, Господь восьтіс меным ӧдзӧс сэні уджавны.

1 Коринфӧ 2:10

Енмыс восьтіс тайӧс миянлы Аслас Ловнас, ӧд Лолыс ставсӧ тӧдӧ. Сійӧ тӧдӧ Енлысь став пыдта-судтасӧ.

Римӧ 2:16

Но воас лун, кор Исус Кристос пыр Ен кутас мыждыны мортлысь гусяторъяссӧ. Та йылысь ме висьтавлі нин буръюӧртігӧн.

Ап. уджъяс 20:24

Ме нинӧм вылӧ ог видзӧд, олӧмӧй меным абу дона. Сӧмын кӧсъя долыд сьӧлӧмӧн помӧдз мунны лӧсьӧдӧм туйӧдыс да помавны кесъялӧмӧс, мый Господь Исус сетіс меным – висьтавны Енлӧн буралӧм йылысь Евангелльӧсӧ.

Марк 1:1

Исус Кристос, Ен Пи йылысь Евангелльӧ пансьӧ,

1 Коринфӧ 3:10

Енлӧн бурсетӧмыс вӧсна ме лои бур тэчысьӧн да пукті подувсӧ, а мӧд лэптӧ сы вылӧ. Но быдӧн мед видзӧдӧ аслас удж бӧрся.