2 Коринфӧ 10:1 - Коми Библия 2023

¹ Ӧткымынӧн ме йылысь шуӧны, мый ме, Павел, на дінын рам, а кор ылын наысь, сэки ме чорыд накӧд. Но ме шыася тіян дінӧ Кристос бурлунӧн да мелілунӧн.

2 Коринфӧ 10:1 Referans Kwoze

2 Коринфӧ 10:10

Кодсюрӧ шуӧны, мый гижӧдъясам ме чорыд да вына, а на дінын ме жеб, и сёрниӧй менам вынтӧм.

Матвей 11:29

Пуктӧй Менсьым сийӧсӧс ас выланыд да велӧдчӧй Месянь, ӧд Ме рам да небыд сьӧлӧма. Сэки тіян ловлы сюрас шойччӧг.

Галатӧ 5:2

Ме, Павел, шуа тіянлы: вундыштчанныд кӧ, Кристос тіянлы абу колана.

Римӧ 12:1

Вокъяс, Енлӧн ыджыд буралӧмыс вӧсна кора тіянӧс: сетӧй асьнытӧ Енлы ловъя, вежа да шогмана вись пыдди. Тайӧ лоӧ бур мывкыда кесъялӧм Енмыслы.

2 Коринфӧ 11:30

Колана кӧ меным ошйысьны мыйӧнкӧ, кута ошйысьны аслам жеблунӧн.

1 Коринфӧ 2:3

Тіян дінӧ ме локті жебӧн да полысьӧн, сьӧлӧмӧй ёна тіраліс.

Восьтӧм 1:9

Ме, Иоан, тіян вокныд, тіянкӧд ӧтвыв нуа сьӧкыдсӧ. Тіянлы моз меным тшӧтш вичмӧ Енлӧн Юралӧмыс да Исус Кристоссянь зумыдлуныс. Ен кыв вӧсна да Исус Кристос йылысь висьталӧм вӧсна ме вӧлі Патмос ді вылын.

1 Петыр 2:11

Мусаяс, тайӧ му вылас ті ветлысь-мунысьяс кодьӧсь. Ёна кора тіянӧс: энӧ кывзысьӧй асланыд вир-яйлӧн лёк кӧсйӧмъяслысь, ӧд найӧ тышкасьӧны тіян ловкӧд.

Филимонлы 1:9

но муслунӧй вӧсна шыася тэ дінӧ корӧмӧн. Ме, пӧрысь Павел, Исус Кристос вӧсна пукалысь,

2 Фессалоникаӧ 3:17

Ме, Павел, аслам киӧн гижа тіянлы чолӧмӧс. Тайӧ лоӧ пасӧн, мый гижӧдыс месянь. Быд гижӧдын ме гижа тадзи:

Ефесӧ 4:1

Ме, Господьлы кесъялӧм вӧсна дзескыдінын пукалысь, кора тіянӧс: олӧй сідзи, кыдзи колӧ овны Енлӧн корӧмаяслы.

Галатӧ 4:13

Ті тӧданныд, мый тіян дінӧ волігӧн ме висьми, но тайӧ сетіс позянлун медводдзаысь висьтавны тіянлы Бур Юӧрсӧ.

2 Коринфӧ 12:5

Татшӧм мортнас кута ошйысьны, но ог аснам. А ошйыся кӧ, сӧмын аслам вынтӧмлунӧн.

2 Коринфӧ 11:21

Меным зэв яндзим, эгӧ лысьтӧй тадзи вӧчнысӧ да. Кодкӧ лысьтӧ кӧ ошйысьны мыйӧнкӧ, шуа мывкыдтӧм морт моз: ме тшӧтш ошйыся.

2 Коринфӧ 10:7

Видзӧдлӧй ас выланыд: коді зумыда эскӧ, мый сійӧ Кристослӧн, мед тӧдӧ, мый ми тшӧтш Кристослӧн.

2 Коринфӧ 10:2

Кора тіянӧс: кывзӧй менӧ, мед тіянӧ локтігӧн меным эз ковмы чорзьӧдчыны. Дерт, ӧткымынкӧд ковмас чорыда сёрнитны, ӧд найӧ шуӧны, мый ми олам тайӧ муюгыдсаыс моз.

2 Коринфӧ 7:4

Ме ёна эска тіянлы да ошйыся тіянӧн. Шогъяс вылӧ видзӧдтӧг ме ёна нимкодяся, ӧд ті ёна бурӧданныд менӧ.

2 Коринфӧ 6:1

Ми, Енкӧд ӧтвыв уджалысьяс, корам тіянӧс: сибӧдӧй Енлысь буралӧмсӧ, мед сійӧ эз ло весьшӧрӧ.

2 Коринфӧ 5:20

Сідзкӧ, ми – Кристослӧн мӧдӧдӧмаяс, и Ачыс Енмыс шыасьӧ миян пыр йӧзыс дінӧ. Кристос нимӧн ми корам: бурасьӧй Енмыскӧд!

2 Коринфӧ 3:12

Та вылӧ лача кутӧмӧн ми сёрнитам повтӧг.

1 Коринфӧ 4:10

Кристос вӧсна ми йӧйӧсь, а ті Кристос пытшкын мывкыдаӧсь. Ми жебӧсь, а ті вынаӧсь. Миянӧс лёкӧдӧны, а тіянӧс ошкӧны.

Римӧ 15:15

Но казьтыштӧм могысь ме мыйсюрӧ гижи тіянлы повтӧг. Тадзи вӧчи, ӧд Енмыс Аслас буралӧмнас корис менӧ

Римӧ 10:20

Исай повтӧг висьталӧ Енлысь шуӧмсӧ: – Менӧ аддзисны найӧ, кодъяс эз корсьны Менӧ. Ме восьті Ачымӧс налы, кодъяс эз корны тайӧс.

Ап. уджъяс 8:32

Гижӧдсьыс сійӧ лыддис татшӧм кывъяс: – Ыжӧс моз Сійӧс нуӧдісны начкыны, шырысь водзын чӧв олысь баля моз Сійӧ эз восьтлы Ассьыс вомсӧ.

Матвей 21:5

– Висьталӧй Сион нывлы: Видзӧд, Ӧксыыд локтӧ тэ дінӧ! Сійӧ рам сьӧлӧма, пукалӧ осёл вылын, сийӧсалӧм осёллӧн чань вылын.

Закар 9:9

Долыда нимкодясь, Сион ныв, кыпыда гажӧдчы, Ерусалим ныв! Видзӧд, Ӧксыыд локтӧ тэ дінӧ! Сійӧ веськыда вӧчысь да вына мездысь, Сійӧ рам сьӧлӧма, локтӧ осёл вылын, пукалӧ осёл чань вылын.

Псалтыр 45:4

весиг саридзса ваыс кӧ кыптас ыджыд шыӧн, керӧсъяс кӧ вӧрзясны сылӧн гызьӧмысь.

1 Коринфӧ 4:21

Сідзкӧ, мыйӧн локны тіян дінӧ: беддьӧн али рам сьӧлӧмӧн да муслунӧн? Мый бӧръянныд?

Ефесӧ 3:1

Та вӧсна ме, Павел, Исус Кристослӧн кесъялысь, пукала дзескыдінын тіян вӧсна, кодъяс мукӧд войтыръясысь.

Филипӧ 4:5

Тіян рамлунныд мед тыдалас быдӧнлы. Господь матын нин.

Колосӧ 1:23

Сӧмын тіянлы колӧ вӧрзьывтӧг сулавны эскӧмас да зумыда кутчысьны Бур Юӧрӧн сетӧм лачаас. Бур Юӧрсӧ ті кывлінныд, сійӧс юӧртӧма енэж улын став олысьыслы. Ме, Павел, лои тайӧ Бур Юӧрыслы кесъялысьӧн.

Филимонлы 1:19

Ме, Павел, аслам киӧн гижа: «Ме мынтыся». Шуны кӧ, тэ ачыд став олӧмнад меным уджйӧза.