2 Коринфӧ 1:4 - Коми Библия 2023

⁴ Сійӧ бурӧдӧ миянӧс быд шог дырйи, медым ми тшӧтш вермим бурӧдны шогӧ усьӧмаясӧс Енсянь бурӧдӧмӧн.

2 Коринфӧ 1:4 Referans Kwoze

1 Фессалоникаӧ 5:11

Сідзкӧ, ӧнія моз водзӧ ышӧдӧй да ёнмӧдӧй ӧта-мӧднытӧ.

Исай 51:12

– Ме, Ме – тэнӧ Бурӧдысьыс! Мыйла тэ полан мортысь, кодлӧн олӧмыс дженьыд, кодлӧн олан лунъясыс турунлӧн кодь?

Исай 40:1

Бурӧдӧй, бурӧдӧй Менсьым войтырӧс, – тшӧктӧ тіян Енныд. –

Псалтыр 32:7

Ыджыд чукӧрӧ Сійӧ чукӧртіс саридзса ваяс, Аслас видзанінӧ пуктіс джуджыд юяс.

Еврейяслы 12:12

Сідзкӧ, ёнмӧдӧй лигышмунӧм кинытӧ да жебмӧм кокнытӧ!

Иоан 14:18

Ӧтнанытӧ ог коль тіянӧс, Ме бӧр локта тіян дінӧ.

Иоан 14:16

Ме кора Батьлысь, и Бать сетас тіянлы мӧд Дорйысьӧс. Сійӧ пыр лоас тіянкӧд.

Исай 12:1

Сійӧ лунӧ тэ шуан: «Господьӧй, ме ошка Тэнӧ. Тэ скӧралін ме вылӧ, но лӧньӧдін Ассьыд скӧрлунтӧ да бурӧдін менӧ.

Иоан 14:26

Менам Батьӧй мӧдӧдас Менам ним кузя Дорйысьӧс – Вежа Лолӧс. Сійӧ велӧдас тіянӧс быдторйӧ да казьтыштас тіянлы ставсӧ, мый Ме висьтавлі тіянлы.

Исай 52:9

Кыпыда гажӧдчы, пазӧдӧм Ерусалим кар! Сьылӧй ставныд ӧтвылысь, ӧд Господь бурӧдіс Ассьыс войтырсӧ, мездіс Ерусалим.

Псалтыр 32:5

Господь радейтӧ збыльсӧ да веськыда мыждӧмсӧ, муыс тыр Господьлӧн буралӧмӧн.

1 Фессалоникаӧ 4:18

Сідзкӧ, ышӧдӧй ӧта-мӧднытӧ тайӧ кывъяснас.

2 Коринфӧ 7:13

Сідзкӧ, тіян долыдлунныд долыдмӧдіс и миянӧс. Но нӧшта на долыд лоис Титлӧн нимкодясьӧмысь, ӧд сылӧн сьӧлӧмыс оз нин майшась тіян вӧсна.

Исай 51:3

Господь бурӧдас Сион, бурӧдас пазӧдӧм карсӧ, сылысь овтӧминсӧ вӧчас рай кодьӧн, сылысь кушинсӧ вӧчас Господьлӧн сад йӧрӧн. Сэні пондасны нимкодясьны да гажӧдчыны, кыпыда ошкыны да сьывны.

Исай 49:10

Найӧ оз кутны тшыгъявны, налӧн оз кут косьмыны горшныс, найӧс оз пӧж шондіыс, ӧд найӧс пондас нуӧдны Сійӧ, коді бур сьӧлӧма на дінӧ, Сійӧ вайӧдас найӧс ва петанінъяс дорӧ.

Филипӧ 1:14

Менам дзескыдінын пукалӧмӧй ышӧдіс уна вокӧс. Найӧ ёнджыка на повтӧг кутісны висьтавлыны Енлысь кывсӧ.

2 Коринфӧ 7:4

Ме ёна эска тіянлы да ошйыся тіянӧн. Шогъяс вылӧ видзӧдтӧг ме ёна нимкодяся, ӧд ті ёна бурӧданныд менӧ.