2 Каднебӧг 9:24 - Коми Библия 2023

²⁴ Соломон дінӧ волысьяс вайлісны аскӧдныс козинъяс: эзысь-зарниысь вӧчӧм дозмук-кӧлуй, паськӧм, шыпуртъяс, чӧскыд ӧвтанторъяс, вӧвъясӧс да мулъясӧс. Тадзи вӧлі быд во.

2 Каднебӧг 9:24 Referans Kwoze

Псалтыр 72:10

Лёк вӧчысьяс дінӧ бергӧдчӧ тшӧтш Енлӧн войтырыс, ва моз пӧтлытӧг юӧ налысь лёк кывъяссӧ.

Иов 42:11

Иов дінӧ локтісны сылӧн чой-вокыс да важ тӧдсаясыс. Найӧ ӧтлаын сёйисны-юисны Иов ордын, бурӧдісны-ышӧдісны сійӧс став сьӧкыд нуӧмсьыс, мый сылы вӧлі ыстӧма Господь. Быдӧн козьналіс Иовлы зарни чунькытш да эзысь.

2 Каднебӧг 9:9

Ӧксы-ань козьналіс Соломон ӧксылы сё кызь талант зарни, дона изъяс да унасьыс-уна чӧскыд ӧвтантор. Татшӧм ӧвтанторъясыс, мый саваса ӧксы-ань козьналіс Соломон ӧксылы, Израильын эз на вӧвлыны.

Ӧксыяслӧн 3 небӧг 10:25

Соломон дінӧ волысьяс вайлісны аскӧдныс козинъяс: эзысь-зарниысь вӧчӧм дозмук-кӧлуй, паськӧм, шыпуртъяс, чӧскыд ӧвтанторъяс, вӧвъясӧс да мулъясӧс. Тадзи вӧлі быд во.

Ӧксыяслӧн 3 небӧг 10:10

Ӧксы-ань козьналіс Соломон ӧксылы сё кызь талант зарни, дона изъяс да унасьыс-уна чӧскыд ӧвтантор. Та мында ӧвтанторйыс, мый саваса ӧксы-ань козьналіс Соломон ӧксылы, Израильын эз на вӧвлы.

Ӧксыяслӧн 3 небӧг 9:14

Тайӧ каръяслӧн доныс, мый Хирам мынтіс Соломонлы, вӧлі сё кызь талант зарни.

Ӧксыяслӧн 1 небӧг 10:27

А шогмытӧм йӧз шуасисны, кутшӧм пӧ сійӧ мездысь миянлы. Найӧ нинӧмӧ пуктісны Саулӧс, эз вайны сылы козинъяс. Но Саул быттьӧ эз казяв тайӧс.

2 Каднебӧг 9:23

Мувывса став ӧксыыс зілисны аддзывны Соломонӧс да кывзыны сійӧс, ӧд сылӧн вӧлі Енсянь мывкыдлун.

Ёрдысьяс 3:15

Но Израиль пиян шыасисны Господь дінӧ, и Господь сувтӧдіс Израиль пиянлы мездысьӧс, Венямин чужанкотырысь Герлысь Эхуд писӧ. Сійӧ вӧлі шуйгун. Израиль пиян мӧдӧдісны Эхудӧс моавса Эглон ӧксы дінӧ мынтыны вот.

2 Каднебӧг 17:11

Филистимсаяс вайлісны Иосафатлы козинъяс да вот пыдди эзысь, арабъяс вайлісны сылы сизим сюрс сизимсё межӧс да сизим сюрс сизимсё ай кӧзаӧс.

Псалтыр 68:30

Ме коньӧр морт, ме ёна сьӧкыдала, отсав меным, Енмӧй, дорйы менӧ.