2 Каднебӧг 7:6 - Коми Библия 2023

⁶ Попъяс сулалісны асланыс кесъяланінын, а левитъяс сулалісны шылада ворсанторъясӧн. Налысь ворсанторъяссӧ вӧлі вӧчӧма Давид ӧксыалӧм дырйи на. Господьӧс ошкисны Давидлӧн кывъясӧн: «Сылӧн буралӧмыс оз помасьлы». Трубаясӧ тутсысь попъяс сулалісны левитъяс водзвылын. Став Израиль войтырыс сулаліс.

2 Каднебӧг 7:6 Referans Kwoze

2 Каднебӧг 5:12

сьылысь-ворсысь левитъяс – Асаф, Еман, Едутун, налӧн пиянныс да вокъясныс – ставныс сулалісны висьпуктанін асывладорын. На вылын вӧлі вӧсни шабді дӧраысь паськӧм. Найӧ ворсісны кимвалӧн, арфаӧн да гуслиӧн. Накӧд орччӧн сё кызь поп тутсісны трубаясӧ.

2 Каднебӧг 7:3

Кор Израиль войтыр аддзис енэжсяньыс лэччысь би да крам вылысь Господьлысь дзирдлунсӧ, найӧ кымынь уськӧдчисны муас да копыртчӧмӧн ошкисны Господьӧс: «Сійӧ бур, Сылӧн буралӧмыс оз помасьлы!»

Амос 6:5

Ті лӧвтанныд-сьыланныд арфа улӧ, чайтанныд, мый Давид моз кужанныд ворсны.

Исай 52:6

Но Менам войтырӧй кутас тӧдны Менсьым нимӧс. Воас лун, и найӧ тӧдмаласны, мый Ме – Сійӧ, коді шуӧ: «Тайӧ Ме».

Псалтыр 138:8

Кыпӧдча кӧ енэжас – Тэ сэні, лэчча кӧ пыдӧстӧминас – Тэ тшӧтш сэні.

Псалтыр 107:1

Сьыланкыв. Давидлӧн псалом.

Псалтыр 106:1

Ошкӧй Господьӧс, ӧд Сійӧ бур, Сылӧн буралӧмыс оз помасьлы!

Псалтыр 87:7

Тэ шыбитін менӧ пыдӧстӧм гуӧ, пемыдінӧ да джуджыдінӧ.

2 Каднебӧг 29:25

Ӧксы тшӧктіс левитъяслы сулавны Господьлӧн крамын да ворсны кимвалӧн, арфаӧн да гуслиӧн, кыдзи тшӧктылісны вӧчны Давид ӧксы, сылӧн Гад нима пророк да Нафан пророк. Тайӧ тшӧктӧмыс вӧлі Господьсянь Сылӧн пророкъяс пыр.

1 Каднебӧг 16:34

Ошкӧй Господьӧс, ӧд Сійӧ бур, Сылӧн буралӧмыс оз помасьлы!

1 Каднебӧг 15:24

Овед-Эдом да Ехий тшӧтш видзисны кудсӧ. Шеваний, Иосафат, Нафанаил, Амасай, Закар, Бенай да Элизер попъяс ворсісны трубаӧн Енлӧн куд водзын.

1 Каднебӧг 13:8

Та дырйи Давид да Израиль войтыр Ен водзын нимкодясьӧмӧн йӧктісны, сьылісны, ворсісны гуслиӧн, арфаӧн, тимпанӧн, кимвалӧн да трубаӧн.

Нав Исус 6:4

Кор ті кыланныд буксан шы, став войтырыс мед гораа горӧдас. Сэки карса стенмыс подулӧдзыс киссяс. Быдӧн мед [уськӧдчӧмӧн] пырас карас сэтысянь, кӧні сулалӧ».

2 Каднебӧг 7:5

Соломон ӧксы вайис вись пыдди кызь кык сюрс ӧшкӧс да сё кызь сюрс ыжӧс. Тадзи ӧксы да став войтырыс вежӧдісны Енлысь крамсӧ.

2 Каднебӧг 5:13

Труба шыыс да сьылан шыыс юргисны ӧтмоза, ӧти шыӧн. Тадзи найӧ ошкисны-нимӧдісны Господьӧс. Кор кыліс трубалӧн тутсан шыыс, кимваллӧн да мукӧд ворсанторлӧн шыыс, кор пондісны сьывны-ошкыны Господьӧс: «Сійӧ бур, Сылӧн буралӧмыс оз помасьлы», сэки Господьлысь крамсӧ тыртіс кымӧр.

2 Каднебӧг 23:18

Иодай индіс попъясӧс да левитъясӧс тӧждысьны Господьлӧн крам вӧсна [да тшӧктіс, кодлы кор кесъявны]. Мӧисейлӧн Индӧд серти Давид вӧлі индӧма найӧс вайны крамын сотан висьяс Господьлы, тайӧс колӧ вӧлі вӧчны сьылӧмӧн-нимкодясьӧмӧн.

2 Каднебӧг 29:27

Езекей тшӧктіс вайны висьпуктанін вылын сотан вись. Кор попъяс пондісны вись вайны, сэки сьылысьяс пондісны сьывны Господьлы труба шы улӧ да израильса Давид ӧксылӧн кодь ворсанторъяс шы улӧ.

Ездра 6:18

Мӧисей небӧгын тшӧктӧм серти поп котыръясӧс да левит чукӧръясӧс индісны кесъявны Енлы Ерусалимын.