2 Каднебӧг 7:5 - Коми Библия 2023

⁵ Соломон ӧксы вайис вись пыдди кызь кык сюрс ӧшкӧс да сё кызь сюрс ыжӧс. Тадзи ӧксы да став войтырыс вежӧдісны Енлысь крамсӧ.

2 Каднебӧг 7:5 Referans Kwoze

Иоан 10:22

Вӧлі тӧв. Ерусалимын вӧлі гажӧдчан кад – крам вежӧдӧмсӧ казьтылӧм.

Микей 6:7

Шогмана-ӧ лоӧ Господьлы, вая кӧ сюрс межӧс, вая кӧ ю моз визувтысь олив вый? Сета ӧмӧй ассьым медводдза чужысьӧс лёк вӧчӧмӧй вӧсна, сьӧлӧмувса кагаӧс – мыжӧй вӧсна?

Езекиль 45:17

Ӧд Израиль войтырлӧн вежа гажӧдчан лунъяс дырйи, выль тӧлысь чужигӧн да шойччан лунъяс дырйи ӧксы кывкутӧ сотан вись, нянь вись да вина вись вайӧм вӧсна. Сійӧ мед ваяс мыжысь вись да нянь вись, сотан да бурасян висьяс, медым вештыны Израиль войтырлысь мыжсӧ».

2 Каднебӧг 30:24

Иудаса Езекей ӧксы сетіс чукӧртчӧм войтырлы сюрс ӧшкӧс да сизим сюрс ыжӧс, а юралысьяс сетісны войтырыслы сюрс ӧшкӧс да дас сюрс ыжӧс. Тайӧ кадас попъяс унаӧн нин вӧлі вежӧдӧмаӧсь-сӧстӧммӧдӧмаӧсь асьнысӧ.

2 Каднебӧг 15:11

Сійӧ лунӧ Господьлы вись пыдди найӧ вайисны тышын шедӧдӧмаысь сизимсё ӧшкӧс да сизим сюрс ыжӧс.

2 Каднебӧг 5:6

Соломон ӧксы да Йитӧд куд водзӧ чукӧртчӧм Израиль войтыр вайисны вись пыдди ыж-кӧзаӧс да ӧш-мӧскӧс. Пемӧсыс вӧлі сы мында, мый некод эз вермы лыддьынысӧ.

2 Каднебӧг 2:4

Ӧні ме кыпӧда аслам Господь Енлы крам. Ме вежӧда-торйӧда сійӧс Господьлы, медым тшынӧдны Господь водзын чӧскыд ӧвтанторъяс, медым вайны крамӧ вежа нянь, медым рытын и асылын, шойччан лунӧ и выль тӧлысь чужигӧн да миян Господь Енлы сиӧм гажӧдчан лунъясӧ вайны сотан висьяс, кыдзи пыр кежлӧ тшӧктӧма вӧчны Израильлы.

2 Каднебӧг 1:6

Ыргӧн висьпуктанін вылын Соломон вайис Господьлы сюрс сотан вись.

1 Каднебӧг 29:21

Мӧд луннас вайисны Господьлы сотан да мукӧд висьяс: сюрс ӧшкӧс, сюрс межӧс да сюрс ыжӧс. Нӧшта вайисны вина висьяс да став Израиль вӧсна уна мукӧд вись.

Лыд 7:10

Сійӧ лунӧ, кор висьпуктанінсӧ вӧлі мавтыштӧма, юралысьяс вайисны висьпуктанін водзӧ козинъяс сійӧс вежӧдӧм могысь.

2 Каднебӧг 7:4

Ӧксы да став войтырыс вайисны висьяс Господьлы.

2 Каднебӧг 7:6

Попъяс сулалісны асланыс кесъяланінын, а левитъяс сулалісны шылада ворсанторъясӧн. Налысь ворсанторъяссӧ вӧлі вӧчӧма Давид ӧксыалӧм дырйи на. Господьӧс ошкисны Давидлӧн кывъясӧн: «Сылӧн буралӧмыс оз помасьлы». Трубаясӧ тутсысь попъяс сулалісны левитъяс водзвылын. Став Израиль войтырыс сулаліс.