2 Каднебӧг 7:10 - Коми Библия 2023

¹⁰ Сизимӧд тӧлысьлӧн кызь коймӧд лунӧ Соломон ӧксы лэдзис войтырсӧ гортаныс. Найӧ мунісны долыд сьӧлӧмӧн, нимкодясисны став бурсьыс, мый Господь вӧчис Давидлы, Соломонлы да Аслас Израиль войтырлы.

2 Каднебӧг 7:10 Referans Kwoze

Ӧксыяслӧн 3 небӧг 8:66

Гажӧдчан лунъяс помасьӧм бӧрын Соломон лэдзис войтырсӧ. Найӧ бурсиисны ӧксыӧс да мунісны гортаныс долыд сьӧлӧмӧн, нимкодясисны став бурсьыс, мый Господь вӧчис Аслас Давид кесйӧглы да Аслас Израиль войтырлы.

Филипӧ 4:4

Дугдывтӧг нимкодясьӧй Господь пытшкын! Нӧшта шуа: нимкодясьӧй!

Ап. уджъяс 16:34

Та бӧрын вайӧдіс найӧс гортас да лӧсьӧдіс налы пызан. Аслас гортсакӧд сійӧ долыда нимкодясис, мый эскис Енлы.

Ап. уджъяс 2:46

Быд лун найӧ ӧти сьӧлӧмӧн чукӧртчывлісны крамӧ, а гортаныс нянь чегисны, сёйисны нимкодьпырысь да восьса сьӧлӧмӧн.

Псалтыр 106:5

Найӧ пыкисны тшыглун да горш косьмӧм, найӧ дзикӧдз нюкыртчисны.

Псалтыр 105:3

Шудаӧсь найӧ, кодъяс олӧны веськыдлун серти, веськыда вӧчӧны быд кадӧ.

Псалтыр 100:2

Ме кӧсъя сӧстӧма овны, кута овны сӧстӧм сьӧлӧмӧн аслам керкаын. Кор нин Тэ локтан ме дінӧ?

Псалтыр 92:4

Но уна валӧн бузгӧм дорысь, саридзлӧн гызьӧм дорысь ёна вынаджык выліинын олысь Господь.

Псалтыр 32:11

Но Господьлӧн шуӧмыс олӧ нэмъяс чӧж, Сылӧн кӧсйӧмыс чужысьяссянь чужысьясӧдз оз вежсьы.

Неемий 8:10

Мунӧй гортаныд да чӧскыда сёйӧй-юӧй. Юксьӧй сёян-юаннад накӧд, кодлӧн нинӧм абу дасьтӧма, ӧд тайӧ лунсӧ вежӧдӧма миян Господьлы. Энӧ шогсьӧй, ӧд Господь водзын нимкодясьӧм ёнмӧдӧ тіянӧс».

2 Каднебӧг 30:26

Ерусалимын вӧлі ыджыд гаж, татшӧм гажыс эз нин вӧвлы сэні израильса Соломон ӧксылӧн, Давид пилӧн, веськӧдлан кадсянь.

2 Каднебӧг 29:36

Ставыс артмис ӧдйӧ. Езекей да став войтырыс нимкодясисны сыысь, мый Енмыс вӧчис Аслас войтырлы.

2 Каднебӧг 6:41

Господьӧй Енмӧй, чеччы да лок Аслад шойччанінӧ, Тэ да Тэнад выныдлӧн кудйыс, локтӧй! Господьӧй Енмӧй, Тэнад попъясыд мед вевттьысясны мездлунӧн, Тэнад эскана войтырыд мед нимкодясяс Тэнад бурлунысь.

Индӧд 16:14

Гажӧдчӧй ныв-пиныдкӧд, кесйӧгъясныдкӧд, левитъяскӧд, йӧз муысь локтысьяскӧд, батьтӧм-мамтӧмъяскӧд да дӧваяскӧд, кодъяс олӧны тіян карын.

Индӧд 16:11

Гажӧдчӧй Господь Енныд водзын сійӧ местаас, мый Господь бӧръяс Аслас нимлы оланінӧн. Гажӧдчӧй ныв-пиныдкӧд, кесйӧгъясныдкӧд, тіян карын олысь левитъяскӧд, йӧз муысь локтысьяскӧд, батьтӧм-мамтӧмъяскӧд да дӧваяскӧд, кодъяс олӧны тіян пӧвстын.

Индӧд 12:18

Сёйӧй висьнытӧ Господь Енныд водзын Сылӧн бӧрйӧм местаын. Тіянкӧд ӧтлаын мед сёясны ныв-пиныд, кесйӧгъясныд, а сідзжӧ тіян карын олысь левитъяс [да йӧз муысь локтысьяс]. Нимкодясьӧй Господь Енныд водзын быдтор вӧсна, мый удж помысь перйинныд аслыныд.

Индӧд 12:12

Гажӧдчӧй Господь Енныд водзын ныв-пиныдкӧд, кесйӧгъясныдкӧд, а сідзжӧ левитъяскӧд, кодъяс олӧны тіян карын, ӧд налӧн абу му юкӧныс тіян пӧвстын.

Индӧд 12:7

Сэні ас котырныдкӧд сёйӧй висьнытӧ Господь Енныд водзын. Нимкодясьӧй сыысь, мый удж помысь перйинныд аслыныд, ӧд Господь, тіян Енныд, бурсиис тіянӧс.

Петӧм 18:1

Мадианса Иофор поплы, Мӧисейлӧн тесьтыслы, кывсис, мый Енмыс вӧчӧма Мӧисейлы да Аслас Израиль войтырлы, мый Господь петкӧдӧма Израиль войтырӧс Египетысь.

2 Каднебӧг 7:9

Сизим лун чӧж найӧ вежӧдісны висьпуктанінсӧ, сэсся сизим лун чӧж гажӧдчисны. А гаж заводитчӧмсянь кӧкъямысӧд луннас налӧн вӧлі чукӧртчӧм.

2 Каднебӧг 7:11

Соломон помаліс вӧчны Господьлысь крамсӧ да ассьыс ӧксы керкасӧ. Мый Соломон кӧсйис вӧчны Господьлӧн крамын да аслас керкаын, ставыс артмис.

Езекиль 45:25

Сизимӧд тӧлысьлӧн дас витӧд лунсянь лоӧны вежа гажӧдчан лунъяс. Сизим лун чӧж ӧксы мед вайӧ мыжысь вись, сотан вись, нянь вись да олив вый, кыдзи мукӧд гажӧдчан лунъяс дырйи».