2 Каднебӧг 5:2 - Коми Библия 2023

² Соломон корис Ерусалимӧ израильса юрнуӧдысьясӧс, быд чужанкотырысь юралысьӧс да рӧдкутысьясӧс, медым вайны Давид карысь, мӧд ногӧн кӧ, Сионысь, Господьлысь Йитӧд кудсӧ.

2 Каднебӧг 5:2 Referans Kwoze

Ӧксыяслӧн 2 небӧг 6:12

Давидлы висьталісны, Енлӧн куд вӧсна пӧ Господь бурсиӧма Овед-Эдомӧс, сылысь гортсасӧ да ставсӧ, мый сылӧн эм. Сэки Давид нимкодясьӧмӧн вайис Енлысь кудсӧ Овед-Эдомлӧн керкаысь аслас Давид карӧ.

2 Каднебӧг 1:4

Водзынджык Давид вуджӧдіс Енлысь кудсӧ Киръят-Яримысь Ерусалимӧ, кӧні сійӧ сувтӧдіс кудйыслы чом.

Псалтыр 87:2

Господьӧй Енмӧй, менӧ Мездысьӧй, лун и вой ме шыася Тэ дінӧ.

Псалтыр 2:6

«Ме мавтышті Ассьым Ӧксыӧс да сувтӧді Сійӧс Сионӧ, Менам вежа керӧс вылӧ».

2 Каднебӧг 5:12

сьылысь-ворсысь левитъяс – Асаф, Еман, Едутун, налӧн пиянныс да вокъясныс – ставныс сулалісны висьпуктанін асывладорын. На вылын вӧлі вӧсни шабді дӧраысь паськӧм. Найӧ ворсісны кимвалӧн, арфаӧн да гуслиӧн. Накӧд орччӧн сё кызь поп тутсісны трубаясӧ.

2 Каднебӧг 5:1

Господьлысь крам лэптӧмсӧ помалӧм бӧрын Соломон вайис сэтчӧ Давид батьыслысь вежа козинъяс. Эзысь-зарни да став дозмук-кӧлуйсӧ сійӧ пуктіс Енлӧн крамса озырлун видзанінӧ.

1 Каднебӧг 28:1

Давид чукӧртіс Ерусалимӧ израильса веськӧдлысьясӧс. На лыдын вӧліны чужанкотыръяслӧн юралысьяс, ӧксылӧн тышкакотыръясӧн веськӧдлысьяс, тышкайӧзлӧн юралысь-веськӧдлысьяс, ӧксылӧн да сылӧн пияныслӧн овмӧс да ыж-мӧс вӧсна кывкутысьяс, ыджыд чина йӧз да став тӧдчана йӧз.

1 Каднебӧг 26:26

Шеломот да сылӧн вокъясыс видзисны крам видзанінӧ вайӧм вежа козинъяс. Тайӧ козинъяссӧ Енлы вежӧдісны-торйӧдісны Давид ӧксы, рӧдкутысьяс, тышкайӧзлӧн юралысьяс да веськӧдлысьяс.

1 Каднебӧг 24:31

Найӧ тшӧтш пудъясисны, кыдзи пудъясисны Ааронлӧн рӧдысь налӧн вокъясныс. Аарон рӧдысь вокъясныс моз найӧ пудъясисны Давид, Садок да Ахимелек дырйи, тшӧтш попъяслӧн да левитъяслӧн рӧдкутысьяс дырйи. Рӧдкутысьяс йылысь да налӧн ичӧтджык вокъясныс йылысь пудъясисны ӧтмоза.

1 Каднебӧг 24:6

Гижалысь Шемай, Нафанаиллӧн пиыс, коді тшӧтш вӧлі левит, гижаліс налысь нимъяссӧ ӧксы да юралысьяс дырйи, Садок поп дырйи да Авиатарлӧн Ахимелек пиыс дырйи, попъяслӧн да левитъяслӧн рӧдкутысьяс дырйи. Пудъясьӧмӧн индылісны сьӧрсьӧн-бӧрсьӧн Элазар рӧдысь ӧти котыр, сэсся Итамар рӧдысь ӧти котыр, и тадзи водзӧ.

1 Каднебӧг 16:1

Енлысь кудсӧ вайисны да пуктісны Давидӧн сувтӧдӧм чом шӧрӧ. Та бӧрын вайисны Енлы сотан да бурасян висьяс.

1 Каднебӧг 15:25

Тадзи Давид, израильса юрнуӧдысьяс да сюрс тышкамортӧн веськӧдлысьяс нимкодясьӧмӧн мунісны, медым Господьлысь Йитӧд кудсӧ вайны Овед-Эдомлӧн керкаысь.

1 Каднебӧг 15:12

Налы шуис: «Ті, левитъяслӧн рӧдкутысьяс, вежӧдӧй-сӧстӧммӧдӧй асьнытӧ да вокъяснытӧ, сэсся вайӧй Израильлӧн Господь Енлысь кудсӧ сійӧ местаас, мый ме дасьті сылы.

Ӧксыяслӧн 2 небӧг 5:7

Но Давид босьтіс Сион изкар. Бӧрынджык изкарсӧ нимтісны Давид карӧн.

Лыд 10:36

Кор Йитӧд кудйыс сувтліс, Мӧисей шуліс: «Господьӧй, бӧр лок лыдтӧм-тшӧттӧм Израиль пияныд дінӧ!»

Лыд 10:33

Господьлӧн керӧс дорысь мӧдӧдчӧм бӧрын Израиль войтыр мунісны куим лун чӧж. Господьлысь Йитӧд кудсӧ найӧ нуисны водзвыланыс, медым сійӧ петкӧдлас шойччанін.

Левит 9:5

Израиль пиян вайисны вежа чом водзӧ ставсӧ, мый тшӧктіс Мӧисей. Став войтырыс локтіс да сувтіс Господь водзӧ.

1 Каднебӧг 15:1

Давидлӧн карын Давид вӧчис аслыс керкаяс, дасьтіс Енлӧн кудлы места да вӧчис чом, медым кудсӧ пуктыны сэтчӧ.

1 Каднебӧг 15:3

Став Израиль войтырӧс Давид чукӧртіс Ерусалимӧ, медым Господьлысь кудсӧ вуджӧдны местаас, мый Давид дасьтіс кудлы.