2 Каднебӧг 4:22 - Коми Библия 2023

²² весалӧм зарниысь вӧчӧдіс пуртъяс, вир резан тасьтіяс, кӧшъяс да пӧим воръяс. Зарниысь вӧчисны тшӧтш крампытшкӧсса ӧдзӧсъяс – Вежаинӧ да Вежасьыс-вежаинӧ пыран ӧдзӧсъяс.

2 Каднебӧг 4:22 Referans Kwoze

Еремей 52:18

Найӧ босьтісны тшӧтш пӧим чукӧртан воръяс, пӧим куралан зыръяс, пуртъяс, вир резан тасьтіяс, кӧшъяс да ыргӧнысь вӧчӧм мукӧд дозмуксӧ, мыйӧн вӧдитчисны крамын кесъялігӧн.

Ӧксыяслӧн 4 небӧг 25:14

Найӧ босьтісны тшӧтш пӧим чукӧртан воръяс, пӧим куралан зыръяс, пуртъяс, кӧшъяс да ыргӧнысь вӧчӧм мукӧд дозмуксӧ, мыйӧн вӧдитчисны крамын кесъялігӧн.

Ӧксыяслӧн 4 небӧг 12:13

Господьлӧн крамӧ вайӧм сьӧм вылӧ эз вӧчлыны крамын вӧдитчанторъяс: эзысь дозмукъяс, пуртъяс, вир резан тасьтіяс, трубаяс да мукӧдпӧлӧс эзысь-зарни дозъяс.

Ӧксыяслӧн 3 небӧг 7:50

весалӧм зарниысь вӧчӧдіс тасьтіяс, пуртъяс, вир резан тасьтіяс, кӧшъяс да пӧим воръяс. Зарниысь вӧчисны тшӧтш крампытшкӧсса ӧдзӧсъяслысь дзирсӧ – Вежаинӧ да Вежасьыс-вежаинӧ пыран ӧдзӧсъяслысь дзирсӧ.

Петӧм 37:23

Вӧчис сизим би доз. Петельлы чепӧлясӧ да пӧим воръяссӧ вӧчис весалӧм зарниысь.

Петӧм 25:38

Вӧч петельлы чепӧлясӧ да пӧим воръяссӧ весалӧм зарниысь.

Петӧм 27:3

Вӧч пӧим воръяс, пӧим куралан зыръяс, вир резан тасьтіяс, яй бергӧдлан вилаяс, ӧгыр пӧртъяс. Ставсӧ тайӧс вӧч ыргӧнысь.

2 Каднебӧг 4:21

Нӧшта медбур зарниысь Соломон вӧчӧдіс дзоридзьяс, би дозъяс да чепӧляяс,

2 Каднебӧг 5:1

Господьлысь крам лэптӧмсӧ помалӧм бӧрын Соломон вайис сэтчӧ Давид батьыслысь вежа козинъяс. Эзысь-зарни да став дозмук-кӧлуйсӧ сійӧ пуктіс Енлӧн крамса озырлун видзанінӧ.

Ӧксыяслӧн 3 небӧг 6:35

На вылӧ тшӧтш вундалӧмӧн серпасаліс херувимъясӧс, пальма пуяс да дзоридзьяс, вылытіыс найӧс эжис зарниӧн.

Езекиль 41:24

Быд ӧдзӧс пӧлыс воссис кык пельӧ.