2 Каднебӧг 4:2 - Коми Библия 2023

² Соломон вӧчӧдіс ыргӧнысь ыджыд гӧгрӧс вайӧртӧд, шуисны сійӧс саридзӧн. Ӧтар дорышсяньыс мӧдар дорышӧдзыс сійӧ вӧлі дас гырддза пасьта, джуджданас вӧлі вит гырддза, а гӧгӧртны кӧ сійӧс кӧвйӧн, колана вӧлі комын гырддза кузьта кӧв.

2 Каднебӧг 4:2 Referans Kwoze

Восьтӧм 7:14

«Ыджыдӧй, тэ ачыд тӧдан», – вочавидзи ме. Сэки сійӧ шуис меным: – Тайӧ йӧзыс мунісны уна сьӧкыд пыр. Найӧ мыськисны паськӧмнысӧ Баля вирӧн, и паськӧмныс лои еджыд.

Титлы 3:5

Сійӧ мездіс миянӧс. Мездіс эз веськыд уджъясным серти, но Аслас буралӧмыс вӧсна. Ен мыськаліс миянӧс да сетіс миянлы выльысь чужны. Сійӧ выльмӧдіс миянӧс Вежа Ловнас.

Закар 13:1

Сійӧ лунӧ Давид рӧдлы да Ерусалимын олысьяслы воссяс ва петанін, медым мыськавны найӧс мыжысь да пежысь.

Ӧксыяслӧн 4 небӧг 25:13

Калдеяса тышкайӧз жуглісны Господьлӧн крамысь ыргӧн сюръяяссӧ, мыссян доз улысь джекъяссӧ да ыргӧн вайӧртӧдсӧ. Ыргӧнсӧ нуисны Вавилонӧ.

2 Каднебӧг 4:3

Вайӧртӧд улын гӧгӧрыс кык визьӧн сулалісны сывдӧмӧн вӧчӧм ӧшъяс, быд гырддза пасьтаын сулаліс дас ӧш. Ӧшъяссӧ вӧлі ӧтторъя сывдӧма вайӧртӧдыскӧд.

Петӧм 38:3

Висьпуктанінлы вӧчис став дозмук-кӧлуйсӧ: пӧим воръяс, пӧим куралан зыръяс, вир резан тасьтіяс, яй бергӧдлан вилаяс, ӧгыр пӧртъяс. Ставсӧ тайӧс вӧчис ыргӧнысь.

Петӧм 38:8

Безалел вӧчис ыргӧн рӧмпӧштанъясысь мыссян доз да сылысь коксӧ. Рӧмпӧштанъяссӧ сетісны вежа чом пыранінын кесъялысь аньяс.

1 Каднебӧг 18:8

Тивхатысь да Кунысь, Ададезерлӧн каръясысь, Давид вайис зэв уна ыргӧн. Сыысь Соломон вӧчӧдіс вайӧртӧд, сюръяяс да дозмук-кӧлуй.