2 Каднебӧг 4:1 - Коми Библия 2023

¹ Соломон вӧчӧдіс ыргӧн висьпуктанін, кузьта-пасьтанас кызь гырддза, судтанас дас гырддза.

2 Каднебӧг 4:1 Referans Kwoze

Ӧксыяслӧн 3 небӧг 8:64

Сійӧ жӧ лунӧ ӧксы вежӧдіс Господьлӧн крам йӧрлысь шӧр юкӧнсӧ, сотіс сэні сотан вись да нянь вись, тшӧтш бурасян вись пыдди вайӧм пемӧсъяслысь госсӧ. Ӧд ыргӧн висьпуктаніныс, мый сулаліс Господь водзын, вӧлі ичӧт, сэтчӧ эз тӧр сотан вись, нянь вись да пемӧсъяслӧн госыс.

2 Каднебӧг 1:5

Но ыргӧн висьпуктаніныс сулаліс Гаваонын, Господьлӧн вежа чом водзын. Тайӧ висьпуктанінсӧ вӧчліс Хур Урилӧн Безалел пиыс. Сэні Соломон да чукӧртчӧм войтырыс шыасисны Господь дінӧ.

Ӧксыяслӧн 3 небӧг 9:25

Куимысь вонас Соломон вайліс сотан да бурасян висьяс висьпуктанін вылын, мый сійӧ лэптіс Господьлы, и сэні Господь водзын тшынӧдчис. Крамыс сэки вӧлі дась нин.

Ӧксыяслӧн 3 небӧг 8:22

Став Израиль войтыр водзын Соломон сувтіс Господьлӧн висьпуктанін водзӧ, лэптіс кисӧ енэжлань

2 Каднебӧг 8:12

Господьлы сотан висьяс Соломон вайліс висьпуктанін вылын, кодӧс сійӧ вӧчис да сувтӧдіс крам посводзлы воча.

2 Каднебӧг 15:8

Кор Аса кыліс Азарий пророклысь тайӧ кывъяссӧ да пророкалӧмсӧ, сійӧ збоймис да бырӧдіс став зывӧк идолсӧ Иуда да Венямин муясысь, тшӧтш Ефрем керӧсвывса каръясысь, кодъясӧс сійӧ босьтіс тышын. Сійӧ дзоньталіс Господьлысь висьпуктанінсӧ, коді сулаліс Господьлӧн крам посводзлы воча.

2 Каднебӧг 7:7

Соломон вежӧдіс Господьлӧн крам йӧрлысь шӧр юкӧнсӧ, сотіс сэні сотан висьяс да бурасян вись пыдди вайӧм пемӧсъяслысь госсӧ. Ӧд Соломон тшӧктӧм серти вӧчӧм ыргӧн висьпуктанін вылӧ эз тӧр сотан вись, нянь вись да пемӧсъяслӧн госыс.

2 Каднебӧг 29:18

Сэсся попъяс да левитъяс мунісны Езекей ӧксы дінӧ да шуисны: «Ми весалім-сӧстӧммӧдім Господьлысь крамсӧ, сотан висьлы висьпуктанінсӧ, вежа няньлы пызансӧ да став дозмук-кӧлуйсӧ.