2 Каднебӧг 36:23 - Коми Библия 2023

²³ «Тадзи висьталӧ персияса Кир ӧксы. Господь, енэжвывса Ен, став му пасьталаысь войтыръясӧс сетіс менам кипод улӧ. Сійӧ тшӧктіс меным лэптыны Иуда муын, Ерусалим карын, Сылы крам. Быдӧн Сылӧн войтырысь мед мӧдӧдчас туйӧ. Господь Ен мед лоас быдӧнкӧд!»

2 Каднебӧг 36:23 Referans Kwoze

Римӧ 8:31

Мый та вылӧ шуам? Енмыс кӧ миян дор, коді миянлы паныд?

Даниил 5:23

Тэ кыпӧдчин енэжвывса Господьлы паныд. Тэныд вайисны Господьлӧн крамысь босьтӧм дозмукъяс, и тэ да тэнад чина йӧзыд, гӧтыръясыд да кесйӧг-гӧтыръясыд юинныд сэтысь вина. Тэ ошкин эзысьысь да зарниысь, ыргӧнысь да кӧртысь, пуысь да изйысь вӧчӧм енъясӧс, кодъяс оз аддзыны, оз кывны да оз гӧгӧрвоны. А Енсӧ, кодлӧн киын тэнад олӧмыд да тэнад туйясыд, тэ эн ошкы.

Даниил 2:37

Ӧксыӧй, тэ – ӧксыяслӧн ӧксы. Енэжвывса Енмыс сетіс тэныд юралӧм, ыджыдалӧм, вын да нималӧм.

Даниил 2:21

Сійӧ вежлалӧ кадъяс да вояс, вештӧ ӧксыясӧс да сувтӧдӧ выльясӧс, мывкыдаяслы Сійӧ сетӧ мывкыдлун, вежӧраяслы – вежӧрлун.

Даниил 5:18

Ӧксыӧй, Медвылысса Ен сетіс тэнад Навукодоносор батьлы юралӧм, ыджыдалан вын да ошкӧм-нимӧдӧм.

Ездра 7:13

Ме сеті тшӧктӧм, медым менам муын олысь Израиль войтыр, налӧн попъяс да левитъяс, кӧсйӧны кӧ, тэкӧд мунасны Ерусалимӧ.

1 Каднебӧг 29:5

да вӧчасны зарни да эзысь дозмук-кӧлуй. Коді нӧшта кӧсйӧ вайны сетӧмторсӧ Господьлы?»

1 Каднебӧг 22:16

Тэнад эм лыдтӧм-тшӧттӧм зарни, эзысь, ыргӧн да кӧрт. Босьтчы уджӧ, Господь лоӧ тэкӧд».

2 Каднебӧг 36:22

Персияса Кир ӧксылӧн медводдза веськӧдлан воӧ иніс Господьлӧн кывйыс, мый Сійӧ висьталіс Еремей пыр. Господь ышӧдіс Кир ӧксыӧс гижны да ас му пасьталаыс юӧртны татшӧм тшӧктӧм:

Ездра 1:1

Персияса Кир ӧксылӧн медводдза веськӧдлан воӧ иніс Господьлӧн кывйыс, мый Сійӧ висьталіс Еремей пыр. Господь ышӧдіс Кир ӧксыӧс гижны да ас му пасьталаыс юӧртны татшӧм тшӧктӧм:

Исай 41:2

Коді асыввывсянь вайӧдіс веськыда вӧчысьӧс, чукӧстіс сійӧс Ас бӧрсяыс мунны, сетіс сы киӧ войтыръясӧс, сылӧн кипод улӧ ӧксыясӧс? Сылӧн шыпуртыс вӧчӧ войтыръясӧс бусӧн, сылӧн ньӧввужйысь найӧ разалӧны, быттьӧ тӧвнырӧн нӧбӧдан идзас.

Исай 45:13

Ме сувтӧді Кирӧс, медым веськыда вӧчны, Ме шыльӧда сылысь став туйсӧ. Сійӧ выльысь лэптас Менсьым карӧс, мездас Менсьым йӧзӧс пленысь, лэдзас найӧс мунны, оз босьт налысь дон ни козин. Тадзи висьталӧ Господь Саваоф.

Даниил 6:28

Дарий ӧксылӧн веськӧдлан кадӧ и персияса Кир ӧксылӧн веськӧдлан кадӧ Данииллӧн ставыс артмис.

Исай 44:5

Ӧти шуас: «Ме Господьлӧн», мӧд шуас асьсӧ Яковлӧн нимӧн, а кодкӧ ки вылас гижас: «Ме Господьлӧн», и сійӧ нимтас асьсӧ Израиль нимӧн.

Еремей 27:6

Тайӧ муяссӧ ӧні Ме сета вавилонса Навукодоносор ӧксылы, Аслам кесйӧглы. Весиг зверъясӧс Ме сета, медым найӧ кесъялісны сылы.

Даниил 5:28

”У-парсин” – тэнсьыд мутӧ лоӧ юкӧма кык пельӧ да сетӧма Мидия да Персия войтыръяслы».

Микей 4:10

Кага чужтысь ань моз ойзы, дойыдла нюглясь, Сион нылӧй, ӧд ӧні тэ петан карсьыс, кутан овны видз-му вылын, мунан Вавилонӧдз. Но сэтысь тэнӧ лоӧ мездӧма, Господь мездас тэнӧ вӧрӧгыдлӧн киысь.