2 Каднебӧг 35:21 - Коми Библия 2023

²¹ Неко мӧдӧдіс ассьыс йӧзсӧ да тшӧктіс шуны Иосейлы: «Ме ог тэкӧд кӧсйы тышкасьны, иудаса ӧксы. Ме эг тэныд паныд пет, а аслам вӧрӧглы паныд петі. Енмыс тшӧктӧ менӧ тэрмасьны. Эн пыксьы Енмыслы, медым Сійӧ эз бырӧд тэнӧ, ӧд Енмыс мекӧд».

2 Каднебӧг 35:21 Referans Kwoze

2 Каднебӧг 25:19

Тэ шуан, мый пасьвартін эдомсаясӧс, и таысь тэ ышнясян да вылӧ кыпӧдчан. Пукав гортад, эн корсь аслыд шогсӧ, сэки тэ да тэкӧд тшӧтш Иуда войтырыд онӧ усьӧй».

Ӧксыяслӧн 4 небӧг 18:25

Ме ӧд Господьлӧн кӧсйӧм серти локті татчӧ, медым бырӧдны тайӧ мусӧ. Господь Ачыс шуис меным: ”Мун да бырӧд сійӧ мусӧ”».

Иоан 2:4

Исус вочавидзис: «Аньӧй, мый Меным таӧдз, ӧд Менам кадыс эз на во».

Матвей 8:29

«Мый Тэныд миянсянь колӧ, Исус, Ен Пи? Мыйла кадысь водз Тэ локтін песны миянӧс?» – горзісны найӧ.

Исай 36:10

Ме ӧд Господьлӧн кӧсйӧм серти локті татчӧ, медым бырӧдны тайӧ мусӧ. Господь Ачыс шуис меным: ”Мун да бырӧд сійӧ мусӧ”».

Ӧксыяслӧн 2 небӧг 16:10

Ӧксы шуис: «Мый ті ме понда шогсянныд, Саруя пиян? [Кольӧй сійӧс.] Мед лёкӧдас менӧ. Господь кӧ тшӧктіс лёкӧдны, вермас-ӧ кодкӧ юавны, мыйла сійӧ тадзи вӧчӧ».

2 Каднебӧг 35:22

Но Иосей дасьтысис тыш кежлӧ, эз бӧрыньтчы. Сійӧ эз кывзы Неколысь Енсянь висьталӧм кывъяссӧ, и Мегиддо ковтысын паніс тыш.